༄༅། །  གངས་ལྗོངས་མུན་སེལ་སྣང་བྱིན་སློབ་གྲྭའི་གསར་འགྱུར།    

   ད་ལོ་ནི་དཔའ་ལུང་བ་ཨ་ཁུ་ཤེས་རབ་རྒྱ་མཚོས་བཙུགས་པའི་གངས་ལྗོངས་ཤེས་རིག་ནོར་བུའི་སློབ་གླིང་གི་ཡན་ལག་ཐོག་མ་སྟེ་གངས་ལྗོངས་མུན་སེལ་སྣང་བྱིན་སློབ་གྲྭར་མཚོན་ན་ཀྱག་ཀྱོག་དང་དཀའ་སྡུག་གི་ཁྲོད་ནས་ནར་སོན་ཏེ་བགྲང་བྱ་བཅུ་འཁོར་བའི་བཀྲ་ཤིས་པའི་དུས་སྟོན་གཟབ་རྒྱས་ཤིག་སྤེལ་བའི་ཉིན་མོ་ཡིན་ལ། ཡང་གཅིག་བཤད་ན་སློབ་གྲྭའི་ཐུན་མིན་གྱི་ཁྱད་ཆོས་ཏེ་ཤེས་རིག་འགྲན་གླེང་སྤེལ་ནས་སྐབས་བརྒྱ་བར་སོན་པའི་རྟེན་འབྲེལ་རིག་རྩལ་དུས་སྟོན་གྱི་ཉིན་མོ་ཞིག་ཀྱང་ཡིན། སློབ་གྲྭ་ཞིག་ལ་མཚོན་ན་ཤེས་རིག་འགྲན་གླེང་ཞེས་པའི་བྱ་འགུལ་འདི་ཉིད་ཅིས་ཀྱང་དགོས་ངེས་ཤིག་དང་།  དགེ་སློབ་ཐུན་མོང་ལ་མཚོན་ན་སློབ་སྦྱོང་གི་གར་སྟེགས་མཐོ་ཤོས་ཤིག་རེད་ཅེས་བཤད་ན་མི་ཆོག་པ་ཅི་ཡང་མེད། དེའི་ཕྱིར། གངས་ལྗོངས་མུན་སེལ་སྣང་བྱིན་སློབ་གྲྭས་སློབ་མའི་སེམས་ཁམས་བདེ་ཐང་དང་ལུས་ཕུང་སྦྱོང་བརྡར། སྤོབས་པ་སོགས་སྐྱེད་བསྲིང་བྱེད་ཆེད་ཐབས་ལམ་འདི་འདྲ་གཉེར་ནས་ཤེས་རིག་འགྲན་གླེང་སྐབས་བརྒྱ་བ་འཚོགས་ཐུབ་པར་ཡིད་ཆེས་དང་སྤྲོ་བ་བླ་ལྷག་སྟེར་བར་མ་ཟད།  འདི་ནི་ཆེས་མཐོ་བའི་སློབ་གྲྭའི་ཤེས་རིག་གར་སྟེགས་གཅིག་པུ་དེ་གྱུར་ཡོད།  ཤེས་རིག་འགྲན་གླེང་འདིར་རྣམ་གྲངས་དུ་མ་ཡོད་དེ། རྩོད་རིགས།  སྐབ་བབས་སྦྱང་བྱ། ལོ་རྒྱུས་ཤེས་བྱ། སྐད་རིགས་འགྲན་སྡུར། ཐ་སྙད་འགྲན་སྡུར། ཡིག་གཟུགས་འགྲན་སྡུར། ཁ་ལྕེ་གང་མྱུར། རྒྱན་གྱི་རྒྱལ་བོ། ཁ་མཚར་གད་མོ། གླུ་དང་རྡུང་ལེན་གླུ་དབྱངས་སོགས་ཅུང་སྣ་འཛོམས་རང་བཞིན་ཅན་གྱི་ཤེས་རིག་གིའགྲན་སྡུར་ཆེན་མོ་ཞིག་ཡིན། ད་ཐེངས་འདི་ལྟར་ཤེས་རིག་འགྲན་གླེང་སྐབས་བརྒྱ་བ་སྔར་ལས་ཀྱང་གཞི་རྒྱ་ཆེར་བསྐྱེད་དེ་གཟབ་རྒྱས་ཤིག་འཚོགས་ཐུབ་པར་མ་ཟད་ཚོགས་ཐོག་ཏུ་སློབ་གཙོ་ཤེས་རབ་རྒྱ་མཚོས་གསུང་བཤད་གནང་། 

ཐེངས་འདིའི་འགྲན་སྡུར་ཁྲོད་ཀྱི་བྱ་དགའི་གོ་རིམ་ནི། 

འཕྲིན་གཏོང་བ།  སྐབས་བཅུ་དྲུག་པའི་མཐར་ཕྱིན་སློབ་མ་རྒྱ་འདུ་སངས་རྒྱས།

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།