སློབ་གླིང་ལྗང་སྒྱུར་ཚན་ཆུང་གིས་སྤེལ་བའི་འབྲི་ཆུའི་སློབ་གྲྭ་ཞེས་པའི་བྱ་འགུལ་བདེ་བླག་ངང་སྤེལ་བ།
༢༠༡༢ལོའི་གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་གླིང་ལྗང་སྒྱུར་ཚན་ཆུང་གིས་སྤེལ་བའི་འབྲི་ཆུའི་སློབ་གྲྭ་ཞེས་པའི་བྱ་འགུལ་ནི་ཚོགས་གཙོ་མཁའ་ཁྱབ་དང་ཚོགས་མི་དཀོན་མཆོག ཤེས་རབ་ཀུན་གསལ། སྐལ་བཟང་ངག་དབང་། ཐུབ་བསྟན་བཤད་སྒྲུབ་དང་རྟ་མགྲིན་ཐར། ཐོས་བསམ་རྒྱ་མཚོ། ཀརྨ་བཅས་ཀྱིས་སེམས་ཀྱི་ཉི་ཟླའི་ཞིང་གྲོང་རྒྱུན་འཁྱོངས་ཚོགས་པའི་(香格里拉城镇可持续协会)ལས་གཞིའི་རྣམ་གྲངས་ཀྱི་རོགས་སྒྲུབ་འོག འབྲི་ཆུའི་སློབ་གྲྭ་(长江水学校)ཞེས་པའི་ཁོར་ཡུག་སྲུང་སྐྱོབ་མཚོན་པའི་སྣུམ་ཚོན་རི་མོའི་འགྲན་སྡུར་གྱི་བྱ་འགུལ་སྤེལ།
དེ་ཡང་༼ འབྲི་ཆུའི་སློབ་གྲྭ ༽ཞེས་པའི་ཁོར་སྲུང་བརྗོད་གཞི་བྱས་པའི་སྣུམ་ཚོན་རི་མོའི་འགྲན་བསྡུར་འདི་ནི་སེམས་ཀྱི་ཉི་ཟླ་ཞིང་གྲོང་རྒྱུན་འཁྱུངས་ཚོགས་པ་ཞེས་པས་རྒྱལ་ཡོངས་ཀྱི་འབྲི་ཆུའི་ཉེ་འཁོར་གྱི་འབྲིང་རིམ་སློབ་གྲྭ་དག་ལ་དམིགས་ནས་སྤེལ་བའི་ཁྱབ་རྒྱ་ཅན་གྱི་བྱ་འགུལ་ཞིག་ཡིན་ཞིང་། བྱ་འགུལ་གྱི་དོན་སྙིང་ནི་སློབ་གྲོགས་སོ་སོའི་རང་གི་སེམས་ཁམས་ཀྱི་འདོད་མོས་སུ་ཡོད་པའི་དྭངས་གཙང་གི་འཇིག་རྟེན་དེ་རང་གི་པུར་རྩེ་ནས་འཛམ་གླིང་གི་མི་རིགས་གཞན་དང་རྒྱལ་ཁབ་གཞན་པའི་སློབ་གྲོགས་དག་གི་མིག་ལམ་དུ་འབུལ་རྒྱུ་དང་། དེའི་ཁྲོད་ནས་མི་རིགས་སོ་སོའི་འདུ་ཤེས་ཀྱི་ཀླུང་དུ་ཡོད་པའི་ཁོར་ཡུག་གསོན་པོ་དེ་བཞེངས་བསྐྲུན་བྱ་རྒྱུ་དེ་ཡིན།
རི་མོ་དག་གི་བརྗོད་བྱ་ཁོར་ཡུག་ཡིན་མོད། གཙོ་བོ་ཆུ་གྲོན་ཆུང་བྱ་དགོས་པ་སྐོར་གྱི་ལྟ་བ་དང་ནང་དོན་མཚོན་དགོས་ཤིང་། རང་ཉིད་ཀྱི་རེ་བ་ལྟར་ན་ཆུའི་རྣམ་པ་ཅི་འདྲ་ཞིག་ཡིན་ན་ད་གཟོད་སེམས་འཚང་ངེས་པ་དང་། ད་ལྟའི་ཆུའི་གནས་བབས་ལ་སེམས་ཁུར་དང་ལྟ་ཚུལ། མ་འོངས་པའི་ཆུའི་རྣམ་པ་དང་གནས་བབས་ལ་རེ་བ་སོགས་མདོར་ན་ཆུའི་ཐིགས་པ་རེ་རེའང་ཚེ་སྲོག་གཅིག་གི་གྲུབ་ཆ་ཡིན་སྙམ་པའི་འདུ་ཤེས་བསྐྱེད་པར་བྱ་བ་དེའོ།
།
སློབ་དཔོན་རྣམ་པས་རི་མོ་དཔྱད་འདེམས་གནང་བཞིན་པ།
ཚོགས་མི་དག་གིས་གཟེངས་རྟགས་གྲ་སྒྲིག་བྱེད་བཞིན་པ།
ཚན་ཆུང་གི་འཐུས་ཚབ་མི་སྣས་གཏམ་བཤད་གནང་བཞིན་པ།
བྱ་འགུལ་གྱི་དམིགས་ཡུལ་དང་དོན་སྙིང་གསར་བསྒྲགས་བྱེད་བཞིན་པ།
སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་གིས་བྱ་འགུལ་གྱི་མཇུག་བསྡུས་པ།
སློབ་གླིང་ལྗང་སྒྱུར་ཚན་ཆུང་གི་ཚོགས་མི་དག་གི་མཉམ་པར།
ཚོགས་རའི་ཟུར་ཞིག
བྱ་དགའ་ཐོབ་པའི་སློབ་གྲོགས་དག་དང་དགེ་རྒན་རྣམ་པ་དང་སློབ་གླིང་ལྗང་སྒྱུར་ཚན་ཆུང་གི་ཚོགས་མི་བཅས་ཀྱི་མཉམ་པར།
ཁྲིད་སྟོན་དགེ་སྟོན། དགེ་རྒན་གྱི་ལིང་འཇིགས་མེད།
མཛུབ་སྟོན་དགེ་རྒན། དགེ་རྒན་གཟུངས་མོ་སྐྱིད།
རོགས་སྒྲུབ་ཚོགས་པ། སེམས་ཀྱི་ཉི་ཟླའི་ཞིང་གྲོང་རྒྱུན་འཁྱོངས་ཚོགས་པ།
|