འབྲོག་པའི་ཡུལ་ཁྲིམས།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 10 ཚེས 19 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» དམངས་སྲོལ།» འབྲོག་པའི་དམངས་སྲོལ། »འབྲོག་པའི་ཡུལ་ཁྲིམས།
འབྲོག་པའི་ཡུལ་ཁྲིམས།
རྩོམ་སྒྲིག་པ།  ཨ་བུ་འབྲོང་། སྤེལ་དུས 2015-04-08ལྟ་ཀློག (607)རྩོམ་ཁུངས: མཚོ་སྔོན་པོའི་དྲ་བ།པར་འདེབ།

འབྲོག་པའི་ཡུལ་ཁྲིམས།

རྩོམ་པ་བོ། ནམ་མཁའི་ནོར་བུ།

    འབྲོག་ཡུལ་དེ་དག་ཏུ་མངའ་ཐང་ཅན་གྱི་དཔོན་པོ་དང་། ཡང་ན་དགོན་སྡེ་ཁག་གིས་བཀས་བཀོད་ཀྱིས་བཞག་པའི་ཁྲིམས་གང་ཞིག་ཀྱང་མི་འདུག་པར་མ་ཟད་མི་སྡེའི་ཚོགས་པ་གང་རུང་གིས་གཏན་འབེབས་བྱས་པའི་བཅའ་ཁྲིམས་ཀྱང་མི་སྣང་ཞིང་། འོན་ཀྱང་ཡུལ་ལ་ཁྲིམས་གང་ཡང་མེད་པས་གང་བྱུང་བྱུང་དུ་མི་གསོད་པ་དང་། རྒྱུ་ནོར་འཕྲོག་པ་སོགས་མགོ་མཇུག་གཏན་ནས་མེད་པ་ཞིག་ཀྱང་མ་རེད། དེ་དག་གི་གནས་ལུགས་ནི་གནའ་བོའི་དུས་སུ་དར་སྲོལ་ཡོད་པའི་ལྷ་ཆོས་དང་མི་ཆོས་ཟུང་དུ་འབྲེལ་བའི་ཡུལ་ཁྲིམས་དག་རང་གཤིས་སུ་གོམས་འདྲིས་ཡུན་རིང་དུ་ཕྱིན་པའི་རྒྱུན་སྲོལ་མ་ཉམས་པ་ཞིག་ཡིན་འདུག འབྲོག་མིའི་ཡུལ་ཁྲིམས་ལ་ཞིབ་འཇུག་བྱེད་མཁན་གཙོ་བོ་ནི་འབྲོག་རུ་སོ་སོར་ཡོད་པའི་རྒན་པོ་ཞེས་བྱ་བ་འབྲོག་མི་རྒན་རིམ་བློ་ཁོག་དྲང་བ་དག་གིས་བྱེད་ཅིང་། དུས་ནི་གླང་ཟླའི་བཞི་རྒྱལ་དང་།དེར་མ་གྲུབ་པ་རྣམས་སྟག་ཟླའི་འདུ་བའི་སྐབས་སུ་ཞིབ་འཇུག་བྱེད་ཀྱི་ཡོད་འདུག

  འབྲོག་པའི་རྔོན་ཁྲིམས་ནི།འབྲོག་ཡུལ་གང་དུ་ཡིན་ཡང་རུང་། ཡུལ་སོ་སོའི་བླ་རི་དང་གཞི་བདག་གམ།ཡང་ན་དགོན་པ་ཁག་གི་བཀག་རི་རྣམས་ནས་རི་དྭགས་ཆེ་ཕྲ་མཐའ་དག་གསད་མི་ཆོག་ཅིང་། གལ་ཏེ་གསོད་མཁན་ཞིག་བྱུང་ན།དེ་མ་ཐག་ཏུ་ཡུལ་དེའི་མི་སྡེ་ཚོས་རྗེས་འདེད་བྱེད་ཅིང་། སེམས་ཅན་གང་བསད་པ་དེའི་རོ་དང་། གསོད་མཁན་གྱི་རྟ་བོག་རྣམས་འཕྲོག་སྟེ་ཡུལ་དེའི་གླང་ཟླའི་བཞི་རྒྱལ་གྱི་རྟེན་ཐེབས་སུ་འཇོག་གི་ཡོད་པ་རེད། གལ་ཏེ་གསོད་མཁན་དེ་མི་སྡེའི་དཔུང་ཚོགས་ཤིག་ཡིན་ན་དེར་ཡོད་དགོན་པ་གང་རུང་གིས་བར་འདུམ་བྱེད་ཅིང་། རྔོན་པ་ཚོས་གང་བསད་པའི་རོ་དང་། རྟ་བོག་ཆ་གཅིག་གིས་བཤགས་པ་འབུལ་དགོས་པ་དང་།གལ་ཏེ་རྔོན་པ་ཚོས་ཁས་མ་བླངས་ན་ཡུལ་དེ་དང་མི་ཚོགས་དེའི་བར་རྟིས་རྩོད་ཀྱི་གཞི་ཆེན་པོར་འགྱུར་གྱི་ཡོད་པ་རེད། འོན་ཀྱང་འབྲོག་མི་ཚོས་གཞི་བདག་དང་བཀག་ རི་རྣམས་ལས་རི་དྭགས་གསད་ན་རང་རང་གི་ཁ་ཞེ་གུད་པ་དང་། ཚེ་ཐུང་བ་དང་། གང་བྱས་ལམ་དུ་མི་འགྲོ་བ་དང་། སྒོ་ནོར་ལ་ཤི་གོད་འབྱུང་བའི་ཡིད་ཆེས་གཏིང་ཟབ་མོར་ཡོད་པར་བརྟེན་ཁྲིམས་འགལ་བྱེད་མཁན་ཤིན་ཏུ་ཉུང་ཤིང་། གལ་ཏེ་བྱས་ནའང་འཕྲལ་དུ་བཤགས་པ་དང་ལེན་བྱེད་ཀྱི་ཡོད་པ་རེད། འབྲོག་པའི་རི་རྒྱ་ནི།འབྲོག་ཡུལ་གྱི་བླ་རི་དང་གཞི་བདག་རྣམས་ནས་སུས་ཀྱང་རི་དྭགས་གསད་མི་ཆོག་པར་མ་ཟད་རྫ་ཡུང་དང་། དབྱར་རྩྭ་དགུན་འབུ་དང་། དཀར་མོག་རྣམས་ཀྱང་བརྐོ་འདོན་བྱེད་མི་ཆོག་ཅིང་། དེ་དག་ནི་འབྲོག་མིས་ཤོད་སྲོལ་དུ་དབྱར་རྩྭ་དགུན་འབུ་དང་དཀར་མོག་ནི་གཞི་བདག་གི་སྙིང་ནོར་རེད་ཅེས་དང་། རྫ་ཡུལ་ནི་གཞི་བདག་གི་སྙིང་རེད། མི་སུས་བརྐོ་འདོན་བྱས་ན་དེའི་མི་ཕྱུགས་ལ་ནད་ཡམས་དྲག་པོ་འབྱུང་ཞིང་། དེའི་རྐྱེན་གྱིས་ཡུལ་ཁམས་ལ་ནད་ཡམས་འབྱུང་གི་རེད། ཅེས་ཟེར་ཞིང་ཡིད་ཆེས་ཀྱང་བྱེད་ཀྱི་ཡོད་པ་རེད། འདིའི་སྐོར་ནས་རྟག་པར་འབྲོག་ཡུལ་གྱི་མི་སྡེ་ཕན་ཚུན་རྣམས་རྩོད་གཞིར་འགྱུར་བ་ཤིན་ཏུ་མང་ཞིང་། ཡུལ་ཁ་ཤས་ཀྱི་གཞོན་ནུ་ཕོ་མོ་རྣམས་ཡུལ་གཞན་དག་ཏུ་ཕྱིན་ཏེ། གསང་སྟབས་ཀྱིས་རྫ་ཡུང་སོགས་བརྐོ་འདོན་བྱེད་ཅིང་། ཡུལ་དེའི་མི་སྡེས་ཤེས་རྟོགས་བྱུང་བའི་ཚེ། ཁོང་ཚོས་རྐོ་མཁན་རྣམས་ འཛིན་བཟུང་ཐོག་འཕྲོག་བརྡུང་གང་ཐུབ་བྱེད་ཀྱི་ཡོད་པ་རེད། དེའི་འབྱུང་རྐྱེན་གཙོ་བོ་ནི། སྤྱིར་འབྲོག་མི་གཞོན་ནུ་དག་རྫ་ཡུང་སོགས་ཀྱི་ལོ་རྒྱུས་ལ་ཡིད་ཆེས་ཆུང་བ་དང་།མ་ཟད་དངོས་རྫས་དེ་རིགས་ལ་བརྟེན་ཏེ་རྒྱ་ཚོང་པ་དག་ལས་ཇ་དང་། དར་རས་རྒྱན་ཆ་སོགས་ཉོ་སྒྲུབ་བྱེད་ཐུབ་ཀྱི་ཡོད་པ་རེད། འབྲོག་པའི་རི་བཤེར་ནི། འབྲོག་པའི་ཡུལ་ཁྲིམས་ཀྱི་རྐང་འཛིན་པ་དང་། ཡུལ་གྱི་བདེ་འཇགས་སྲུང་སྐྱོང་གི་ལས་འཁུར་གལ་ཆེ་ཤོས་ནི་རི་བཤེར་བྱེད་དགོས་པ་དེ་ཉིད་ཡིན་འདུག་ཅིང་། དེ་ཡང་འབྲོག་སྡེ་རུ་ཁག་སོ་སོ་ནས་དབྱར་སྟོན་དུས་གཉིས་སུ་ཉིན་དུས་ངེས་མེད་ལ་རི་བཤེར་དུ་ཡང་ཡང་འགྲོ་སྲོལ་ཡོད་འདུག་ཅིང་། རི་བཤེར་འགྲོ་མཁན་ནི་ཡུལ་སོ་སོའི་ཕོ་གཞོན་ཞོན་རྟ་བཟང་གྲས་རྣམས་ཡིན་པ་རེད། འབྲོག་པའི་ཕོ་གཞོན་རྣམས་རྟག་པར་རི་བཤེར་དུ་འགྲོ་བ་ལ་ཧ་ཅང་དགའ་པོ་ཡོད་པ་རེད།གང་ལགས་ཤེ་ན། དེ་དག་ནི་རྟག་པར་ཕྱི་ཡུལ་གྱི་དགྲ་དང་འཐབ་རྩོད་བྱེད་པ་ལ་ཧ་ཅང་དགའ་པོ་ཡིན་པར་ལྟར། སྐབས་དེར་ཕྱི་ཡུལ་ནས་འབྱོར་བའི་རྔོན་པ་དང་། རི་རྒྱ་གཤིག་མཁན་དང་། ཏིས་རྩོད་བྱེད་མཁན་སོགས་དང་འཕྲད་སྲིད་ཀྱི་ཡོད་པ་རེད། རི་བཤེར་གྱི་ལས་དོན་གཙོ་བོ་ནི་རྔོན་པ་དང་། རི་རྒྱ་གཤིག་མཁན།ཇག་རྐུན་དང་། ཏིས་རྩོད་མཁན་ནམ་དེ་དག་གི་སོ་ཉུལ་ སོགས་ཡོད་མེད་རྟོག་ཞིབ་བྱེད་དགོས་པ་དག་ཡིན་འདུག་པ་དང་། རི་བཤེར་དུ་འགྲོ་དུས་ཀྱང་སྔོན་མ་སྔོན་མའི་སྐབས་སུ་ཕྱི་མ་ཕྱི་མའི་དུས་ཚོད་ཁས་ཆད་བྱེད་པ་ཙམ་ལས་ངེས་ཆ་ཅན་གང་ཡང་མི་སྣང་ངོ་།།
  འབྲོག་པའི་ཇག་ཁྲིམས་ནི།འབྲོག་མི་སུ་ཞིག་གིས་དེ་སྔོན་འཁོན་གཞི་བྱུང་མེད་པའི་མི་སྡེ་གང་རུང་དང་། མི་སྡེ་ནང་ཁུལ་བཅས་པར་ཇག་པ་རྒྱག་མི་ཆོག་ཅིང་།གལ་ཏེ་ཁྲིམས་འགལ་བྱེད་མཁན་ཞིག་བྱུང་ན་གླང་ཟླའི་བཞི་རྒྱལ་ལམ་སྟག་ཟླའི་འདུ་བའི་སྐབས་སུ་གང་འཕྲོག་བཅོམ་བྱས་པའི་དངོས་པོ་རྣམས་རྩིས་ལེན་གྱིས་དགྲ་ལ་རྩོད་འདུམ་བྱེད་ཀྱི་ཡོད་པ་རེད། འབྲོག་མིས་འཇབ་རྐུན་བྱེད་སྲོལ་མི་འདུག་པར་མ་ཟད་སུ་ཞིག་གིས་བྱས་པ་ཡིན་ན་དེ་ནི་སྐྱེས་པ་ཕོའི་གྲལ་ནས་ཐོན་པའི་ཁྲེལ་དང་ངོ་ཚ་ཧ་ཅང་ཆེ་བར་བྱེད་པ་དང་། གལ་ཏེ་མི་སུ་ཞིག་ཡུལ་དེའི་དགྲ་ཡིན་པའི་ཡུལ་ཞིག་ཏུ་ཕྱིན་ཏེ་རྟ་ནོར་སོགས་འཕྲོག་བཅོམ་བྱེད་ཐུབ་པ་ཡིན་ན། མི་དེ་ནི་ཡུལ་མི་ཚང་མས་རྩིས་ཐང་ཆེ་ཞིང་དཔའ་བོའི་གྲངས་སུ་འཇོག་གི་ཡོད་པ་རེད། སྤྱིར་འབྲོག་མིའི་རང་གཤིས་གོམས་འདྲིས་སུ་དབྱར་ཁར་སྐྱེས་པ་དར་མ་རྣམས་དགྲ་ཇག་ལ་ཐེངས་རེ་འགྲོ་མ་ཐུབ་པ་ ཡིན་ན་གོ་ཁའི་རྒན་མོ་ཞེས་འཕྱ་སྨོད་བྱེད་སྲོལ་ཡོད་འདུག་ཅིང་། དེ་འདྲའི་ཇག་ཆོམ་དུ་འགྲོ་ཡུལ་ནི་ཡུལ་དེའི་སྤྱི་སྒེར་གྱི་ཏིས་རྩོད་གང་དུ་ཡོད་པ་དེར་འགྲོ་བའམ། དེ་ལྟ་བུ་མེད་ན་ས་ཐག་ཧ་ཅང་རིང་ཞིང་ཆ་རྒྱུས་མེད་པའི་ཡུལ་དག་ཏུ་འགྲོ་དགོས་ཀྱི་ཡོད་པ་རེད།
རྩོམ་སྒྲིག་འགན་འཁུར་བ། མགར་རྩེ་ཉི་ཟེར། ཁཱ་ཤེས་རབ་རྒྱ་མཚོ། འབའ་སྣང་གྲོལ།

དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། 85wb བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5861572
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号