སུམ་རྟགས་མཛད་པ་བོ་སློབ་དཔོན་ཐོན་མིའི་ཆེ་བ།

ཚེ་ཏན་ཞབས་དྲུང་། 

  ༦     ཐོན་མི་རྒྱ་གར་དུ་ནམ་ཕེབས་པ་དང་ལོ་ཅི་ཙམ་བཞུགས་པ།

  སྤྱིར་བོད་རྒྱལ་སྲོང་བཙན་རྒན་པོ་ནམ་འཁྲུངས་ཀྱི་ལོ་ལ་བཞེད་པ་མི་མཐུན་པ་ཆེ་ཁག་གཉིས་ཡོད་ནའམ།   ས་ཆེན་གྲགས་པ་རྒྱལ་མཚན།   བུ་སྟོན་རིན་ཆེན་གྲུབ་པ།   ཚལ་བ་ཀུན་དགའ་རྡོ་རྗེ།   པཎ་ཆེན་བསོད་ནམས་གྲགས་པ།   དཔའ་བོ་གཙུག་ལག་ཕྲེང་བ།   ཀུན་མཁྱེན་འཇམ་དབྱངས་བཞད་པ།      

སུམ་པ་ཡེ་ཤེས་དཔལ་འབྱོར།   རྒྱལ་རབས་གསལ་བའི་མེ་ལོང་།   རྒྱ་ནག་གི་ཡིག་ཚང་སོགས་ཀྱིས་དཔལ་དུས་ཀྱི་འཁོར་ལོའི་ལུགས་ཀྱི་མེ་མཁའ་རྒྱ་མཚོའི་འདས་ལོ་མ་ཚུགས་པའི་སྔོན་གྱི་ལོ་བདུན་པ( ༦༡༧ )མེ་མོ་གླང་ལ་འཁྲུངས་པར་བཞེད་པ་གཙིགས་པར་འདོད་པ་ལྟར་ན།   སྲོང་བཙན་དགུང་ལོ་བཅུ་བདུན་དང་ཐོན་མི་དགུང་ལོ་བཅོ་ལྔ་བཞེས་པའི་ཐོག        

( ༦༣༣ )ཐོན་མི་རྒྱ་གར་དུ་ཆས་པར་བཤད།   དེ་ལྟར་ན་རྒྱ་ནག་གི་སློབ་དཔོན་ཐང་སང་བླ་མ་སྤྱི་ལོ་དྲུག་བརྒྱ་ཉེར་དགུ་ལོར་ཁྲང་ཨན་ནས་ལི་ཡུལ་རྒྱུད་དེ་རྒྱ་གར་དུ་ཆས་པ་ལས་ལོ་བཞིས་འཕྱིས་པ་ཙམ་མོ།   །

   ཐོན་མི་རྒྱ་གར་དུ་ལོ་ག་ཙམ་བཞུགས་གསལ་བར་བཤད་པའི་སྔོན་གྱི་ཡིག་ཚང་མ་མཐོང་ཡང་།   སྲོང་བཙན་དགུང་ལོ་ཉེར་གསུམ་བཞེས་ཐོག་རྒྱའི་ཡིག་ཚང་ལྟར་ན་བལ་བཟའ་ཁྲི་བཙུན་ཁབ་ཏུ་བསུ་དུས་བློན་པོ་འགར་གྱི་རོགས་སུ་ཐོན་མི་ཡོད་ངེས་པ་ཡིན་ལ།   དེ་ལྟ་ན་བོད་མཁས་པའི་དམ་ཆོས་གླེགས་བམ་སྒྲུབ་ཚུལ་ལས་ཐོན་མི་རྒྱ་གར་དུ་ལོ་བདུན་བཞུགས་པར་བཤད་པ་དེ་ཡང་ཁུངས་དང་འབྲེལ་ལམ་སྙམ་མོ།     །༼མུ་འགོད།༽

ཐོན་མིའི་རིག་གནས་བརྗེ་རེས་ཞིབ་འཇུག་ལྟེ་གནས་ཀྱིས་ཁྱེད་ལ་དགའ་བསུ་ཞུ།