རྒན་གཞོན་གྱི་བརྩི་འཇོག་དང་གྲྭ་ཚང་གི་སྒྲིག་ལམ་བརྩི་རྒྱུ་ཐམས་ཅད་ཀྱིས་སེམས་ལ་ནན་ཏན་དུ་ཟུངས།

ཡོངས་ཀྱི་༧བཤེས་གཉེན་ཆེན་མོ་རྗེ་དགེ་འདུན་རྒྱ་མཚོ་ཚང་།

    གཞུང་ལ་ངེས་ཆ་གཏོང་རྒྱུ་དང་རྟོག་དཔྱོད་གནང་རྒྱུ་འདི་གལ་ཆེན་པོ་རེད། ཡུན་རིང་བོའི་བར་དུ་དཔེ་ཆ་བལྟས་ནས་དོན་ལ་དཔྱོད་པ་བྱེད་དགོས། དགེ་འདུན་པ་མང་བོ་དང་ལྷན་གཅིག་ཏུ་ཚོགས་ཆོས་གྲྭ་སོང་ནས་ཧུར་བརྩོན་བྱོས། སྤྱིར་ན་ཚོགས་ཆོས་གྲྭའི་དམ་བཅའ་ཡར་མར་ཕེབས་ན་བློ་སྐྱེད་ལེན་ཐུབ་ཀི་བཅུག ཀུན་སློང་ཡག་པ་ཞིག་གིས་སྒོ་ནས་ཁས་ལེན་ཟུངས། ལྷག་ཏུ་རྒན་གཞོན་གྱི་བརྩི་འཇོག་ཡོད་ནི་བྱོས། རྒན་གཞོན་གྱི་བརྩི་འཇོག་དང་གྲྭ་ཚང་གི་སྒྲིག་ལམ་ཚུལ་བཞིན་བརྩིས་ན་རང་གི་དམ་ཚིག་དང་སྡོམ་པའི་བསླབ་བྱ་དག་ཚུལ་བཞིན་བརྩིས་ཡོད་ནི་རེད། གྲྭ་ཚང་གི་སྒྲིག་ལམ་དང་བཅའ་ཡིག་འདི་ག་འདུལ་བའི་བསླབ་བྱ་ནས་ཚར་བྲིས་པ་ཤ་སྟག་རེད། དེ་ཡིན་བཏང་ན་སྒྲིག་ལམ་ཀུན་སྤྱོད་སོགས་གང་ཡག་ཡག་རེ་རྩིས། ཚོགས་ཆོས་རྭ་གང་གི་སྐབས་ཡིན་ན་དགེ་འདུན་པ་མང་བོ་དང་ལྷན་གཅིག་ཏུ་སྨོན་ལམ་ཚིག་བཞི་རེ་གསུང་རྒྱུ་བྱུང་བ་འདིའི་ཡན་ཆོད་རང་ངོས་ནས་སྐལ་བ་ལྡན་སོང་སྙོམས། དེ་ལྟར་བཟང་བའི་སྒོ་ནས་བསྡད་ན། རང་གིས་སྨོན་ལམ་འདེབས་ཤེས་ཀྱང་རུང་མ་ཤེས་རུང་། དགེ་འདུན་པ་མང་བོ་དང་ལྷན་གཅིག་ཏུ་སློན་ལམ་རེ་འདེབས་རྒྱུ་བྱུང་བ་བསྐལ་བ་བཟང་བོ་རེད། དེ་མིན་དགེ་རྩ་ཕྲན་ཚེགས་རེ་བསགས་པ་འདི་སངས་རྒྱས་བྱང་སེམས་སོགས་ཀྱི་སྨོན་ལམ་འགྲུབ་པའི་རྒྱུ་རུ་འགྱུར་ཞིག་བསམ་ནས་བསྡད་ན། སངས་རྒྱས་བྱང་སེམས་སོགས་རང་རང་གི་སྨོན་ལམ་འགྲུབ་པ་ལ་དཀའ་ཚེགས་མེད་པར་བདེ་བླག་ཏུ་འགྲུབ་རྒྱུ་དེ་མོ་ཡོད་ནི་རེད། དེའི་སྟབས་ཀྱིས་ཀུན་སློང་གང་ཡག་ཡག་ཅིག་གིས་སྒོ་ནས་ཚོགས་ཆོས་གྲྭའི་འདོན་པ་གསུང་རྒྱུ་ཡོད་པ་དག་གསུངས། གསུང་རྒྱུ་མེད་ནའང་གྲྭ་ཚང་གི་སྒྲིག་མ་ཞིག་པར་སྤྱོད་ལམ་མཐུན་པོ་བྱས་ནས་ཡག་པོར་བཞུགས། འདིའི་ནང་ན་སངས་རྒྱས་བྱང་སེམས་ཀྱི་སྤྲུལ་བ་ཡོད་མེད་དོགས་པ་ཡོད་ནི་མ་རེད། དེ་ཡིན་ན་དེ་དག་གིས་སྨོན་ལམ་གང་བཏབ་ན་ཅི་བསམ་འགྲུབ་པའི་རྒྱུ་རུ་འགྱུར་ནི་རེད། དེ་ཚོ་སེམས་ལ་ཟུངས།