འབྲུག་ཆུང་ཆུང་།
འཇམ་དབྱངས་དཀར་པོ།
སྤྱི་ལོ་ ༢༠༡༦ ཟླ་ ༢ ཚེས་ ༢༤ ཉིན། ཚན་རིག་པས་སི་ལོ་ཝི་ནེ་(Slovenian) མཚོའི་ཟབ་སའི་བྲག་ཕུག་ཅིག་ནས་སྲོག་ཆགས་འདི་རྙེད་པར། མིང་ལ་ཕུག་པའི་ཉའམ་འབྲུག་གི་བྱིས་པ་ཞེས་བཏགས་ཡོད། འདིའི་གཟུགས་པོའི་གྲུབ་ཆ་ནས་གཤེར་གནས་སྒོང་སྐྱེས་ཀྱི་རིགས་ཡིན་པར་རྟོགས།
མཚོའི་ཟབ་སའི་ཕུག་པར་འཚོ་གནས་བྱེད་ཅིང་། དུས་གཅིག་ལ་སྒོ་ང་ ༣༠ ནས་ ༦༠ བར་གཏོང་།
གཟུགས་པོ་ཀྱ་ག་ཀྱོག་གེ་དང་སྡེར་མོ་ཟད་ཅིང་འབྱར་བག་ཅན་འདི་ལ། དུས་རབས་ ༡༥ ནང་གི་མི་རྣམས་ཀྱིས་འདི་འབྲུག་གི་ཚ་བོ་དང་ཡང་ཚ་གང་རུང་ཞིག་ཡིན་པར་ཡིད་ཆེས་བྱེད། འོན་ཀྱང་འདིའི་ཁ་ནང་ནས་མེ་མི་འབར་ཡང་། སྲོག་ཆགས་འདི་ལ་ངོ་མཚར་བའི་ལྷ་སྒྲུང་མང་པོ་ཞིག་མཆིས།
སྲོག་ཆགས་འདི་ལོ་ ༡༠༠ ལྷག་ལ་འཚོ་ཐུབ་ཅིང་བཟའ་བཏུང་མེད་པར་ཉིན་བཅུ་ཕྲག་རེར་འདུག་ཐུབ། ངོ་མཚར་བ་ཞིག་ལ་སྲོག་ཆགས་འདི་ལ་མིག་མེད་ཀྱང་། (ལུས་པོའི་ནང་གི་)གློག་རྫས་དང་རྣོ་ཁབ་ལེན་གྱི་རྫས་ལ་བརྟེན་ནས་སྒྲ་ཐོས་ཤིང་གཟུགས་མཐོང་བ། དྲི་ཚོར་བའི་ཚོར་ཤེས་བཅས་ཡོང་གི་ཡོད་འདུག
སྲོག་ཆགས་འདིའི་མོའི་རིགས་ནི་ལོ་ ༡༥ ལོན་རྗེས་འཁྲིག་སྤྱོད་ཀྱི་ལོ་ཚད་ལོན་ཏེ་འཁྲིག་སྤྱོད་ལ་རོལ་ཅིང་། ལོ་ ༦ རེ་མཚམས་སུ་ཕྲུ་གུ་སྐྱེ་བར་བྱེད་པ་དང་། ཕྲུ་གུ་སྐྱེ་ཐེངས་རེར་སྒོ་ང་ ༣༠ ནས་ ༦༠ བར་གཏོང་།
ཕྲུ་གུ་སྐྱེས་སྐབས་ཨ་མ་དེ་མ་མཐར་ཡང་བདུན་ཕྲག་གཅིག་གམ་ཉིན་ ༢༠ རིང་ཉལ་ཏེ་སྒོ་ང་གཏོང་། སྒོ་ང་བཏང་བའི་བདུན་ཕྲག་ཁ་ཤས་རྗེས་ཕྲུ་གུ་རྣམས་སྒོ་ང་ལས་ཕྱིར་ཐོན་ནོ།།
གསར་འགྱུར་མཁོ་སྤྲོད་པ། གཟི་མིག་གསུམ་པ།
རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར། འབའ་སྣང་གྲོལ། ཨ་བུ་འབྲོང་།
| 
青公网安备 63262102000011号