ཆུའི་གསོ་བཅོས་ཀྱི་ཁེ་ཕན། ཞོགས་པ་གཉིད་སད་མ་ཐག་ལམ་སེང་ཆུ་འཐུང་རྒྱུ་ནི་དེང་སང་ཉི་ཧོང་ནང་དར་ཁྱབ་ཧ་ཅང་ཆེ། དེ་བས་ཀྱང་། ཚན་རིག་བརྟག་དཔྱད་མང་པོ་ཞིག་གིས་དེའི་རིན་ཐང་ར་སྤྲོད་བྱུང་ཡོད། གཤམ་འདིར་ང་ཚོས་ཀློག་མཁན་ཚོར་ཆེད་དུ་དམིགས་ནས་ཆུ་བེད་སྤྱོད་བྱེད་སྟངས་སྐོར་གྱི་ཤེས་བྱ་ཞིག་ངོ་སྤྲོད་བྱེད་རྒྱུ་ཡིན། ནད་གཞི་རྙིང་པ་དང་། ནད་ཐུ་མོའི་རིགས། དེ་བཞིན་དུ་ནད་ཡང་མོའི་རིགས་གང་ལ་མཚོན་ན་ཡང་། ཆུའི་གསོ་བཅོས་ཀྱིས་དགེ་ཕན་ཧ་ཅང་ཆེ་བ་མ་ཟད། ཉི་ཧོང་གི་འཕྲོད་བསྟེན་ཚན་རིག་སྡེ་ཁག་ཅིག་གིས་གཤམ་གྱི་ནད་གཞི་ཁག་ཆུའི་གསོ་བཅོས་ལ་བརྟེན་ནས་བརྒྱ་ཆའི་བརྒྱ་ཐམས་པ་གསོ་བཅོས་བྱེད་ཐུབ་པ་ཤེས་རྟོགས་བྱུང་ཡོད། མགོ་ན་བ། གཡན་པ(ལུས་པོར་ཟ་འཕྲུག་ལངས་པའི་པགས་ནད།)། སྙིང་གི་མ་ལག གྲུམ་ནད། སྙིང་གི་འཕར་ལྡིང་མགྱོགས་པ། དབང་རྩའི་གཟའ་གྲིབ། ཚད་བརྒལ་རྒྱགས་པ། གློ་ཡུའི་གཉན་ཚད། གློ་སུད་།(དབུགས་འཚང་བའི་ནད།) གློ་བའི་གཉན་ཚད། ཀླད་སྐྱིའི་གཉན་ཚད། མཁལ་མ་དང་གཅིན་ལམ་གྱི་ནད་རིགས། སྐྱུགས་བྲོ་བ། ཕོ་སྐྲངས་ཀྱི་ནད། བཤལ་ནད། བཤང་འབྲུམ། གཅིན་སྙིའི་ནད། རྩ་ཆུ་འགག་ནད། མིག་ནད་ཡོངས། བུ་སྣོད་ཀྱི་ནད། སྐྲན་ནད། ཟླ་མཚན་དུས་ལྟར་མི་འབབ་པ། རྣ་དང་། སྣ། མགྲིན་པ་བཅས་ཀྱི་ནད། གསོ་བཅོས་བྱེད་ཐབས།
1.ཞོགས་པ་གཉིད་ལས་སད་མ་ཐག་སྟེ། སོ་མ་འཁྲུ་བའི་སྔོན་ལ་ཆུ་ཤེལ་ཕོར་བཞི་རེ་འཐུང་། (ཤེལ་ཕོར་ཆེ་ཆུང་160ml)
2.དེའི་རྗེས་སུ་ཁ་དང་སོ་གཙང་འཁྲུས། ཡིན་ན་ཡང་། དུས་ཡུན་སྐར་མ་45 རིང་ལ་བཟའ་བཏུང་གང་ཡང་མ་བྱོས།
3.སྐར་མ་45 ཡི་རྗེས་སུ་ནམ་རྒྱུན་བཞིན་བཟའ་བཏུང་ལ་རོལ་ཆོག
4.ཞོགས་ཟས་དང་། གུང་ཟས། ནུབ་ཟས་བཅས་གྲུབ་རྗེས་ཀྱི་སྐར་མ་15 རྗེས་ཀྱི་དུས་ཡུན་ཆུ་ཚོད་གཉིས་རིང་ལ་བཟའ་བཏུང་གང་ཡང་མ་བྱོས།
5.ལོ་ན་བགྲེས་པའམ། ནད་ཀྱི་དབང་གིས་ཉིན་རེར་ཆུ་ཤེལ་ཕོར་བཞི་རེ་འཐུང་མི་ཐུབ་མཁན་ཚོས་དང་ཐོག་ཤེལ་ཕོར་གཅིག་རེ་འཐུང་བ་དང་།

རྗེས་སུ་རིམ་གྱིས་ཉིན་རེར་ཆུ་ཤེལ་ཕོར་བཞི་རེ་འཐུང་ཐུབ་པ་བྱེད་ན་ཆོག གོང་གསལ་གྱི་བཅོས་ཐབས་ཀྱིས་ནད་པའི་ནད་སེལ་ཞིང་། གཞན་དག་ལ་བདེ་ཐང་གི་འཚོ་བ་རྒྱུན་སྲིངས་བྱེད་ཐུབ།

གཤམ་གསལ་གྱི་གྲངས་ཐོ་ཡིས་ནད་རིགས་གཙོ་བོ་ཁག་ཅིག་བཅོས་པ་ལ་བཅོས་ཐབས་འདི་ཉིན་གྲངས་ག་ཚོད་ལ་བསྟེན་དགོས་མིན་བསྟན་ཡོད།
ནད་གཞི། ཉིན་གྲངས། ཁྲག་ཤེད་མཐོན་པོ། 30 ཕོ་བའི་སྐྲངས་ནད། 10 གཅིན་སྙིའི་ནད། 30 རྩ་ཆུ་འགག་ནད། 10 སྐྲན་ནད། 180 གློ་བའི་གཉན་ཚད། 90
གྲུམ་བུའི་ནད། ཉིན་གྲངས་མི་གསལ། གྲུམ་བུའི་ནད་པ་ཚོས་བཅོས་ཐབས་འདི་ཐོག་མར་བསྟེན་དུས་ཀྱི་བདུན་ཕྲག་དང་པོར་ཉིན་གསུམ་ལ་བསྟེན་རྗེས་ལྷག་མའི་ཉིན་བཞིར་མཚམས་འཇོག་པ་དང་།

བདུན་ཕྲག་གཉིས་པ་ནས་བཟུང་ཉིན་ལྟར་བསྟེན་དགོས། བཅོས་ཐབས་འདི་ལ་ཞོར་སྐྱོན་གང་ཡང་མེད། ཡིན་ན་ཡང་། བཅོས་ཐབས་འགོ་འཛུགས་དུས་ཁྱེད་རང་ཆབ་གསང་ལ་ཡང་ཡང་འགྲོ་དགོས་འབྱུང་སྲིད།

རྩོམ་སྒྲིག་འགན་འཁུར་བ། ཁྰ་ཤེས་རབ་རྒྱ་མཚོ། མགར་རྩེ་ཉི་ཟེར།འབའ་སྣང་གྲོལ། ཨ་བུ་འབྲོང་།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།