སློབ་དཔོན་ཐོན་མིའི་ཆེ་བ།༢
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 5 ཚེས 27 རེས་གཟའ་ལྷག་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» ཐོན་མི་གླིང་།» དཔྱད་རྩོམ། »སློབ་དཔོན་ཐོན་མིའི་ཆེ་བ།༢
སློབ་དཔོན་ཐོན་མིའི་ཆེ་བ།༢
རྩོམ་སྒྲིག་པ།  གྱི་ལིང་འཇིགས་མེད། སྤེལ་དུས 2016-09-22ལྟ་ཀློག (1497)རྩོམ་ཁུངས: ངེད་དྲ་བ།

སུམ་རྟགས་མཛད་པ་བོ་སློབ་དཔོན་ཐོན་མིའི་ཆེ་བ།

ཚེ་ཏན་ཞབས་དྲུང་། 

  ༢       ཐོན་མི་རྒྱ་གར་དུ་མངགས་པ།

   དེའི་ཚེ་བོད་ཀྱི་བློན་པོའི་བུ་བློ་རྣོ་བ་བཅུ་དྲུག་ལ་གསེར་གྱི་རྫོངས་པ་དང་བཅས་རྒྱ་གར་དུ་ཡི་གེ་སློབ་ཏུ་བཏང་ན་ཡང་།   ལ་ལ་ལམ་བགྲོད་དཀའ་བ་ལ་འཇིགས་ནས་འགྲོ་མ་ནུས།   ལ་ལ་རྒྱ་གར་དུ་ཕྱིན་ཀྱང་ཚ་པས་ཤི   ལ་ལ་རྒྱ་སྐད་མ་ཤེས་པར་ཕྱིར་ལོག   དེ་ནས་རྒྱལ་བོས་སླར་ཡང་ཐོན་མི་སམྦྷོ་ཊ་ཞེས་བྱ་བའི་ཁྱེའུ་ངང་ཚུལ་བཟང་བ།   བློ་གསལ་བ།   དཀའ་བ་དང་དུ་ལེན་པའི་སྙིང་སྟོབས་ཅན།   གཞན་ཕན་གྱི་ལྷག་བསམ་དཀར་བ་ཞིག་ཡོད་པ་དེ་ལ་བཀའ་གནང་ཞིང་།   གསེར་བྱེ་བྲེ་གང་ལ་སོགས་པའི་རྫོངས་པ་བཅས་རྒྱ་གར་དུ་བཏང་ངོ་།   །རྒྱལ་རབས་གསལ་བའི་མེ་ལོང་དུ།   བློ་རྣོ་བ་བདུན་མངགས།    ཞེས་དང་།   བུ་སྟོན་གྱིས།   ཐོན་མི་འཁོར་བཅུ་དྲུག་དང་བཅས་པ་བྱོན།   ཞེས་གསུངས་པ་ལ་བརྟགས་ན།   གོང་གི་བློན་པོའི་བུ་བཅུ་དྲུག་མངགས་པ་དེ་དང་རེབ་ཐེངས་གཅིག་ཏུ་བཞེད་པར་སྣང་ངོ་།   །

     བོད་མཁས་པའི་བརྩམས་པའི་དམ་ཆོས་གླེགས་བམ་སྒྲུབ་ཚུལ་གྱི་ལུང་མདོ་མཁར་བ་ཚེ་རིང་དབང་རྒྱལ་གྱི་ཡི་གེའི་བཤད་པར་བཀོད་པ་ལྟར་ན།   དེའི་ཚེ་བློན་པོའི་མཆོག་འགར་སྲོང་བཙན་ཡུལ་སྲུང་གཡོག་དང་བཅས་པ་རྒྱ་གར་དུ་ཡི་གེ་སློབ་ཏུ་བཏང་སྟེ།   ཏ་ལ་ཁ་ཏི་རྣམ་གསུམ་གྱི་སར་ཕྱིན་པ་ན་གཡོག་ཕལ་ཆེར་ལ་ས་ཆུ་མ་འཕྲོད་པས་ཤི   འགར་རང་ཉིད་ཀྱང་འཆི་བར་དོགས་ནས་སླར་ལོག   དེ་ནས་སྲོང་བཙན་གྱིས་ལྷོ་གཉལ་བ་ནས་ཐོན་མི་སྣང་གྲགས་ཞེས་བྱ་བའི་བུ་ལོ་བཅོ་ལྔ་ལོན་པ་ཞིག་ལ།   ཁྱོད་རྒྱ་གར་དུ་ཡི་གེ་སློབ་ཏུ་འགྲོ་ཐུབ་བམ་མི་ཐུབ་དྲིས་པ་ན།   ཐོན་མིས་མ་ཤི་ཕན་ཆད་ཅི་ལ་མི་ཐུབ་ཅེས་སྲོང་བཙན་གྱི་བཀའ་དང་དུ་བླངས་སོ།   །དེ་ནས་ཕོ་ཉའི་མགོ་དཔོན་དུ་སྟག་རོ་ལོ་ཤོག་ཟེར་བ་བསྐོས་ཏེ་གཡོག་ལྔ་བརྒྱ་སྤྲད་པ་དང་།   ཐོན་མིས་ཧ་ཅང་མང་བ་འདི་དག་གིས་ཅི་བྱེད། 

      བཅུས་འཚལ་ལོ་ཞེས་གསོལ་ནས་དཔོན་གཡོག་བཅུ་གཉིས་ལ་མཁོ་བའི་ཆས་ཀ་དང་།   རྒྱ་གར་རྒྱལ་བོ་དཔལ་སྦྱིན་བྱེད་བཱི་ན་ལྷ་ཆེན་ཞེས་པ་ལ་འཚམ་སྐྱེས་ཀྱི་བསྐུར་མ་ངག་འཕྲིན་དང་བཅས་པ་གནང་ནས་བརྫངས།   ལམ་ནས་ནཻ་པ་ལ་བལ་བོ་རྒྱལ་བོ་ལ་སྐྱེས་ཕུལ་ཏེ་ཚད་པ་ལ་ཕན་པའི་སྨན་ག་པུར་དང་།   ཅུ་གང་དང་།   ཙན་ཏན་གྱི་ཆུ་ལ་སོགས་པ་སྩལ་བ་སྟེན་ཅིང་སོང་བས་ཅི་ཡང་མ་གནོད་པར་རྒྱ་གར་དུ་བདེ་བར་བརྟོལ།   ཞེས་འབྱུང་ངོ་།   །༼མུ་འགོད།༽



དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K
ལྟ་ཀློག་གྲངས་ཀ
6354054
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།