དར་ལག་རྫོང་བོད་སྨན་ཁང་དུ་གསོ་རིག་རྒྱུད་བཞིའི་བློ་རྒྱུགས་འགྲན་བསྡུར་སྤེལ་བ།

༢༠༡༨ལོའི་ཟླ་༡༡པའི་ཚེས་༢ཉིན་དར་ལག་རྫོང་བོད་སྨན་ཁང་དུ་གསོ་རིག་རྒྱུད་བཞིའི་བློ་རྒྱུགས་འགྲན་བསྡུར་གྱི་བྱ་འགུལ་སྤེལ། དར་ལག་རྫོང་བོད་སྨན་ཁང་གི་གླིང་གཙོ་ཆོས་མགོན་ལགས་ཀྱིས་བོད་ཀྱི་གསོ་རིག་རྒྱུད་བཞི་ཉམས་པ་སླར་གསོ་དང་མ་ཉམས་གོང་འཕེལ་གཏོང་ཆེད། དེར་བཞུགས་གཞོན་སྐྱེས་སྨན་པ་རྣམས་ལ་དུས་ཚིགས་རེ་རེར་གཞུང་ལུགས་དང་ལག་ལེན་སྐོར་གྱི་རྒྱུགས་ལེན་བཞིན་ཡོད་པ་དང་། ལྷག་པར་ལོ་རེའི་འཆར་ཅན་ལྟར་གཙོ་སྐྱོང་གནང་བའི་དར་ལག་རྫོང་བོད་སྨན་ཁང་གི་སྐབས་གཉིས་པའི་༼རྩ་མདོའི༽བློ་རྒྱུགས་འགྲན་བསྡུར་གྱི་བྱ་འགུལ་ཆེན་མོ་ཟླ་བཅུ་གཅིག་པའི་ཚེས་གཉིས་ཉིན་གཟབ་རྒྱས་ངང་སྤེལ། ཐེངས་འདིའི་འགྲན་བསྡུར་ཁྲོད་སྨན་པ་པད་དཀར་ལ་བྱ་དགའ་ཨང་དང་བོ་དང་། ཁམས་སྐྱིད་སྒྲོལ་མ་ལ་བྱ་དགའ་ཨང་གཉིས་པ། འཇིགས་མེད་དར་རྒྱས་ལ་བྱ་དགའ་ཨང་གསུམ་པ་བཅས་གནང་སྟེ་ཐེངས་འདིའི་བྱ་འགུལ་བདེ་བླག་ངང་མཇུག་བསྡུས།

དར་ལག་རྫོང་བོད་སྨན་ཁང་གི་གླིང་གཙོ་ཆོས་མགོན།

རྒྱུགས་ཞིབ་དགེ་རྒན་དང་བྱ་དགའ་ཐོབ་མཁན་གྱི་མཉམ་པར།