བོད་ཀྱི་སློབ་གསོ་བ་ཆེན་མོ་དགེ་རྒན་འཇིགས་མེད་རྒྱལ་མཚན་མཆོག་རྭ་རྒྱ་སྐབས་གསུམ་པའི་དང་བླང་གསབ་སྦྱོང་འཛིན་གྲྭར་ཆིབས་སྒྱུར་གནང་བ།
བོད་སྐད་ཡིག་དང་བླང་གསབ་སྦྱོང་འཛིན་གྲྭ་ནི་སྤྱི་ལོ་2013ལོར་སྲིད་གཞུང་ནས་ཆོག་མཆན་བཀོད་པ་ནང་ལྟར་ཐོག་མར་བཙུགས་པ་ཞིག་ཡིན་ཞིང་། ལོ་རེ་ནང་བཞིན་དུ་ཚོགས་པའི་གོ་རིམ་ཁྲོད་ནས་བོད་ཞིང་འབྲོག་མང་ཚོགས་ནང་དགའ་བསུ་ཚད་མེད་འཐོབ་བཞིན་པར་མ་ཟད། མཚོ་ལྷོ་དང་། རྨ་ལྷོ་སོགས་ཁུལ་མི་གཅིག་པ་སོ་སོ་ནས་སློབ་མའི་མིང་ཐོ་འགོད་མཁན་ཡང་མང་དུ་བྱུང་ཞིང་། ད་ལོ་སྟེ་སྤྱི་ལོ་༢༠༡༥ལོའི་སྤྱི་ཟླ་༡ཚེས་༢ཉིན་གྱི་ཚོགས་ཐེངས་ལ་སློབ་གཉེར་བའི་གྲངས་ཀ་སུམ་བརྒྱ་ལྷག་ལ་བརྒལ་ཡོད། སློབ་གཙོ་མཆོག་དེ་རིང་སྔ་དྲོའི་དུས་ཚོད་10སྟེང་གསབ་སྦྱོང་འདུ་ཚོགས་འདིའི་སྟེང་ཕེབས་ཏེ་སློབ་སྦྱོང་བྱེད་པ་ནི་རྒྱུགས་སྤྲོད་རྒྱུ་ཁོ་ནའི་ཆེད་དུ་མ་ཡིན་ལ། ལས་ཞུགས་གཞུང་གཉེར་གྱི་ཟླ་ཕོག་ལོན་པའི་ཆེད་དུའང་མ་ཡིན། ཞེས་དང་། སློབ་མ་ཁྱེད་ཚོ་ནི་“བོད་ཀྱི་གཟུང་འཇུག་"ལྡན་པའི་བོད་མི་ངོ་མ་ཞིག་ཡིན་དགོས། ཁྱེད་ཚོ་རེ་རེའི་སྟེང་ནས་བོད་རང་གི་རིག་གནས་ཀྱི་ཁྱད་ཆོས་ལྡན་པའི་གདོང་བ་རེ་རེ་མངོན་དགོས་ཚུལ་སོགས་བླ་ན་མེད་པའི་བསླབ་བྱ་གནངས་མཐར་འདི་གའི་དགེ་སློབ་དག་དགའ་དད་སྤྲོ་གསུམ་ངང་ནས་ལེགས་པར་མཇུག་བསྡུས་སོ།།
འཕྲིན་གཏོང་བ་འོད་ཟེར་ལྗང་གུ།
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།
|