པེ་ཅིན་བོད་སྨན་ཁང་དང་ཞིང་ཆེན་གསུམ་གྱི་བོད་སྨན་ཁང་།  ཞིང་ཆེན་གསོ་རིག་སློབ་ཚོགས། ཁུལ་དང་རྫོང་སོ་སོའི་བོད་ལུགས་སྨན་རྩིས་ཁང་། དགོན་སྡེ་དང་གསོ་རིག་སློབ་གྲྭ་སོགས་མདོ་དབུས་ཁམས་གསུམ་ནས་ཕེབས་པའི་བོད་ལུགས་གསོ་རིག་ལ་མོས་པ་ཆེ་བའི་སྐུ་མགྲོན་ལྔ་བརྒྱ་ལྷག་ལ་ཉེ་བ་དངོས་སུ་ཚོགས་ཞུགས་བྱས་ཡོད་ལ་རྒྱལ་ཡོངས་མིང་གྲགས་སྨན་པ་རྒྱ་ཡེའི་ཉི་མ་དང་བོད་ཀྱི་གསོ་རིག་ལ་བྱས་རྗེས་བླ་ལྷག་ཆེ་བའི་མགོ་ལོག་སྨན་རམས་པ་ཁ་ལོ།  མགོ་ལོག་དབང་འབུམ་གྱི་སྨན་རམས་པ་རྒན་ཏིང་འཛིན། མགོ་ལོག་གཏེར་སྟོན་སྨན་པ་སྟག་ལྷ།  སྨན་རམས་པ་ཀརྨ་ཚོགས་གཉིས། མགོ་ལོག་ཁུལ་བོད་སྨན་ཁང་གི་མཛུབ་སྟོན་དགེ་རྒན་གཡང་དར། དངུལ་ཁབ་མཁན་པོ་གླིང་བ་བྱང་རིག་ཁོ་སོགས་མཁས་དབང་དུ་མས་དེང་དུས་སུ་དར་ཁྱབ་ཆེ་བའི་ཚ་བ་གཉན་རིམས་ཀྱི་འབྱུང་ཁུངས་དང་རྒྱུ་རྐྱེན་དབྱེ་བ་རྟགས་བཅོས་ཐབས་སོགས་ཐུན་མོང་དང་ཐུན་མིན་གྱི་རིན་ཐང་བྲལ་བའི་བགྲོ་གླེང་གལ་ཆེན་མང་དུ་གནང་བ་དང་དེ་ལས་གཞན་བོད་ལུགས་གསོ་རིག་ལ་མཛད་རྗེས་ཆེ་བའི་སྐྱེས་བུ་གོང་མ་རྣམས་ཀྱིས་གསུང་ཆོས་ལ་བརྟེན་ནས་མ་འོངས་འབྱུང་འགྱུར་གསོ་རིག་གི་ཁ་ཕྱོགས་ཇེ་ལེགས་གཏོང་ཐད་སློབ་གསོའི་ཐབས་ལམ་གང་མང་བཏོན་པར་ཀུན་གྱིས་དགའ་བསུ་ཆེན་པོ་ཐོབ་ཡོད།