གློ་གཅོང་གི་ནད།  

འདི་ནི་སྤྱི་ཚོགས་ཀྱི་སྣང་ཚུལ་ངན་པ་ཞིག་སྟེ་གློ་གཅོང་གི་ནད་འདིར་རྒྱུས་ལོན་དང་དེའི་སྐོར་གྱི་ཤེས་བྱ་ཅི་ཡང་མེད་པར་གློ་གཅོང་གི་ནད་པ་དག་ལ་མཐོང་ཆུང་དང་ཁྱད་གསོད་བྱེད་པ་ནི་མི་འོས་སོ། །ནད་འདི་རིགས་ངོས་འཛིན་བྱུང་བ་ནས་བཟུང་ཚད་ལྡན་གྱིས་སྨན་བཅོས་བྱས་ཏེ་གཟའ་འཁོར་གསུམ་ནས་བཞི་རུ་ལོན་རྗེས་ནད་འདིའི་འགོ་སྟོབས་ཇེ་ཞན་དུ་འགྲོ་བས་ནད་པ་དག་སྤྱི་ཚོགས་བྱ་འགུལ་གང་རུང་དུ་མཉམ་ཞུགས་བྱེད་ཆོག །   དེ་མིན་དམངས་ཁྲོད་དུ་སྤྱང་ཀིའི་ཤ་ཟོས་ན་གློ་གཅོང་གི་ནད་ལ་ཕན་ཚུལ་ལྷ་སྒྲུང་ལྟར་དུ་བཤད་ནས་སྤྱང་ཤ་རྒྱ་མ་གང་ལ་སྒོར་མོ་ལྔ་བཅུ་དྲུག་ཅུ་སྟེར་བཞིན་ཡོད། སྤྱང་ཀིའི་ཤ་ནི་སྨན་གྱི་རིགས་སུ་འགྲོ་ཚུལ་རྒྱ་སྨན་དང་བོད་སྨན་གཉིས་སུ་ཡོད་ཀྱང་། དེས་གློ་གཅོང་གི་ནད་ལ་ཕན་ཚུལ་ནི་བྲིས་མེད་པ་འདྲ་སྟེ། འཁྲུངས་དཔེ་དྲི་མེད་ཤེལ་གྱི་མེ་ལོང་སོགས་སུ། ༼ཤ་རིགས་རྣམས་རོ་མངར། ཞུ་རྗེས་དྲོ་ལ་སྙོམས། ཁྱད་པར་ཤ་ཡིས་དྲོད་སྐྱེད། མ་ཞུ་འཇུ། ལུས་ཟུངས་འཕེལ། ༽ཞེས་གསུངས་འདུག་པ་ལས་གློ་གཅོང་གི་ནད་ལ་ཕན་ཚུལ་ནི་མ་རྙེད་དོ། །དེའི་ཕན་ནུས་ལྷ་སྒྲུང་ལྟར་དུ་དམངས་ཁྲོད་ལ་ཁྱབ་ཚེ་ནད་པ་ཚོས་སྤྱང་ཀིའི་ཤ་ཟ་བ་ལས་སྨན་མི་འཐུང་བའི་ཉེན་ཁ་ཡོད་པས་འདིའི་སྐོར་གྱི་ཤེས་བྱ་ནི་ཁ་ཚ་དགོས་གཏུག་གི་དོན་དག་ཏུ་སེམས་ཡོད། མདོར་ན། རང་གིས་རང་ལ་སྨན་བཅོས་མི་བྱེད་པར་གོང་དུ་གླེང་པའི་ནད་རྟགས་གང་རུང་བྱུང་ཚེ་མགྱོགས་མྱུར་ངང་ཚད་ལྡན་སྨན་ཁང་དུ་བརྟག་དཔྱད་དང་སྨན་བཅོས་བྱེད་པར་ཕེབས་རོགས་ཞེས་ཞུ་བ་བྱས་པ་ཡིན།  

འཕྲིན་གཏོང་བ།  སྐབས་བཅོ་ལྔ་བའི་མཐར་ཕྱིན་སློོབ་མ་གླིང་བུའི་སྙེ་མ།

རྩོམ་སྒྲིག་འགན་འཁུར་བ།  ཁཱ་ཤེས་རབ་རྒྱ་མཚོ།  མགར་ཉི་ཟེར། བན་ཤུལ་འཇམ་དབྱངས། ཨ་བུ་འབྲོང་།