དར་ལྕོག
  ཤེས་རིག་ནོར་བུའི་སློབ་གླིང་གིས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2024 ལོའི་ཟླ 5 ཚེས 4 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» དམངས་སྲོལ།» དམངས་སྲོལ། »དར་ལྕོག
དར་ལྕོག
རྩོམ་སྒྲིག་པ།  ཨ་བུ་འབྲོང་། སྤེལ་དུས 2015-04-08ལྟ་ཀློག (2599)རྩོམ་ཁུངས: མཚོ་སྔོན་པོའི་དྲ་བ།པར་འདེབ།

དར་ལྕོག

རྩོམ་པ་བོ། ས་གོང་དབང་འདུས།

   བོད་མིས་ལ་རྩེ་དང་ཁང་བའི་ཡང་ཐོག་གྲོང་ཁྱིམ་དང་།  སྒོ་མཆོར་གྱི་མདུན་དུ་དར་ལྕོག་དང་དར་ཆེན་འཛུགས་སྲོལ་ཡོད་པ་དེ་ནི་བོད་མིའི་གནས་ཡུལ་ཁོ་ན་ལས་གཞན་དུ་མཐོང་རྒྱུ་མེད་པའི་ཐུན་མོང་མ་ཡིན་པའི་ཡུལ་སྲོལ་གོམས་གཤིས་ཤིག་ཡིན་པས།  དར་ལྕོག་ཡོད་ན་དེ་གར་བོད་མི་ཡོད་པ་གཏན་འཁེལ་ཡིན།བོད་མིས་དར་ལྕོག་འཛུགས་པའི་སྲོལ་དེ་དར་ནས་དུས་ཡུན་ཇི་ཙམ་ཕྱིན་ཡོད་མིན་དང་།  དར་ལྕོག་འཛུགས་སྲོལ་དེ་ཇི་ལྟར་དར་བ་ཡིན་ནམ།  དེའི་ནང་དོན་གང་ཡིན་སྐོར་གྱི་ལན་འདེབས་མདོར་བསྡུས་ཞིག་ཞུ་ན།  དང་ཐོག་དར་ལྕོག་ཅེས་པའི་ཐ་སྙད་དེ་ལ་དཔྱད་ན་དར་ཞེས་པ་ནི་སྲིང་བལ་དང་ཁྲང་མེན་སོགས་ལས་བཏགས་པའི་སེང་རས་ལ་ཟེར་ཞིང་།  ལྕོག་ཅེས་པ་ནི་དབྱིབས་ཙོག་ཙོག་གི་དོན་ཡིན་པས་རྒྱུ་དང་དབྱིབས་ཀྱི་ཐོག་ནས་དར་ལྕོག་ཅེས་པའི་མིང་དེ་བྱུང་བ་ཡིན་ཤས་ཆེ།  བོད་མིས་དར་ལྕོག་འཛུགས་སྲོལ་ཐད་ལ་མཁས་དབང་དགེ་འདུན་ཆོས་འཕེལ་མཆོག་གི《དེབ་ཐེར་དཀར་པོའི》ནང་གསལ་བ་ལྟར་ན།  བཙན་པོའི་དུས་ནས་དར་བ་ཞིག་ཡིན་གསུངས་ཡོད་པས་ད་བར་ལོ་ངོ་སྟོང་ལྷག་ཙམ་གྱི་ལོ་རྒྱུས་ལྡན་ཡོད།  ད་དུང་མཁས་དབང་མཆོག་གི་གསུང་ནང“ཁྱིམ་རེ་རེ་བཞིན་གྱི་སྒོ་སྟེང་དུ་དར་མདུང་རེ་སློང་བ་འདི་ཡང་བོད་ཀྱི་ཐུན་མོང་མ་ཡིན་པའི་སྲོལ་ལྟ་བུ་ཡིན་ཏེ།  དེ་ཡང་ཐོག་མར་དམག་གི་རྟགས་སུ་མངོན་ལ།  རྗེས་སོར་ཆོས་ཀྱི་ལས་སུ་སོང་བ”ཞེས་པའི་བཀའ་མོལ་དུམ་བུ་དེས་དར་ལྕོག་གི་འབྱུང་རྩ་དང་།  འཕེལ་རིམ།  ངོ་བོ་བཅས་གསལ་རྟོགས་ཐུབ་ཀྱི་རེད།  དེའང་བོད་མིའི་ཁྲོད་དུ་ནང་བསྟན་ཆོས་ལུགས་གཏིང་ཟབ་ཁྱབ་གདལ་སོང་བ་དང་ཆབས་ཅིག་སྔ་མོ་དམག་གི་རྟགས་སུ་མངོནཔ་འི་དར་མདུང་དེ་རིམ་བཞིན་ཆོས་ལུགས་ཀྱི་ནང་དོན་གཏིང་ཟབ་ལྡན་པའི་རླུང་རྟ་འཕེལ་བ་དང་།  བགེགས་བར་ཆད་བཟློག་ཆེད་དར་ལྕོག་འཛུགས་སྲོལ་ཞིག་ཏུ་གྱུར་བ་རེད།ང་ཚོས་རྒྱུན་དུ་ལ་རྩེ་དང་ཁང་བའི་ཡང་ཐོག་སོགས་ལ་འཛུགས་པའི་དར་ལྕོག་ཚོན་མདོག་རྣམ་པར་བཀྲ་བ་དེ་ཚོ་ཚོན་སྣ་རང་དགར་སྒྲིག་པ་ཞིག་མ་ཡིན་ཅིང་།  དར་ལྕོག་ལ་ཚོན་མདོག་མི་འདྲ་བ་ལྔ་ཡོད་པ་དེ་དག་གོ་རིམ་མ་འཁྲུག་པའི་སྒོ་ནས་ བསྒྲིག་དགོས།  དེའི་གོ་རིམ་ནི་རྩེ་མོར་སྔོན་པོ་དང་དེའི་འོག་དཀར་པོ།  དེའི་འོག་དམར་པོ།  དེའི་འོག་ལྗང་གུ།  དེའི་འོག་སེར་བོ་བཅས་སོ།།  ཚོན་སྣ་མི་འདྲ་བ་ལྔ་པོས་ཕྱི་རོལ་རང་བྱུང་ཁམས་ཀྱི་རྣམ་པ་མཚོན་གྱི་ཡོད་པ་སྟེ།  སྔོན་པོ་ལས་ནམ་མཁའ་དང་།  དཀར་བོ་ལས་སྤྲིན་པ།  དམར་པོ་ལས་མེ།  ལྗང་གུ་ལས་ཆུ།  སེར་བོ་ལས་ས་བཅས་མཚོན་གྱི་ཡོད།  དེའི་དགོས་དོན་ནི་ཕྱི་སྣོད་ཀྱི་འཇིག་རྟེན་དེ་ནང་བཅུད་ཀྱི་སེམས་ཅན་གྱི་བརྟེན་ཡུལ་ཡིན་ཞིང་།  འབྱུང་ཁམས་འཕྲོད་ན་ལོ་ཕྱུགས་ལེགས་ཤིང་ཚེ་བསོད་འཕེལ་ནས་མི་ཡུལ་དེ་དུས་བདེ་དགའ་སྐྱིད་ལྡན་པ་ཞིག་ཏུ་འགྱུར་བ་དང་།  འབྱུང་ཁམས་འཁྲུག་ཚེ་མི་ཡུལ་སྡུག་བསྔལ་དུ་འགྱུར་ཟེར་བའི་མཚོན་རྟགས་ཡིན།  དེ་མིན་བཤད་ཚུལ་གཞན་ཞིག་ནི་རྩིས་ཀྱི་དགོངས་དོན་ལྟར་ས་ཆུ་ཤིང་མེ་ལྕགས་བཅས་འབྱུང་བ་ལྔའི་མཚོན་རྟགས་ཏེ་མེ་དམར།   ས་སེར།  ཤིང་ལྗང་།  ཆུ་སྔོན།  ལྕགས་དཀར་བཅས་བརྩི་སྲོལ་ཡོད།  དེར་བརྟེན་ཁམས་བསྟུན་ཀླུང་རྟ་ཞེས་པའི་སོ་སོའི་ལོ་ཁམས་མེ་ཡིན་ན་དམར་པོ་གཙོ་ བོར་བྱེད་པ་སོགས་གཞན་རིགས་བསྒྲེ་བ་ཡིན།


                                      རྩོམ་སྒྲིག་འགན་འཁུར་བ།མགར་རྩེ་ཉི་ཟེར། ཁཱ་ཤེས་རབ་རྒྱ་མཚོ། འབའ་སྣང་གྲོལ།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་སྡེ་ཁག ཐོན་མིའི་སློབ་ཚོགས།
དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། འབའ་སྣང་གྲོལ།
རྩོམ་སྒྲིག་ཨུ་ཡོན། འོད་ཟེར་བཟང་བོ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས། སྦྲ་ནག་འཇིགས་མེད་རྡོ་རྗེ།

འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། jg8m བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
23577551
 
འབྲེལ་གཏུག་བྱ་ཡུལ།    ཁ་པར།  15283703999    E-mail:QQ:3267109906
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།