ཁཱ་ཤེར་གྱི་རང་མོས་སྙན་ངག་ཁ་ཤས།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 21 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» རང་མོས། »ཁཱ་ཤེར་གྱི་རང་མོས་སྙན་ངག་ཁ་ཤས།
ཁཱ་ཤེར་གྱི་རང་མོས་སྙན་ངག་ཁ་ཤས།
རྩོམ་སྒྲིག་པ།  འབའ་སྣང་གྲོལ། སྤེལ་དུས 2016-03-14ལྟ་ཀློག (1040)རྩོམ་ཁུངས: ངེད་དྲ་བ།པར་འདེབ།


  ཁཱ་ཤེས་རབ་རྒྱ་མཚོ། 


ལྡེའུ་མིག

ལྡེའུ་མིག་སྒོ་འགོར་བཏགས་པ་དེ

རླུང་གིས་བསྒུལ་ནས་དཔྱང་དཔྱང་ཁྲུལ་ཁྲུལ་བྱེད

ལྡེའུ་མིག་སྒོ་འགོར་བཏགས་པ་དེས
ང་ལ་འདང་མི་དཔོག་པའི་ཚོར་བ་སྣེ་འཛིང་ཞིག་སྐྱེ་རུ་བཅུག་ལ
ཏག་ཏག་མཚན་ལམ་དེར་འཁྲལ་ལེ་འཁྲུལ་ལེ་བུད་སོང
                                 2016/3/11ཉིན་རྔ་བར།

 

འཚོལ


ཕ་ཡུལ་དུ་ལོག་ཐེངས་འདིར
སེམས་པའི་ཟབ་ས་ཞིག་དང  དུངས་པའི་ཉེ་ས་ཞིག་ནས
དྲོ་འཇམ་ཉི་འོད་འཁྱིལ་བའི་ཁང་མིག་གྲུ་བཞི
འཇམ་ཅག་གེར་ལུས་པ་མཐོང་བས

ཨ་སྔོན་ནམ་མཁའ་སྟོང་བ
དོག་མོ་ས་གཞི་སྟོང་བ

གཞི་ནས་བོར་བ་བཞིན   དངན་པ་འཐེན་ཞོར
དངངས་འཚུབ་ལངས་པ་དེས་
ཁ་པར་ནང་གི་པར་རིས་ལ་སེམས་པ་གླན་ནས
ཟླ་གསུམ་པ་ཇི་འདྲའི་གྲང་ངར་ཆེ་ཡང
ང་རང་སྒོ་འགྲམ་ནས་ཡུན་རིང་ཧད་སོང་བ
ལྐོག་ལྟ་རྒྱག་མཁན་གྱི་སྐར་མའི་ཚོགས་ལས
ང་རིག་མཁན་མེད་ཀྱང

སྤྱི་བའི་དོན་དེ་བསམས་ན
མི་ཚེའི་འདུན་མ་དེར་གཞིག་ན

འཇིག་རྟེན་འདིར
བཙལ་ན་རྙེད་ཆོག་ཅིང   
རྙེད་ན་རིན་ཐང་ལྡན་པའི
སྤྱད་ན་མི་ངོམས་པའི
མཛེས་སྡུག་དང་ལང་ཚོའི་ལོངས་སྤྱོད་དེ་དག
རེ་རེ་ནས་རྒས་ཤིང   རེ་རེ་ནས་འཛད་ཀྱིན

འཚོལ

དགོས་པའི་བདེ་སྐྱིད་རྟག་བརྟན་ཅིག་གང་ན་ཡོད


ང་ཚོ་ཚང་མ་གཅིག་ཡིན
ཤ་དང་ཁྲག་གིས་གྲུབ་པ་ཡིན་ཙང
དཀའ་སྡུག་ལྟེབ་ནས་རུམ་དུ་བཅུག་ཆོག་ཀྱང
ཁྱེད་རང་གློ་བུར་དུ 
གར་སོང་ཆ་མེད་མ་གནངས

                              2015/3/12ཉིན་རྔ་བར།


འཁོར་བ

དེ་རིང་ཡར་དེད་ན    
ཁ་སང་ནི་གློག་འགྱུ་བཞིན
སེམས་པའི་ཨ་ལོང་ལ་བརྒྱུས་ཤིང
དུང་བའི་འཇུ་ཐགས་ལ་འཐམས

ཞོགས་པར་གོག་ནས་འགྱེལ་ཞོར
རི་བོའི་སྒང་དང   རྒྱ་མཚོའི་འཇིངས་སུ
སེམས་པ་རླུང་ལ་ཞོན

འཁོར་བ
རྨི་ལམ་བཞིན་རྨིས་མི་ཚར་བའི
ཟློས་གར་གྱི་འཁྲབ་གཞུང་རིང་མོ་ཞིག

ཅིའི་ཕྱིར
ཁྱོད་འདི་ལྟར་ང་ཚོ་དང་གྱེས་པ་ཡིན
འཁྱགས་དུས་ཉི་མར་བསྲོས་པས་དྲོ་ཐིང་ཐིང་བྱས་ཆོག་ཀྱང
                                            2016/3/13ཉིན་རྔ་བར།


ལས་དབང


གནམ་རྒན་མ
ཉམ་ཆུང་གི་ལས་དབང་ལ
ཀུ་ཡངས་ཤིག་གཏོང་རོགས

ལས་དབང
མཚོ་ངོགས་ཀྱི་ཀོ་གྲུ་ཆུང་ཆུང་བཞིན
ཐག་རིང་ན་རྦ་རླབས་འགུལ་བའི་རི་མོ་བཞིན
གཅིག་རྗེས་གཉིས་མཐུད་ཀྱི་གཉེར་མ་བཞིན

ལས་དབང
བཟུང་དུ་མེད་ཅིང་རྣམ་པར་བཀྲ་བའི་འཇའ་ཚོན་ཡིན
                                  2016/3/14ཉིན་རྔ་བར།

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་། 


དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། mjbp བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5865423
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号