འཆིང་རྒྱ་མེད་ན་དོན་དམ་གྱི་རང་དབང་མེད།

 རུ་སོ། 

      རང་དབང་ནི་ཅི་ཞིག་ཡིན་ནམ།  དྲི་ཚིག་འདི་ནི་སུས་ཀྱང་འགྲོལ་མ་ཐུབ་པའི་ལོ་རྒྱུས་ཀྱི་གབ་གནད་རྡོག་རྡོག་ཅིག་མ་ཡིན་ནམ།   དྲི་ཚིག་འདིའི་སླད་དུ་གནའ་ནས་ད་བར་མིང་དུ་གྲགས་པའི་བསམ་བློ་བ་དང་མཚན་ཉིད་སྨྲ་བ།  སྒྱུ་རྩལ་བ་གང་མང་གིས་དོགས་འདྲི་དང་དཔྱད་འཚོལ་མཚམས་འཇོག་མྱོང་མེད།  གྲུབ་མཐའི་བྱེད་པོ་དང་རིང་ལུགས་ཀྱི་དཔྱོད་མཁས་སུ་ཞིག་ཡིན་རུང་སོ་སོ་ལ་རང་དབང་གི་ལྟ་སྤྱོད་མི་མཚུངས་པ་རེ་རེ་ཡོད་ངེས་ལ།  དེའི་རྒྱབ་རྟེན་དུ་སྤྱི་ཚོགས་ཀྱི་ཉམས་ཞིབ་དང་།  བསམ་བློའི་ལངས་ཕྱོགས་གཏན་ཚུགས་པོ་རེ་ཡང་ཡོད་ངེས།  འོན་ཏེ་ད་དུང་དུས་རབས་ཉེར་གཅིག་པའི་ཚ་རླབས་ཁྲོད་འདིར་སྔར་བཞིན་ཤེས་རིག་དང་ལོ་རྒྱུས་ཀྱི་གོམ་སྒྲ་ཡལ་མེད་མོད།  ཀུན་གྱིས་ཁས་ལེན་པའམ་ལྟ་སྟངས་མཚུངས་པའི་རང་དབང་གི་དཀའ་འགྲེལ་ཡང་དག་ཅིག་བྱུང་མེད།  

       དེ་བས་རང་དབང་ཞེས་པ་ནི་འཆིང་རྒྱ་ངེས་ཅན་ཞིག་གི་རྨང་གཞི་ལས་འབྱུང་དགོས་པ་ཞིག་ཡིན་ལ། རྨང་གཞི་དེའི་ཐོག་གི་རང་དབང་འཚོལ་སྙེག་གི་ཐོབ་ཐང་ལ་སྤྱི་དམངས་ཀུན་གྱིས་གཙིགས་མཐོང་དང་ལྟ་སྐྱོང་གནང་བ་དང་དུས་མཚུངས་སུ་ཚད་ལས་བརྒལ་བ་དང་རང་དབང་གི་སྤྱོད་སྟངས་ལའང་དམ་འཛིན་བྱ་རིགས།  དེ་བས་ང་ཚོར་ཅིས་ཀྱང་དགོས་གལ་ཆེ་བ་ནི།  རང་དབང་དང་འཆིང་རྒྱའི་བར་དུ་དྲང་སྙོམས་ཀྱི་ཚད་ཅིག་ཡོད་པ་དེ་ཡིན་ནོ། །

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།