༄༅།།སློབ་དཔོན་རིན་པོ་ཆེ་ཧྭ་སྐོར་ཆོས་རིག་གླིང་དུ་ཕེབས་པ།

   སྤྱི་ལོ་༢༠༡༦ལོའི་ཟླ་༥བའི་ཚེས་༢ཉིན་སློབ་དཔོན་ཆེན་མོ་འཇིགས་མེད་རྒྱལ་མཚན་མཆོག་གངས་ལྗོངས་ཤེས་རིག་ནོར་བུའི་སློབ་གླིང་གི་ཡན་ལག་སློབ་གྲྭ་ཧྭ་སྐོར་ཤེས་རིག་གླིང་དུ་ཕེབས་ཤིང་དགེ་སློབ་ཡོངས་བཀའ་སློབ་བསླབ་སྟོན་མང་དུ་གནང་བ་མ་ཟད།  ཧྭ་སྐོར་དགོན་དགེ་ལྡན་ཆོས་འཕེལ་གླིང་གི་བླ་གྲྭ་ཡོངས།

སྡེ་འདིའི་ལྷ་འབངས་མི་སྡེ་བཅས་དད་ལྡན་སེར་སྐྱ་ཕོ་མོ་བརྒྱ་ཕྲག་མང་བོར་སྔ་ཕྱིར་ཐུན་གཉིས་སུ་བྱས་སློབ་གསོའི་འཆད་ཁྲིད་གནང་།    དགོན་སྡེ་ཡུལ་མི་དང་བཅས་པའི་འདས་མ་ད་གསུམ་གྱི་བྱ་བར་ཐུགས་ཁུར་བླ་མེད་གནང་ཞིང་བཀའ་སློབ་གཟབ་རྒྱས་གནང་བ་དང་བཅས་སློབ་དཔོན་རིན་པོ་ཆེ་ཁོང་གིས་ཐུགས་སྨོན་རྒྱ་

ཆེར་གནང་སྟེ་གསུང་ཆོས་བསྩལ་བའི་མཇུག་ལེགས་པར་བསྐྱངས་སོ།།

གསར་འགྱུར་དང་པར་རིས་མཁོ་སྤྲོད་པ།  གསར་འགོད་པ་སེར་སྐོར་འཇམ་ཚེ།

རྩོམ་སྒྲིག་འགན་ཁུར་བ།  མགར་རྩེ་ཉི་ཟེར།  ཁཱ་ཤེས་རབ་རྒྱ་མཚོ། འབའ་སྣང་གྲོལ། ཨ་བུ་འབྲོང་།