སློབ་དཔོན་ཐོན་མིའི་ཆེ་བ།༣
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 14 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» ཐོན་མི་གླིང་།» དཔྱད་རྩོམ། »སློབ་དཔོན་ཐོན་མིའི་ཆེ་བ།༣
སློབ་དཔོན་ཐོན་མིའི་ཆེ་བ།༣
རྩོམ་སྒྲིག་པ།  གྱི་ལིང་འཇིགས་མེད། སྤེལ་དུས 2016-09-23ལྟ་ཀློག (1764)རྩོམ་ཁུངས: ངེད་དྲ་བ།པར་འདེབ།


 སུམ་རྟགས་མཛད་པ་བོ་སློབ་དཔོན་ཐོན་མིའི་ཆེ་བ།

ཚེ་ཏན་ཞབས་དྲུང་། 

༣   ཐོན་མིའི་འཁྲུངས་ཡུལ་དང་ཡབ་དང་མཚན་ལ་མཁས་པའི་བཞེད་པ་མང་།

      སྔོན་གྱི་མཁས་པས་བརྩམས་པའི་བསྟན་བཅོས་རྣམས་སུ།   ཐོན་ལུག་ར་ཁ་བ་ནས་བློན་པོ་ཐོན་མི་ཨ་ནུ་ར་ག་ཏའི་བུ་ཐོན་མི་སམྦྷོ་ཊ་ཞེས་འདོད་པ་དང་།   འགའ་ཞིག་གིས་ལྷོ་གཉལ་བ་སྣང་གྲགས་ཀྱི་བུ་ཨ་ནུ་སམྦྷོ་ཊ།   སམྦྷོ་ཊ་རྒྱ་སྐད་དུ་འདོད་པ་བྱུང་ཡང་།   འདི་གཉལ་ན་ཡོད་པའི་ས་འབུར་བོ་ཞིག་འདུག་པས་ས་འབོར་ཡིན་པ་འདྲ།   གང་ལྟར་བོད་སྐད་དུ་སྣང་ཞེས་པ་དང་།   སྨོན་འགྲོ་པཎ་ཆེན་གྱིས་གཡོར་བོ་ཡུལ་དགུའི་ནང་ཚན་ཐུ་ཞེས་པའི་རིགས་ལས་འཁྲུངས་པས་ན་ཐུ་མི་ཟེར།   ཞེས་པ་དང་།   མཚན་ཡང་སམྦྷོ་ཊ་སྟེ་བྷོ་ཊ་བོད་དང་སཾ་ཡང་དག་པ་དང་།   སཾ་བྷ་དྲའམ་ས་མནྟ་བྷ་དྲ་སྟེ་ཀུན་ཏུ་བཟང་པོ་དང་།   སཾ་བསྔགས་པ་དང་བྷོ་ཊ་བོད་དེ་བོད་བསྔགས་པ་ཞེས་པར་འདོད་པ་དང་།   བུ་སྟོན་སོགས་ཀྱི་ཨ་ནུ་ཞེས་པ་ཡབ་ཀྱི་མཚན་དུ་འདོད་པ་དང་།   མཁས་པ་ལ་ལས།   རྒྱ་གར་སྐད་ཀྱིས་ཨ་ནུ་ཞེས་པ་མིའུ་ཆུང་གི་མིང་ཡིན་པས།   ཐོན་མི་ཨ་ནུ་ནི་ཐོན་མི་མིའུ་ཆུང་ཞེས་པའི་དོན་དང་།   སམྦྷོ་ཊ་བོད་ཡང་དག་པ་སྟེ་བོད་དངོས་མ་ཞིག་རེད་ཅེས་པའི་སྐད་དོད་ཡིན་ནོ།   །ཞེས་བཞེད་དོ།   །འགའ་ཞིག་གིས།   རྒྱ་གར་ན་འགྲེལ་བ་སངས་རྒྱས་བསྐྱངས་དང་།   འགྲེལ་བ་ཆོས་མཆོག་ཅེས་མཛད་པ་པོའི་མཚན་བསྟན་བཅོས་ལ་འདོགས་པའི་སྲོལ་ཡོད་པ་བཞིན་དུ།   འདིར་ཡང་།   སཾ་བྷ་དྲའམ་ས་མནྟ་བྷ་དྲ་སྟེ་ཀུན་ཏུ་བཟང་པོ་ནི་སློབ་དཔོན་ཐུ་མིའི་མཚན་ཡིན་པ་ལ་ཁུངས་ཚད་ལྡན་ཡོད་དེ།   སུམ་ཅུ་བའི་རྩ་བའི་མཇུག་ཏུ་བྱཱ་ཀ་ར་ཎའི་རྩ་བ་བརྒྱད་པ་ལས་ཀུན་ཏུ་བཟང་པོའི་བྱཱ་ཀ་ར་ཎ་དང་པོའི་སྐབས་ཏེ་ལྔ་བའོ།   །ཞེས་སྒྲ་བ་ནམ་བཟང་གི་སུམ་ཅུ་བའི་འགྲེལ་བ་བསྟན་པའི་སྒྲོན་མེར་བཀོད་པ་ལྟར་ན།   ཀུན་ཏུ་བཟང་པོ་ཞེས་པ་སློབ་དཔོན་རང་གི་མཚན་དུ་གསལ་ལོ།  ། ཞེས་ཟེར་རོ།   །གང་ལྟར་ཐོན་མི་དང་ཐུ་མི་ཞེས་འབྲི་སྲོལ་གཉིས་ཀ་མཆིས་ནའང་དེང་སང་ཐོན་ཞེས་འབྲི་བ་ནི་དར་སོ་ཆེའོ།   །༼མུ་འགོད།༽

                      

ཐོན་མིའི་རིག་གནས་བརྗེ་རེས་ཞིབ་འཇུག་ལྟེ་གནས་ཀྱིས་ཁྱེད་ལ་དགའ་བསུ་ཞུ།

དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། sphv བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5920341
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号