རྔ་བའི་ཐོན་མིའི་སློབ་ཚོགས་དགེ་རྒན་བཀའ་དྲིན་ཅན་ལྡོང་ཡོན་ཏན་རྒྱ་མཚོར་ལོ་སྟོན་འབུལ་བར་ཕྱིན་པ།

      སྤྱི་ལོ་2018ལོའི་ཟླ2པའི་ཚེས་18ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱི་ཡན་ལག་རྔ་བའི་ཐོན་མིའི་སློབ་ཚོགས་ཀྱི་སློབ་གྲོགས་རྣམས་ལོ་རེའི་འཆར་ཅན་ལྟར་དགེ་རྒན་བཀའ་དྲིན་ཅན་ལྡོང་ཡོན་ཏན་རྒྱ་མཚོའི་མདུན་སར་གནམ་ལོ་སར་བའི་དགའ་སྟོན་གྱི་རྟེན་འབྲེལ་དུ་ལོ་སྟོན་འབུལ་བར་ཕྱིན་པ་མ་ཟད་བསེ་དགོན་མཁར་སྤྲུལ་བཀྲ་ཤིས་དོན་གོ་ལགས་ཀྱང་སློབ་ཚོགས་དང་མཉམ་དུ་སློབ་དཔོན་ཆེན་མོའི་མདུན་སར་ལོ་སྟོན་འབུལ་བར་ཕྱིན་པ་རེད།   མཁར་སྤྲུལ་བཀྲ་ཤིས་དོན་གོ་ལགས་ནི་ཁོང་གི་སློབ་མ་མིན་ཡང་ཆོས་གྲོགས་བློས་ཐུབ་ཡིན་པས་རྟག་པར་ཁོང་གི་མཛད་རྗེས་ལ་ཡི་རངས་དང་བསྔགས་བརྗོད་གནང་མཁན་གྱི་དམ་པ་ཞིག་ཡིན་པར་མ་ཟད་སློབ་ཚོགས་ལ་རྒྱབ་སྐྱོར་གནང་བའི་བཀའ་དྲིན་ཅན་ཞིག་ལགས།

      དགེ་རྒན་གྱིས་རྔ་བའི་ཐོན་མིའི་སློབ་ཚོགས་ལ་གསུང་མཛད་གལ་ཆེན་གནང་བར་མ་ཟད་བསེ་དགོན་མཁར་སྤྲུལ་བཀྲ་ཤིས་དོན་གོ་ལགས་ནས་ཀྱང་མ་འོངས་པར་རྔ་བའི་ཐོན་མིའི་སློབ་ཚོགས་ཀྱིས་བསྒྲུབ་དགོས་པའི་གསབ་སྦྱོང་འཛིན་གྲྭ་སོགས་ལ་ལོ་རེར་དམངས་སྒོར་ཁྲི་གཉིས་རེ་ཞལ་འདེབས་གནང་རྒྱུ་ཡིན་པར་སློབ་གླིང་གི་དགེ་སློབ་ཡོངས་ཀྱི་ཚབ་བྱས་ནས་བཀའ་དྲིན་ཆེ་ཞུས།

      སློབ་གྲོགས་ས་སྒང་འཇམ་དབྱངས་མཁྱེན་རབ་ཀྱིས་ཨ་ལགས་མཁར་སྤྲུལ་སྐུས་ང་ཚོར་རྒྱབ་སྐྱོར་གནང་བའི་སྐོར་སྙན་གསན་ཕུལ་ཞིང་།  ལོ་སྔོན་མའི་འགན་འཛིན་པ་རྨེའུ་འཇམ་སྦྱིན་དང་དོན་གོ་གཉིས་ཀྱིས་ལོ་སྔོན་མའི་རྩིས་ཐོ་གསལ་བསྒྲགས་དང་ལོ་རྗེས་མའི་འགན་འཛིན་པ་འབའ་དོན་གོ་དང་ཆོས་དགའ་གཉིས་ལ་རྩིས་སྤྲོད་ལེགས་པོ་བྱས་ཡོད།

དགེ་རྒན་ཚང་གི་མདུན་སར་ལོ་སྟོན་འབུལ་བར་འཛོམས་པ།

སློབ་གྲོགས་ཡོངས་ལ་ཁོང་གིས་ཕྱིར་ལེགས་སྐྱེས་གནང་བ།

དགེ་སློབ་ཚང་མ་མཉམ་འཛོམས་ཀྱི་དྲན་རྟེན།

སློབ་གྲོགས་རྣམས་ཀྱི་དྲན་རྟེན་མཉམ་པར།

ས་ལ་གཡང་སང་གིས་མཁར་སྤྲུལ་བཀྲ་ཤིས་དོན་གོ་ལ་ལོ་སར་ལེགས་སྐྱེས་འབུལ་བཞིན་པ།

མཁར་སྤྲུལ་བཀྲ་ཤིས་དོན་གོ་དང་ས་ལ་གཡང་སང་གི་དགེ་འདུན་གཉིས།