ཐོན་མི་བོད་དུ་ཕྱིར་ལོག་པ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 15 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» ཐོན་མི་གླིང་།» དཔྱད་རྩོམ། » ཐོན་མི་བོད་དུ་ཕྱིར་ལོག་པ།
ཐོན་མི་བོད་དུ་ཕྱིར་ལོག་པ།
རྩོམ་སྒྲིག་པ།  གྱི་ལིང་འཇིགས་མེད། སྤེལ་དུས 2016-09-23ལྟ་ཀློག (1624)རྩོམ་ཁུངས: ངེད་དྲ་བ།པར་འདེབ།


 སུམ་རྟགས་མཛད་པ་བོ་སློབ་དཔོན་ཐོན་མིའི་ཆེ་བ།

ཚེ་ཏན་ཞབས་དྲུང་།


 ༧   ཐོན་མིའི་སྦྱངས་པ་མཐར་ཕྱིན་ནས་བོད་དུ་ཕྱིར་ལོག་པ།

     དེ་ནས་སློབ་དཔོན་ལི་བྱིན་ལ་ཐོན་མིས་གསེར་གྱི་མཆོད་པ་དང་བཅས་བཀའ་དྲིན་ཆེ་བའི་ཆེད་བརྗོད་ཞུས་པ་ནི་འདི་ལྟར།

     ཐུགས་ལ་བཏགས་སོ་རྒྱལ་བའི་སྲས།   

     བཀའ་དྲིན་ཆེའོ་ངོ་མཚར་ཆེ།   །

     བྱིན་གྱིས་རློབས་ཤིག་ཐུགས་རྗེ་ཅན།   །

     རིག་པ་དྲི་མེད་ཀྱི་ནམ་མཁའ་ལ།   །

     ཐབས་ཤེས་གཉིས་ཀྱི་རྒྱུ་སྐར་ཤར།   །

     སྨོན་ལམ་དག་པའི་རླུང་གིས་དྲངས།   །

     སྒྲ་ཚད་ཡི་གེའི་ཉི་ཟླ་ཤར།   །

     འགྲོ་བའི་མ་རིག་མུན་པ་སེལ།   །

     བདེ་གསལ་ཡིད་ཀྱི་རྒྱ་མཚོ་ལ།   །

     རིག་པ་བློ་ཡི་ཆུ་ཕྲན་འཁོར།   །

     སྨོན་ལམ་དག་པའི་ཆུ་བྱ་ལྡིང་།   །

     སྒྲ་ཚད་ཡི་གེའི་ནོར་བུ་བཞུགས།   །

     འགྲོ་བའི་དབུལ་ཕོངས་སེལ་བར་བྱེད།   །

     སྒྱུ་ལུས་དྲི་མེད་ཀྱི་སྡོང་བོ་ལ།   །

     ཐབས་ཤེས་གཉིས་ཀྱི་ཡལ་ག་རྒྱས།   །

     བསླབས་ཤེས་ཡོན་ཏན་མེ་ཏོག་ཤར།   །

     སྒྲ་ཚད་ཡི་གེའི་འབྲས་བུ་སྨིན།   །

     བདག་བོད་ཀྱི་བློན་པོ་ཐོན་མི་ལ།   །

     མ་ལུས་གནང་བ་ཐུགས་ལ་བཏགས།   །

     རྒྱ་གར་ཡུལ་དུ་ཕྱིན་པ་ཡིན།   །

     མཁས་གྲུབ་ཁྱེད་དང་མཇལ་བ་ཡིན།   །

     ཡོན་ཏན་གཞི་མ་ཡི་གེ་ཡིན།   །

     མ་ལུས་ཁོང་དུ་ཆུད་པ་ཡིན།   །

     བོད་ཡུལ་དབུས་སུ་འགྲོ་བ་ཡིན།   །

     རྒྱལ་བོས་དགའ་སྟོན་མཛད་པ་ཡིན།   །

     རྒྱལ་སྲིད་ཆོས་བཞིན་སྐྱོང་བ་ཡིན།   །

     རྒྱལ་བོས་དབུ་མཛད་བློན་འབངས་ལ།   །

     སྒྲ་ཚད་ཡི་གེ་སྤེལ་བ་ཡིན།   །

     ཀུན་ལ་རྒྱས་པར་བྱེད་པ་ཡིན།   །

     ཐུགས་ལ་བཏགས་སོ་རྒྱལ་བའི་སྲས།   །

ཞེས་ཞུས་ནས་བཀའ་དྲིན་རྗེས་སུ་དྲན་པར་བྱས་སོ།   །

     དེ་ནས་བོད་དུ་ཕྱིར་ལོག་ཁར་སྒྲ་རིག་པའི་བསྟན་བཅོས་བསླབས་ཚད་ཀྱི་རྒྱ་དཔེ་དང་།   གཞན་འདུས་པ་རིན་པོ་ཆེའི་ཏོག་མདོ་ཟ་མ་ཏོག་བཀོད་པ།   སྤྱན་རས་གཟིགས་ཀྱི་མདོ་རྒྱུད་ཉི་ཤུ་རྩ་གཅིག   དགེ་བ་བཅུའི་མདོ་ལ་སོགས་པའི་རྒྱ་དཔེ་རྣམས་ཀྱང་གདན་དྲངས་པར་མཛད་དོ།   །བོད་མཁས་པའི་དམ་ཆོས་གླེགས་བམ་སྒྲུབ་ཚུལ་ལས།   རྒྱ་གར་རྒྱལ་བོས་སྲོང་བཙན་ལ་སྐྱེས་ལེན་དུ།   མདོ་སྡེ་དཀོན་མཆོག་སྤྲིན།   དམ་པའི་ཆོས་པདྨ་དཀར་བོ།   གཙུག་ཏོར་དྲི་མེད་ཀྱི་གཟུངས།   ནོར་བུ་ཀཻ་ཏུ་ཞེས་པ་མུན་རུམ་ན་བཞག་པའི་འོད་གསལ་བ་ཞིག་བཅས་བསྐུར་བ་བསྣམས་ནས་བོད་ལ་བདེ་བར་བྱོན།   ཞེས་འབྱུང་ངོ་།   །

༼མུ་འགོད།༽

                                           

ཐོན་མིའི་རིག་གནས་བརྗེ་རེས་ཞིབ་འཇུག་ལྟེ་གནས་ཀྱིས་ཁྱེད་ལ་དགའ་བསུ་ཞུ།

དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། hf7l བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5924028
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号