[1]འཛམ་གླིང་སྟེང་གི་རྒྱལ་ཁབ་གང་ལའང་རྣམ་རྟོག་འཆར་ཚུལ་དུ་མ་ཡོད། རྒྱལ་ཁབ་མི་འདྲ་བ་དང་རིག་གནས་མི་འདྲ་བས་རྣམ་རྟོག་འཆར་ལུགས་ཀྱང་མི་འདྲ།

རྒྱ་ནག

[4]མིག་གཡོན་པར་ཤ་འགུལ་བྱུང་ན་བཀྲ་ཤིས་པའི་བྱ་བ་འབྱུང་བའི་ལྟོས་ཡིན་ཞིང་། མིག་གཡས་པར་ཤ་འགུལ་བྱུང་ན་བཀྲ་མི་ཤིས་པའི་བྱ་བ་འབྱུང་བའི་ལྟོས་ཡིན་ཟེར།

 [5]གནའ་དུས་སུ་རྒྱ་ནག་པའི་བག་སར་ཕ་མ་དང་འབྲལ་སྐབས་ངེས་པར་དུ་ངུ་དགོས། འོན་ཀྱང་ཕ་མ་ལ་སླར་མཇལ་ཞེས་ཟེར་མི་རུང་སྟེ་དེ་ལྟར་བཤད་ན་གཉེན་འཐོར་ནས་སླར་ཕ་མའི་ཁྱིམ་དུ་ལོག་ཡོང་བར་འདོད། 

 [7]ཨང་ཀིའི་ཕྱོགས་ནས་རྒྱ་ནག་པ་ཕལ་ཆེར་ཨང་ཀི་4ལ་དགའ་བོ་མེད། རྒྱུ་མཚན་རྒྱ་ནག་གི་ཡི་གེ་4ཞེས་པའི་གདངས་དང་ཤི"死"ཞེས་པའི་ཡི་གེ་འདིའི་གདངས་འདྲ་བས་གལ་ཏེ་ཁ་པར་དང་ཁང་པ། རླངས་འཁོར་སོགས་ཀྱི་ཨང་རྟགས་ཁྲོད་ཨང་ཀི་4ཡོད་ཚེ་ཁོ་ཚོས་རྣམ་རྟོག་ཆེན་པོ་ཟ།

ཧྥ་རན་སི། 

[10]ལམ་དུ་འགྲོ་སྐབས་མཉམ་འཇོག་མེད་པར་ཁྱི་རྟུག་སྟེང་རྐང་པ་གཡོན་པས་སྤོས་ན་ཉིན་དེའི་བྱ་བ་མཐའ་དག་ལེགས་འགྲུབ་ཡོང་བ་དང་། རྐང་པ་གཡས་པས་སྤོས་ན་ཉིན་དེར་ལམ་འགྲོ་མི་ཡོང་བས་རབ་ན་ཉིན་དེར་བྱ་བ་ཅི་ཡང་མ་བསྒྲུབས་ན་བཟང་བར་འདོད།

ཨ་མེ་རི་ཁ། 

[11]ཨ་རི་པས་ལག་འདོགས་ཆུ་ཚོད་གློ་བུར་དུ་བསྡད་ན་བཀྲ་མི་ཤིས་ལ་དེ་ནི་འཆི་བ་མཚོན་པའི་སྔ་ལྟས་ཡིན་པར་འདོད། བཤད་རྒྱུན་འདི་ནི་སྤྱི་ལོ་1865ལོའི་ཟླ་4ཚེས་15ཉིན་བྱུང་བ་རེད་ཟེར། ཉིན་དེར་ཨ་རིའི་རླབས་ཆེ་བའི་གཙོ་འཛིན་ལེན་ཁུན་གཞན་གྱིས་མེ་མདས་བགྲོངས་ཤིང་སྐབས་དེར་ཨ་རིའི་མི་མང་པོས་རང་ཉིད་ཀྱི་ལག་འདོགས་ཆུ་ཚོད་གློ་བུར་དུ་བསྡད་རབས་བཤད། 

[12]ཨ་རི་པ་ནི་ཨང་ཀི་13ལ་མི་དགའ་ཞིང་ས་གནས་དག་ཨང་ཀི་13ལ་གཡོལ་ཅི་ཐུབ་བྱེད། ཁང་པར་བརྩེགས་13ཅན་མེད་ཅིང་ཁང་པ་ཨང་ཀི་13ཅན་ཡང་མེད། བརྙན་འཕྲིན་ཁང་གི་འདུག་སྟེགས་13པའི་རིན་གོང་ནི་ཕྱེད་ཀ་ལས་མི་དགོས།

ཨུ་རུ་སུ། 

[13]ཨུ་རུ་སུ་པས་མི་ཞིག་རྒྱང་རིང་དུ་འགྲོ་དགོས་ཚེ་སྔོན་ལ་ཁྱིམ་མི་ཆ་ཚང་མ་སྐར་མ་གཅིག་ཡས་མས་སུ་ལྷིང་འཇགས་སུ་འདུག་ངེས། དེ་ནས་མདུན་ཅོག་གི་གྲུ་རེ་རེ་ལ་འཇུ་ཞིང་ཉིན་དེར་ཁྱིམ་ལ་གད་དར་ཡང་མི་བྱེད། དེ་ལྟར་བྱས་ན་ཁོ་ལ་ལམ་སྐབས་བདེ་ལེགས་འབྱུང་ཟེར། 

[16]གལ་ཏེ་བཀྲ་མི་ཤིས་པའི་བྱ་བ་འདྲ་བྱུང་ན་སྡོང་དུམ་ཞིག་ཐེངས་གསུམ་ལ་རྡུང་སྟེ་ཁ་གཡོན་ཕྱོགས་སུ་འཁོར་ནས་མཆིལ་མ་ལན་གསུམ་འཕེན་དགོས་ཟེར།

ཐེ་ལན་དི། 

[17]ཐེ་ལན་དི་པས་ཉལ་སྐབས་མགོ་ནུབ་ཕྱོགས་སུ་སྟོན་མི་རུང་སྟེ་དེ་ནི་ཉི་མ་ནུབ་ས་ཡིན་པས་དེས་འཆི་བ་མཚོན་ཟེར། ད་དུང་སྨྱུ་གུ་དམར་པོས་མིང་འབྲི་མི་རུང་། རྒྱུ་མཚན་ཐེ་ལན་དིའི་མི་ཤི་རྗེས་འདས་པོའི་རུས་མིང་སྨྱུ་གུ་དམར་པོས་འབྲི་བས་རེད། 

ཡིག་སྒྱུར་བ་དང་གསར་འགྱུར་མཁོ་སྤྲོད་པ།  གསར་འགོད་པ་འབྲོག་སངས།