བུང་བ་གཞོན་ནུའི་སྐྱོ་གླུ།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 16 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» དམངས་རྩོམ། »བུང་བ་གཞོན་ནུའི་སྐྱོ་གླུ།
བུང་བ་གཞོན་ནུའི་སྐྱོ་གླུ།
རྩོམ་སྒྲིག་པ།  ཨ་བུ་འབྲོང་། སྤེལ་དུས 2015-05-20ལྟ་ཀློག (1001)རྩོམ་ཁུངས: མཚོ་སྔོན་པོའི་དྲ་བ།པར་འདེབ།

བུང་བ་གཞོན་ནུའི་སྐྱོ་གླུ།
སེར་ལམ་མེ་ཉི་མ་ཤར་གི །
སྙན་ལྷང་ངེ་ཁུ་བྱུག་གྲག་གི །
ཁྲ་ལམ་མེ་མེ་ཏོག་བཀད་གི །
ས་གླིང་དཀར་སྟོད་འདི་སྐྱིད་ལ། །
ཉིན་ཞིག་གི་ཕྱི་དྲོ་ཞིག་ལ། །
མ་རང་གི་ཁྱིམ་ལ་ཐོན་དུས། །
ས་ཐག་རིང་འགྲུལ་བ་གསུམ་ཡོང༌། །
ངས་ཕ་ལོ་མ་ལོ་གཉིས་ཀར། །
གན་སུ་རེད་གང་རེད་དྲིས་ན། །
ངའི་ཕ་ལོ་མ་ལོ་གཉིས་ཀས། །
ས་ཐག་རིང་མགྲོན་པོ་ལམ་འགྲོ །
ཞག་གཅིག་གི་འགྲུལ་བ་ཆུ་འཐུང༌། །
སང་ནངས་མོ་ནམ་མཁའ་ལངས་དུས། །
རླུང་བསེར་བུ་མཉམ་འགྲོ་རེད་ཟེར། །
ང་བུ་མོའི་བློ་ཁ་བདེ་ཐལ། །
ནམ་སྐྱ་རེངས་མ་ཤར་གོང་ལ། །
ཟོ་ཁུར་ནས་ཆུ་ཁར་སོང་དུས། །
རོགས་མདངས་ཅན་ཤར་ལི་ཐོན་ནས། །
ས་ཚ་ཁོའི་གཞུང་ཁོག་ཅིག་ལ། །
འགྲོ་དགོས་གི་ཟེར་ནོ་ཨེ་བདེན། །
རོགས་ང་ལ་མདངས་སེམས་ཆེ་ན། །
གཏམ་མ་གསང་དྲང་མོར་ཤོད་ཟེར། །
ངས་ཕ་ལོ་མ་ལོར་དྲིས་ན། །
ངའི་ཕ་ལོ་མ་ལོ་གཉིས་ཀས། །
ཚེ་ཕྱི་མར་འགྲོ་གི་ཡུལ་སྲུང༌། །
ལ་རིང་བོར་འགོ་གི་ལག་རྟེན། །
གཅིག་ཡོད་ནོ་བུ་མོ་ཁྱོད་རེད། །
ས་ཚ་ཁོའི་གཞུང་ཁོག་ཕར་ཞོག །
ཐག་ཉེ་རིང་ཀུན་ལ་མི་སྟེར། །
གཏམ་གོ་གོ་གཉི་ག་མ་ཉན། །
ཟས་བྱིན་བྱིན་གཉི་ག་མ་ཟ། །
གཏམ་གོ་ཚད་ཉན་ནི་མིན་ད། །
གཏམ་ངན་པ་བྱང་ཕྱོགས་རླུང་རེད། །
རླུང་བསེར་བུས་ས་གཞི་ཁྱབ་ཐལ། །
བློ་དེ་ཡིས་མ་བདེ་དྲིས་ནི། །
ས་ཚ་ཁོ་གཞུང་ཁོག་གན་ན། །
འགྲོ་དགོས་གི་དུས་སྟེང་ཞིག་ལ། །
རོགས་མདངས་ཅན་ཤར་ལི་ངེད་གཉིས། །
སྐེ་གཤིབས་ནས་འདུག་དབང་ཨེ་ཡོད། །
སྐེ་གཤིབས་ནས་འདུག་དབང་མེད་ན། །
ཡང་མིན་ན་ཆུ་ལ་ལྕེབ་རྒྱུ། །
ཡང་མིན་ན་བྲག་ལ་ལྡིང་རྒྱུ། །
གཅིག་མིན་ན་ཐར་མདོ་ཆེན་མོ། །
མནའ་གན་མོ་བསྐྱལ་ན་ཨེ་རློམ། །
བསྐྱལ་བཏང་ནས་ཟོས་ན་ཨེ་ཆོག །
ཟོས་བཏང་ན་ཐར་བ་ཨེ་ཡོད། །
རོགས་ཤར་ལིའི་སེམས་ལ་འདི་ཟུངས། །
ས་ཚ་ཁོ་གཞུང་ཁོག་གན་ན། །
འགྲོ་དགོས་གི་དུས་སྟེང་ཞིག་ལ། །
རོགས་ངེད་གཉིས་ཐུག་ཁ་དཀའ་གི །
འགང་དཀའ་གི་ཟེར་ནི་མིན་མོད། །
ཁྱོད་འགྲོ་སའི་གནས་བདག་ཚང་ལ། །
རྒྱུ་འབྱོར་བ་ཆེ་རབས་ཟེར་གི །
ནོར་ལོངས་སྤྱོད་ཡོད་རབས་ཟེར་གི །
ཁྱོད་སྐྱིད་ལེ་བདེ་ནས་བསྡད་ན། །
ཁྱོད་སྐྱིད་སའི་བདེ་སར་ལོས་འཇོག །
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། འབའ་སྣང་གྲོལ།

དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། rogu བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5925243
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号