ཐོན་མིས་ཡི་གེ་བཟོས་པ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 14 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» ཐོན་མི་གླིང་།» དཔྱད་རྩོམ། »ཐོན་མིས་ཡི་གེ་བཟོས་པ།
ཐོན་མིས་ཡི་གེ་བཟོས་པ།
རྩོམ་སྒྲིག་པ།  གྱི་ལིང་འཇིགས་མེད། སྤེལ་དུས 2016-09-23ལྟ་ཀློག (1320)རྩོམ་ཁུངས: ངེད་དྲ་བ།


 སུམ་རྟགས་མཛད་པ་བོ་སློབ་དཔོན་ཐོན་མིའི་ཆེ་བ།

ཚེ་ཏན་ཞབས་དྲུང་།


༨   ཐོན་མིས་ཡི་གེ་བཟོས་པ་ལ་རྒྱལ་བོས་དགའ་སྟོན་མཛད་པ།

        དེ་ནས་བོད་འབངས་རྣམས་སྒྲ་དང་ཡི་གེའི་རིག་པའི་གནས་ཀྱི་དགའ་ཚལ་དུ་གཞིག་པའི་སླད་དུ་སྲོང་བཙན་རང་ཉིད་ནས་ཐོན་མི་སློབ་དཔོན་དུ་བསྟེན་ཏེ་ལྷ་སའི་སྐུ་མཁར་ཕ་བོང་ཁའི་མ་རུ་ཞེས་བྱ་བར་ལོ་གསུམ་མམ་བཞི་ལ་མཚམས་བཅད་ཀྱི་ངང་ནས་ཡི་གེ་འབྲི་ཀློག་ལ་མཁས་པར་སྦྱངས།   དེ་བཞིན་དུ་བློན་འབངས་ཀུན་གྱིས་ཀྱང་རྒྱལ་བོའི་བཀའ་བཞིན་དུ་སྒྲ་དང་ཡི་གེ་ལ་གུས་རྟག་བརྩོན་པས་སྦྱངས་པ་རྒྱ་ཆེར་བྱས།   ལོ་སྔ་ཕྱི་འདི་དག་ཏུ་ཐོན་མིས་བོད་ཡིག་གསར་བཟོ་དང་བརྡ་སྤྲོད་པའི་བསྟན་བཅོས་རྣམས་ཀྱང་རིམ་གྱིས་བརྩམས་པར་གསལ་ཏེ།   དེའི་ཚུལ་ནི་འོག་ཏུ་རྒྱས་པར་འཆད་པར་འགྱུར་རོ།   །

      དེའི་ཚེ་སློབ་དཔོན་ཐོན་མི་སམྦྷོ་ཊ་ལ་རྒྱལ་བོས་བཀུར་སྟི་དང་སྲི་ཞུ་བློར་མི་ཤོང་བ་མཛད་དེ།   སློབ་དཔོན་ཞེས་པའི་མཚན་ཡང་མཚམས་འདི་ནས་ཐོགས་པར་མངོན།   བོད་ཡིག་གསར་བཟོའི་ཕྱག་རྗེས་ལ་གཟེངས་བསྟོད་པའི་དོན་དུ།   བོད་ཕྲུག་མཛངས་མི་རིམ་བྱོན་བདུན་ཡོད་པ་ལས་ཐོན་མི་དེའི་གྲས་ཀྱི་མཛངས་མི་བཞི་བར་བསྔགས་སོ།   །མཛངས་མི་ཞེས་པ་མཁས་པའམ་ལག་རྗེས་ཆེན་པོ་ཅན་གྱི་དོན་ནོ།   །འདི་ལ་དཔའ་བོ་གཙུག་ལག་ཕྲེང་བའི་ཆོས་འབྱུང་ལས།  

    བོད་ཕྲུག་མཛངས་པའི་མི་བདུན་གྱི།   །

    བཞི་བར་ཐོན་མི་བགྲང་མོད་ཀྱང་།   །

    དེ་ཀུན་མཚུངས་པ་མ་ཡིན་ཏེ།   །

    མཁན་པོ་ལོ་ཙྭའི་ཐོག་མ་འདིའི།   །

    བཀའ་དྲིན་བོད་ཀྱིས་ཇི་ལྟར་འཁོར།   །

ཞེས་བཤད་པ་ནི་དེ་ཁོ་ན་ཉིད་དོ།   །དེའི་རྐྱེན་གྱིས་བློན་པོ་འགའ་ཞིག་གི་བློ་ལ་མ་བབས་ནས་རྒྱལ་བོས་འབངས་ལ་འདི་ལྟར་བཀུར་བ་མི་རིགས་སོ་ཞེས་ལྐོག་ལབ་གླེང་བ་ཐོན་མིས་གསན་ནས།   ཉིན་གཅིག་རྒྱལ་བོ་གྲལ་གྱི་གུང་ན་བཞུགས།   བློན་པོ་ཆེ་དགུ་རྣམས་ཀྱིས་མཐའ་བསྐོར་བའི་དབུས་སུ་ཐོན་མི་ཡར་ལ་བཞེངས་ནས་ཕྲག་དོག་འཇོམས་པའི་གླུ་དབྱངས་མཆི་མ་དཀུ་བའི་ང་རོ་དང་བཅས་འདི་ལྟར་བླངས་སོ།   །

   ང་དྲིན་ཅན་གྱི་བློན་པོ་ཐོན་མི་ངས།   །

   ལམ་བགྲོད་པར་དཀའ་བའི་རྒྱ་གར་དུ།   །

   ལུས་ཚ་གྲང་ཆར་ཡང་དཀའ་བ་སྤྱད།   །

   ཁོང་མཁས་པ་བྲམ་ཟེ་ལི་བྱིན་ལ།   །

   ཡིད་གུས་པའི་ཚུལ་གྱིས་མོས་གུས་བྱས།   །

   ནོར་རིན་ཆེན་གསེར་གྱི་ཕྱག་རྟེན་ཕུལ།   །

   དོན་རྙེད་པར་དཀའ་བའི་ཡིག་འབྲུ་བསྟན།   །

   བློ་ཐེ་ཚོམ་སེལ་བའི་འཛུབ་ཁྲིད་བྱས།   །

   ཚིག་དབྱངས་ཡིག་རྣམས་ལ་མཁས་པར་སྦྱངས།   །

   རྒྱ་ཡིག་ལྔ་བཅུ་ཐམ་པ་དེ།   །

   བོད་ཡིག་སུམ་ཅུར་གཏན་ལ་ཕབ།   

   རང་མཁས་པའི་ངེས་ཤེས་བློ་ལ་ཤར།   །

   འཕྲལ་ཡོན་ཏན་ཐམས་ཅད་ཁོང་དུ་ཆུད།   །

   དུས་ད་ལྟ་དགའ་ལ་ཕྱི་མ་སྐྱིད།   །

   ཡུལ་མཐའ་འཁོབ་བོད་ཀྱི་རྒྱལ་ཁམས་འདིར།   །

   མི་མཁས་པ་སླེབས་པའི་སྔོན་མ་ཡིན།   །

   ང་མུན་པ་སེལ་བའི་སྒྲོན་མེ་ཡིན།   །

   རྗེ་རྒྱལ་བོ་ཉི་ཟླའི་ཚུལ་དུ་བཞུགས།   །

   གྲོགས་བློན་པོ་ཁྲོད་ན་ང་ཙམ་མེད།   །

   བོད་ཁ་བ་ཅན་པའི་མི་རྣམས་ལ།   །

   ང་ཐོན་མི་བཀའ་དྲིན་མི་ཆེའམ།   །

    ཞེས་དེ་སྐད་གླུ་བླངས་པས་ཕྲག་དོག་བྱེད་པའི་བློན་པོ་རྣམས་གཅིག་གིས་གཅིག་ལ་བལྟས།   ཐོན་མིས་གང་གསུངས་ཐམས་ཅད་མདེའུ་རྩེ་རྣོན་པོས་གནད་ལ་ཕོག་བཞིན་དུ་གྱུར་ནས་འགྲན་སེམས་ཞི་ཞིང་།   ཐོན་མིའི་བཀའ་དྲིན་གྱི་རི་མོ་བློན་འབངས་ཐམས་ཅད་ཀྱི་སེམས་ལ་གསུབ་ཏུ་མེད་པར་གྱུར་ཏོ།  །༼མུ་འགོད།༽

                                          

ཐོན་མིའི་རིག་གནས་བརྗེ་རེས་ཞིབ་འཇུག་ལྟེ་གནས་ཀྱིས་ཁྱེད་ལ་དགའ་བསུ་ཞུ།


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། rogu བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5920286
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号