གངས་ལྗོངས་ཤེས་རིག་ནོར་བུའི་སློབ་གླིང་གི་འཁྲུངས་སྐར་ཉེར་གཅིག་པར་ཕུལ་བའི་མཐར་ཕྱིན་སློབ་མའི་ཤིས་ཚིག

འཁྲུངས་སྐར་ལ་རྟེན་འབྲེལ་ཞུ།

འཁྲུངས་སྐར་ཉེར་གཅིག་པར་ཕུལ་བ།

གངས་དཀར་སཱ་ལའི་སྨན་ལྗོངས་འདིར།།

གྲགས་སྙན་གཡུ་འབྲུག་ཟོལ་འཛིན་པ།།

ཁྱོད་ལ་སྩོལ་བའི་ཉེར་བསྡོགས་རྩོམ།། 

གྱི་ལིང་འཇིགས་མེད་ཀྱིས།

     མི་ལོ་ཉེར་གཅིག་ནི་སྙིགས་དུས་ཀྱི་མི་ཞིག་ལ་མཚོན་པ་ཡིན་ན། ཚེ་ཚད་ཀྱི་སུམ་ཆའི་གཅིག་གམ་བཞི་ཆའི་གཅིག་ཟིན་པ་ལགས་ལ། འདི་འདྲའི་དུས་ཡུན་རིང་མོ་ཞིག་ཏུ་རང་གི་ལང་ཚོ་ཕངས་པ་མེད་པར་མི་རིགས་ཤིག་གམ་འགྲོ་བ་མིའི་རིགས་ཀྱི་རིག་གནས་རྒྱུན་འཛིན་དང་། སློབ་གསོ་གོང་སྤེལ་གྱི་ཆེད་དུ་བློས་གཏོང་བ་ནི་མིའི་རིགས་ཀྱི་དཔའ་བོ་དང་། སླད་མར་ལོ་རྒྱུས་དེབ་ཐེར་དུ་འགོད་ངེས་པ་ནི་རྩོད་མེད་ཀྱི་དོན་ཞིག་ལགས། འདིར་ཁོ་བོས་དཔའ་བོ་འདི་དག་གི་སྐུ་ཚེ་བསྐལ་བརྒྱར་བརྟན་ཅིང་། མཛད་འཕྲིན་ཕྱོགས་སུ་རྒྱས་པའི་སྨོན་འདུན་ཞུ། མ་ཡུམ་སློབ་གླིང་གི་འཁྲུངས་སྟོན་ལ་རྟེན་འབྲེལ་ཞུ། 

ཞེས་སྐབས་བཅུ་བའི་མཐར་ཕྱིན་སློབ་མ་ཁྲི་གླིང་པད་མ་ཡང་གསང་གིས་ལྷ་ལྡན་ཆོས་ཀྱི་གྲོང་ཁྱེར་ནས།  

                    ཤིས་ཚིག

འཇམ་དབྱངས་མི་ཡི་རྣམ་རོལ་སམ་བྷོ་ཊའི།།

མཐའ་དག་ཐུགས་བཞེད་སྐྱོང་ལ་མི་ངལ་བ།།

བོད་ཀྱི་དཔལ་འབྱོར་མཉམ་སྒྲུབ་སྡེ་ནས་བཞད།།  

མ་ཡུམ་གངས་ལྗོངས་ཤེས་རིག་ནོར་བུའི་སློབ་གླིང་གི་འཁྲུངས་སྟོན་བསུ།                                     

གངས་ཅན་ཕན་བདེ་བསྒྲུབ་པའི་རོལ་མོ་རུ།།  

       འདས་པའི་བགྲང་བྱ་ཉེར་གཅིག

གངས་ལྗོངས་ཤེས་རིག་ནོར་བུའི་སློབ་གླིང་མི་ཡུལ་དུ་འཁྲུངས་ནས་བགྲང་བྱ་ཉེར་གཅིག་འཁོར་བའི་དུས་སྟོན་ཆེན་མོར།

མ་ཡུམ་སློབ་གྲྭའི་དཔལ་ཡོན་འདི་ན་རྒྱས། །

ལྔ་རིག་སྤྲང་རྩི་འཁྱིལ་བའི་སློབ་གླིང་དུ། །

  ཤིས་ཚིག་མཆོད་སྤྲིན་དཀར་པོ།

           མགར•མཐིང་འཇོམས།

                    ༢༠༡༥•༡༢་༡༥

རྨོངས་པའི་མུན་པ་འཇོམས་པའི་རྟ་བདུན་དབང་།།    

སྲིད་གསུམ་གངས་རིའི་ལྗོངས་ནས་རྟག་གྱུར་ཅིག།                 ་                          

  ཞེས་རྨ་སྲས་འབྲུག་ནག་གིས་གུས་ཕུལ།

   ཁྱེད་ལ་རྟེན་འབྲེལ་ཞུ།

བཤེས་གཉེན་དཔག་བསམ་ལྗོན་པའི་རྩ་བ་བརྟན།།

བྱང་ཁ་བ་ཅན་གྱི་ལས་རླུང་ལ་འཇུས་ནས།
ཁྱེད་ཀྱིས་ཉི་མའི་འོད་དང་ཟླ་བའི་མདངས་ཀྱིས། 

ནར་མ་སོན་པའི་ཚེ་སྲོག་གང་མང་ལ་གཞིས་ཁྱིམ་བསྐྲུན་ཅིང་། 

ལམ་མི་གསལ་བུ་སློབ་ཁྲི་ཕྲག་གི་རེ་འདུན་མཁའ་རུ་བཏེགས།  

ཀྱེ་ཀྱེ་ང་ཡི་མ་ཡུམ་སློབ་གྲྭ། 

དེ་རིང་ནི་ཁྱེད་ཀྱི་བཀྲ་ཤིས་པའི་ཉིན་མོ། དོན་འགྲུབ་པའི་ཉིན་མོ་སྟེ།

ཁྱེད་ཉིད་མི་ཡུལ་དུ་འཁྲུངས་པའི་དུས་བཟང་འདི་དང་བསྟུན། 

ཁྱེད་དགེ་སློབ་རྣམ་པའི་སྐུ་ཚེ་བསྐལ་བརྒྱར་བརྟན་ཅིང་མ་ཡུམ་སློབ་གྲྭའི་བྱ་གཞག་གང་ཡོད་ཡིད་བཞིན་འགྲུབ་པའི་སྨོན་ལམ་ཡང་ཡང་འདེབས།

        ཞེས་ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་དུ་སློབ་གཉེར་བྱེད་བཞིན་པའི་སློབ་བུ་འཕགས་སྐྱེས་དང་མཚོ་སྐྱེས་རྡོ་རྗེ་གཉིས་ཀྱིས་གུས་པས་ཕུལ།

ཐུགས་ཀྱི་གཏིང་རིམ་ན་དྲོད་ཀྱིས་ཉར་ཡོད།།

རྟག་པར་འཚེར་བ་ནི་སྨོན་པའི་གཞིའོ།།

                                                                            ལུང་རྟོགས་ཀྱིས།

རི་ཁ་བ་ཅན་གྱི་ཡུལ་ན།།

ཆུ་རྨ་ཆུའི་ཁུགས་པ་ཞིག་ན།།
མགོན་སློབ་དཔོན་རྣམ་དཔྱོད་ཡངས་ས།།
ནང་བུ་སློབ་བློ་སྒོ་འབྱེད་ས།།
ངེད་གངས་ལྗོངས་ཤེས་རིག་ནོར་གླིང་།།
གནས་བསྐལ་བའི་བར་དུ་རྒྱལ་ལོ།།

ཀ་རྒྱའི་ལྷ་རིག་རྒྱལ་གྱིས་མ་ཡུམ་སློབ་གྲྭའི་འཁྲུངས་སྟོན་ལ་ཕུལ་བའི་ཤེས་ཚིག། 

 གངས་དཀར་ཚར་དུ་དངར་བའི་བསིལ་མོ་ལྗོངས་ནས་ཁྱོད་ཀྱི་ལང་ཚོའི་མེ་ཏོག་ས་རྡུལ་དམར་པོའི་ཀློང་ནས་འཁྲུངས།།
སྙན་པའི་གྲགས་པ་གོ་ལའི་ཁྱོན་ནས་བརྒལ་བའི་ཤེས་རིག་གླིང་ཞེས་མི་རིགས་སྟོང་གིས་གླེང་བའི་སློབ་གླིང་ངམ།།།
མཁན་སློབ་རྣམ་གསུམ་ལ་སོགས་ད་མ་པ་དག་གི་གཞན་ཕན་ལྷག་བསམ་ཐུགས་བསྐྱེད་གཟི་འོད་འབར་བའི་འོད་གོང་སྟེ།།

མ་ཡུམ་སློབ་གླིང་ཁྱོད་ཀྱི་སྐུ་ཚེ་ཞབས་པད་བསྐལ་བརྒྱར་བརྟན་ཅིང་མཛད་པའི་འཕྲིན་ལས་མངའ་ཐང་རྒྱས་གྱུར་ཅིག། 

 ཅེས་མ་ཡུམ་གངས་ལྗོངས་ཤེས་རིག་ནོར་བུའི་སློབ་གླིང་གི་འཁྲུངས་སྐར་ཉེར་གཅིག་པར་སྐབས་དགུ་བའི་མཐར་ཕྱིན་སློབ་བུ་ཀ་རྒྱ་བློ་བཟང་གིས་གུས་པས་ཕུལ།༢༠༡༤/༡༢/༡༥ཉིན།

 གངས་དཀར་ཚར་དུ་དངར་བའི་བསིལ་མོ་ལྗོངས་ནས་ཁྱོད་ཀྱི་ལང་ཚོའི་མེ་ཏོག་ས་རྡུལ་དམར་པོའི་ཀློང་ནས་འཁྲུངས།།

སྙན་པའི་གྲགས་པ་གོ་ལའི་ཁྱོན་ནས་བརྒལ་བའི་ཤེས་རིག་གླིང་ཞེས་མི་རིགས་སྟོང་གིས་གླེང་བའི་སློབ་གླིང་ངམ།།།
མཁན་སློབ་རྣམ་གསུམ་ལ་སོགས་ད་མ་པ་དག་གི་གཞན་ཕན་ལྷག་བསམ་ཐུགས་བསྐྱེད་གཟི་འོད་འབར་བའི་འོད་གོང་སྟེ།།

མ་ཡུམ་སློབ་གླིང་ཁྱོད་ཀྱི་སྐུ་ཚེ་ཞབས་པད་བསྐལ་བརྒྱར་བརྟན་ཅིང་མཛད་པའི་འཕྲིན་ལས་མངའ་ཐང་རྒྱས་གྱུར་ཅིག།

 ཅེས་མ་ཡུམ་གངས་ལྗོངས་ཤེས་རིག་ནོར་བུའི་སློབ་གླིང་གི་འཁྲུངས་སྐར་ཉེར་གཅིག་པར་སྐབས་དགུ་བའི་མཐར་ཕྱིན་སློབ་བུ་ཀ་རྒྱ་བློ་བཟང་གིས་གུས་པས་ཕུལ།