ངེད་དྲ་བའི་འཕྲིན་གཏོང་བ་བསྟན་གསལ་བྱམས་བརྩེ་ཤེས་རིག་སྒྱུ་རྩལ་གླིང་དུ་རྒྱུས་ལོན་དང་བཅར་འདྲི་རུ་ཕྱིན་པ།

༡༽དྲི་བ། སློབ་གཙོ་ཀརྨ་བསྟན་གསལ་ལགས། ཁམས་བཟང་། ཐོག་མར་ཁྱེད་ཀྱིས་ཚོགས་པ་དང་། སློབ་གྲྭ། བཤད་གྲྭ་སོགས་ཀྱི་ཕྱག་ལས་མང་བོ་ཞིག་གི་བར་གསེང་ནས་ངེད་དྲ་བའི་བཅར་འདྲི་དང་ལེན་མཛད་པར་སྙིང་ནས་བཀའ་དྲིན་ཆེ་ཞུ་བ་དང་། ཁྱེད་རང་ངོ་སྤྲོད་མདོར་བསྡུས་ཤིག་གནང་རོགས།

ལན། ཕྲན་ནི་སྤྱི་ལོ་༡༩༧༥ ལོར་ཡུལ་ཤུལ་ཀུན་འཆམ་སྡེ་བར་སྐྱེས། ཆུང་དུས་ནས་དགོན་པར་ཞུགས་ཏེ་རབ་ཏུ་བྱུང་། འབྲི་ཀློག་སོགས་ལེགས་པར་གྲུབ་རྗེས་ཁུལ་བདེ་འགྲོ་ཐང་ནང་བསྟན་མཐོ་སློབ་དང་།གསེར་ཐང་ལྔ་རིག་ནང་བསྟན་སློབ་གླིང་། རྫོགས་ཆེན་ཤྲཱི་སེང་ཆོས་གྲྭ། གཞན་མཚན་ལྡན་གྱི་དགེ་བའི་བཤེས་གཉེན་སོགས་ལས་མདོ་སྔགས་རིག་གནས་སོགས་ལ་ཅི་ནུས་ཀྱིས་བག་ཆགས་འཇོག་ཁུལ་བྱས། སྤྱི་ལོ་༢༠༠༡ ལོར་རང་དགོན་གོ་ཆེ་དགེ་འཕེལ་གླིང་ནས་མཁན་པོར་བཞག །རང་དགོན་དུ་མཁན་པོའི་འགན་བླངས་ཏེ་ལོ་གསུམ་རིང་ཐུན་མོང་རིག་གནས་དང་། ཐུན་མིན་གྱི་གཞུང་བཀའ་པོད་ལྔ་སོགས་སློབ་ཁྲིད་ཀྱང་གང་འཚམས་དང་། སྤྱི་ལོ་༢༠༠༤ནས་བཟུང་ད་ལྟའི་བར་བགྲང་བྱ་བཅོ་ལྔའི་རིང་དཀའ་ཚེགས་དང་བཟོད་བསྲན་ཕྲག་ལ་ཁུར་ཏེ་དགོན་པ་དང་། བཤད་གྲྭ། རྒས་གསོ་ཁང་། སློབ་གྲྭ་བཅས་ལ་བསྟན་གསལ་བྱམས་བརྩེ་ཚོགས་པའི་ངོས་ནས་མཐུན་རྐྱེན་ཅི་འབྱོར་སྒོས་རང་འགན་དུ་ལྷུང་བའི་བྱ་བཞག་འགའི་ཆེད་མ་ཁོམ་པར་ཡོད་ལགས།

ལན།  ལགས་སོ། །བཀའ་དྲིན་ཆེ། ང་ཚོའི་སློབ་གྲྭ་ཡང་གསར་དུ་ལམ་ལ་ཆས་བཞིན་ཡོད་པས་སྤྱི་ཚོགས་ཀྱི་རྒྱབ་སྐྱོར་ཤིན་ཏུ་མཁོ། དེ་བས། འདི་ནས་ཆེད་དུ་ཤེས་རིག་གླིང་གི་དྲ་བའི་འཕྲིན་གཏོང་བ་ཁྱེད་ངེད་སློབ་གླིང་ལ་རྒྱུས་ལོན་དང་བཅར་འདྲིར་ཕྱིན་པར་ཡང་བཀའ་དྲིན་ཞུ། བཀྲ་ཤིས་བདེ་ལེགས།

འཕྲིན་གཏོང་བ།  སྐབས་བཅོ་ལྔ་བའི་མཐར་ཕྱིན་སློབ་མ་གླིང་བུའི་སྙེ་མ་ཡིན། 

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།