སྲིད་པའི་འཁོར་ལོའི་མཚོན་དོན།
  ༄༅། །ངེད་དྲ་བར་ཕེབས་པར་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 22 རེས་གཟའ་པ་སངས་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» རྩོམ་རིག» འབོལ་རྩོམ། »སྲིད་པའི་འཁོར་ལོའི་མཚོན་དོན།
སྲིད་པའི་འཁོར་ལོའི་མཚོན་དོན།
རྩོམ་སྒྲིག་པ།  ཨ་བུ་འབྲོང་། སྤེལ་དུས 2015-04-06ལྟ་ཀློག (303)རྩོམ་ཁུངས: མཚོ་སྔོན་པོའི་དྲ་བ།པར་འདེབ།

སྲིད་པའི་འཁོར་ལོའི་མཚོན་དོན་ངོ་སྤྲོད།

སྒྲོལ་མས་བསྒྲིགས།

དང་པོ་སྲིད་པའི་འཁོར་ལོའི་བྱུང་ཚུལ།

   སྲིད་པའི་འཁོར་ལོའི་བྱུང་ཚུལ་ལ་བཞེད་ཚུལ་སྣ་ཚོགས་ཤིག་ཡོད་ཀྱང་།  བདག་ཅག་གི་སྟོན་པ་ཞལ་བཞུགས་པའི་སྐབས་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་བོ་ལ།  མཐའ་འཁོབ་སྒྲ་སྒྲོགས་ཀྱི་རྒྱལ་པོ་ཨིན་ཏྲ་ནས་རིན་པོ་ཆེའི་ཕྲ་རིན་ཐང་བྲལ་བ་ཞིག་བསྐུར་རྒྱུ་མ་རྙེད་པར་བདག་ཅག་གི་སྟོན་པས་འཁོར་འདས་གཉིས་དང་བདེན་པ་བཞིའི་རྣམ་གཞག་མཚོན་བྱེད་རང་ཉིད་ཀྱི་ཞལ་བཀོད་གནང་བ་ལྟར་སྲིད་པའི་འཁོར་ལོའི་རི་མོ་དང་།  དེའི་འོག་ཏུ་རྟེན་འབྲེལ་བཅུ་གཉིས་ལུགས་འབྱུང་ལུགས་ལྡོག་བྲིས་ནས་བསྐུར་བ་རྒྱལ་པོས་བཟུང་ནས་ནམ་ལངས་པའི་ཚེ་སྐྱིལ་ཀྲུང་བཅས་ཏེ་ལུས་དྲང་པོར་དྲན་པ་ཕྱོགས་པར་བཞག་ཏེ། རྟེན་འབྲེལ་གྱི་ཚུལ་གཉིས་ལ་རྣམ་པར་བལྟས་པས་འཕགས་པའི་གོ་འཕང་འཐོབ་པར་གྱུར་ཅེས་རྗེ་བདག་ཉིད་ཆེན་པོའི་བྱང་ཆུབ་ལམ་རིམ་ཆེ་བ་དང་།  སྐྱབས་རྗེ་ཕ་བོང་ཁ་བའི་ལམ་རིམ་རྣམ་གྲོལ་ལག་བཅངས་སོགས་ལས་གསུངས་པ་ལྟར་རོ། 

གཉིས་པ་སྲིད་པའི་འཁོར་ལོའི་རྣམ་གཞག།

   འཁོར་ལོའི་དབུས་སུ་ཕག་བྱ་སྦྲུལ་གསུམ་བྲིས་ཡོད་ལ།  དེའི་ཕྱི་རུ་ངན་འགྲོ་དང་བདེ་འགྲོ་གཉིས་ཀྱི་བར་སྲིད་བྲིས་ཡོད་པ་དང་། དེའི་ཕྱི་ལ་ཆ་ལྔ་རུ་བཀར་ནས་སྟེང་གི་ཆ་གཉིས་ལ་ལྷ་དང་མི། འོག་གི་ཆ་གསུམ་གྱི་དཀྱིལ་དུ་དམྱལ་བ། གཡས་སུ་དུད་འགྲོ། གཡོན་དུ་ཡི་དྭགས་དང་། དེའི་ཕྱི་ལ་ལོང་བ་དང་རྫ་མཁན།  སྤྲེའུ།  གྲུ་གཟིངས།   ཁང་སྟོང་།  མི་གཉིས་འོ་བྱེད་པ།  མིག་ལ་མདའ་ཕོག་པ། ཆང་འཐུང་བ།  སྤྲེའུས་ཤིང་ཏོག་ལེན་པ། སྦྲུམ་མ།  ཕྲུ་གུ་སྐྱེ་བ།  མི་རི་འཁུར་བ་བཅས་དང་།  འཆི་བདག་གིས་ཁ་དང་རྐང་ལག་བཞིས་བཟུང་བའི་ཕྱི་ནང་རིམ་པ་བཞི་ཅན་གྱི་འཁོར་ལོ་ཟླུམ་པོ་ཞིག་ཡིན།

གསུམ་པ་སྲིད་པའི་འཁོར་ལོའི་མཚོན་དོན།

འཁོར་ལོའི་དབུས་སུ་བྲིས་པའི་བྱ་སྦྲུལ་ཕག་གསུམ་གྱིས་འདོད་ཆགས་དང་ཞེ་སྡང་གཏི་མུག་གསུམ་མཚོན། ཕག་གིས་གཏི་མུག་མཚོན་ཏེ།  ཕག་ནི་གཏི་མུག་གི་དབང་གིས་གཙང་བཙོག་གི་རིགས་ལ་ཧ་ཅང་བླུན་པོ་ཡིན་པ་བཞིན།  གཏི་མུག་མ་རིག་པའང་རང་ཡུལ་ལ་རྨོངས་པ་དང་དེ་ཁོ་ན་ཉིད་ལ་རྨོངས་པས་དེ་ལྟར་དུ་མཚོན་པའོ།  བྱ་ཡིས་འདོད་ཆགས་མཚོན་ཏེ།   བྱ་ནི་འདོད་ཆགས་ཤིན་ཏུ་ཆེ་བ་དང་ངོམས་པ་མེད་པར་འདོད་པ་མང་དུ་སྤྱོད་པས་དེ་ལྟར་དུ་བཞག་པའོ།   སྦྲུལ་གྱིས་ཞེ་སྡང་མཚོན་ཏེ།   སྦྲུལ་གྱིས་རང་ལ་གནོད་པ་ཅུང་ཙམ་བྱས་ན་མི་བཟོད་པར་སེམས་ཅན་གྱི་ཚེ་སྲོག་འཇོམས་པ་སོགས་བྱེད་པས་དེ་ལྟར་དུ་བཞག  བྱ་དང་སྦྲུལ་གཉིས་ཀྱི་རྔ་མ་ཕག་གིས་ཟ་བ་ནི་སེམས་ཅན་འཁོར་བ་འཆིང་བྱེད་ཀྱི་རྒྱུ་ནི་དུག་སུམ་ཡིན་ལ།  དུག་གསུམ་ལས་ཀྱངའཁོར་བའི་རྩ་བ་ནི་མ་རིག་པའམ་གཏི་མུག་ཡིན་པས་དེ་ལྟར་དུ་མཚོན་པའོ།

   དེའི་མཐའ་རུ་ལམ་དཀར་ནག་གཉིས་བྲིས་པ་ནི་བདེ་འགྲོ་དང་ངན་འགྲོ་གཉིས་སུ་འགྲོ་བ་ལས་དཀར་ནག་གཉིས་སུ་ངེས་པ་མཚོན།   དེ་ཡང་ལམ་དཀར་པོ་ལ་གྱེན་དུ་འགྲོ་བ་བྲིས་པས་ནི་བདེ་འགྲོའི་བར་སྲིད་མཚོན་ཏེ།  བདེ་འགྲོའི་བར་སྲིད་སྐབས་སུ་མཚན་མོར་ཟླ་འོད་ཀྱིས་ཁྱབ་པའམ།   གངས་རི་ལ་ཉི་འོད་ཕོག་པ་ལྟར་ལམ་གྱེན་དུ་འགྲོ་བའི་སྣང་བ་ཤར་བར་གསུངས་པས་ཡིན།   ལམ་ནག་པོར་མགོ་བོ་ཐུར་དུ་བསྟན་ནས་འགྲོ་བ་བྲིས་པ་ནི་ངན་འགྲོའི་བར་སྲིད་མཚོན་ཏེ་ངན་འགྲོའི་བར་སྲིད་སྐབས་མཚན་མོར་མགོ་བོ་ཐུར་དུ་བསྟན་ནས་འགྲོ་བའི་སྣང་བ་ཤར་བར་གསུངས་པས་ཡིན། དེའི་ཕྱི་ལ་ཆ་ལྔ་རུ་ཕྱེས་ནས་སྟེང་གི་ཆ་གཉིས་ལ་ལྷ་དང་མི།    འོག་གི་ཆ་གསུམ་གྱི་དཀྱིལ་དུ་དམྱལ་བ།  གཡས་སུ་དུད་འགྲོ།   གཡོན་དུ་ཡི་དྭགས་བཅས་བྲིས་པ་ནི་ལས་ཀྱི་དབང་གིས་འཁོར་བར་གནས་པའི་འགྲོ་བ་རིགས་ལྔའམ་རིགས་དྲུག་མཚོན།  སྤྱིར་བཏང་འགྲོ་བ་རིགས་ལྔ་དང་རིགས་དྲུག་སོགས་འབྲི་སྲོལ་ཡོད་ཀྱང་འདིར་ལྷ་མ་ཡིན་དངོས་སུ་མ་བྲིས་པ་ནི་ལྷའི་ཁོངས་སུ་བསྡུས་པ་རེད། དེའི་ཕྱི་ལ་ལོང་དང་རྫ་མཁན། སྤྲེའུ། གྲུ་གཟིངས། ཁང་སྟོང་། ཕོ་མོ་གཉིས་འོ་བྱེད་པ། མིག་ལ་མདའ་ཕོག་པ།  ཆང་འཐུང་བ།  སྤྲེའུས་ཤིང་ཏོག་ལེན་པ།  སྦྲུམ་མ།  ཕྲུ་གུ་སྐྱེ་བ།  རྒན་པོས་མི་རོ་འཁུར་བ་བཅས་བྲིས་ཡོད་པ་ནི་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་མཚོན་ནོ།།


རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། འབའ་སྣང་གྲོལ།



དྲ་རྒྱ་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ། འབའ་སྣང་གྲོལ། བན་ཤུལ་འཇམ་དབྱངས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། 96yd བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
5945771
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།
网站备案号:青ICP备15000002号 青公网安备 63262102000011号