ཧྲང་ཧེའི་དགེ་འོས་སློབ་ཆེན་དུ་བོད་རིག་པའི་ཞིབ་འཇུག་ལྟེ་གནས་ཚུགས་པ།

      ཟླ12ཚེས15ཉིན་ཧྲང་ཧའེ་དགེ་འོས་སློབ་ཆེན་དུ་བོད་རིག་པའི་ཞིབ་འཇུག་ལྟེ་གནས་འཛུགས་པའི་མཛད་སྒོ་ཞུས་ཧུའེ་སློབ་ཁུལ་གྱི་གྲོས་ཚོགས་ལྟེ་གནས་སུ་འཚོགས་ཤིང་། ཧྲང་ཧའེ་དགེ་འོས་སློབ་ཆེན་གྱི་སློབ་གཙོ་ཀྲུའུ་ཙི་ཆང་དང་། མཚོ་སྔོན་དགེ་འོས་སློབ་ཆེན་གྱི་སློབ་གཙོ་གཞོན་པ་བཀྲ་བྷོ། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཚན་རིག་ཞིབ་འཇུག་གཞུང་ལས་ཁང་གི་ཀྲུའུ་རེན་ཀྲོའུ་ཝེ། 《ཀྲུང་གོའི་བོད་རིག་པ》དུས་དེབ་ཀྱི་གཙོ་སྒྲིག་ཧོང་ཝེ་ཀྲུང་། སི་ཁྲོན་སློབ་ཆེན་སློབ་གསོ་པུའུ་ཡི་འབྲུ་ཆུའི་མཁས་པ་དང་དམིགས་བསལ་གདན་ཞུས་དགེ་རྒན་ཆེ་མོ་བ་ཧྲི་ཧྲུའོ། བོད་ལྗོངས་སློབ་ཆེན་སློབ་གསོ་པུའུ་ཡི་འབྲུ་ཆུའི་མཁས་པ་དང་དམིགས་བསལ་གདན་ཞུས་དགེ་རྒན་ཆེན་མོ་བ་ཚེ་བརྟན་བཀྲ་ཤིས་སོགས་ཚན་རིག་ཞིབ་འཇུག་ལས་ཁུངས་དང་སློབ་ཆེན་གྱི་ཆེད་ལས་མཁས་པ་དང་རིག་པ་བ20ལྷག་དང་། ཧྲང་ཧའེ་དགེ་འོས་སློབ་ཆེན་གྱི་སློབ་གྲྭའི་མི་དོན་ཁྲུའུ། སྤྱི་ཚོགས་ཚན་རིག་ཁྲུའུ། འཐབ་ཕྱོགས་གཅིག་གྱུར་པུའུ། སྤྱི་ཚོགས་ཀྱི་རིག་གནས་སྣ་ཚོགས་དང་ཁྱབ་སྤེལ་སློབ་གླིང་བཅས་ཀྱི་འགན་ཁུར་པ་སོགས་གདན་ཞུ་ལྟར་བོད་རིག་པ་ཞིབ་འཇུག་ལྟེ་གནས་བཙུགས་པའི་མཛད་སྒོར་ཞུགས། ཧྲང་ཧའེ་དགེ་འོས་སློབ་ཆེན་གྱི་སློབ་གཙོ་གཞོན་པ་ཀའོ་ཅན་ཧྭ་ཡིས་མཛད་སྒོར་འགོ་འཛིན་གནང་།

     བོད་རིག་པ་ཞིབ་འཇུག་ལྟེ་གནས་ཚུགས་པའི་མཛད་སྒོ་མཇུག་སྒྲིལ་རྗེས། ཧྲང་ཧའེ་དགེ་འོས་སློབ་ཆེན་གྱི་དགེ་རྒན་ཆེན་མོ་བ་ཝང་ཧྲོང་ཁྲེང་གིས་བོད་རིག་པ་ཞིབ་འཇུག་ལྟེ་གནས་ཀྱི་གཞི་རྩའི་གནས་ཚུལ་དང་རྗེས་མར་བསྒྲུབ་རྒྱུའི་ལས་ཀ་གཙོ་བོ་མཚམས་སྦྱོར་གནང་། བོད་རིག་པ་ཞིབ་འཇུག་ལྟེ་གནས་བཙུགས་རྗེས་སློབ་ཆེན་གྱི་ཏང་ཨུས་ཡང་དག་པའི་འགོ་ཁྲིད་དང་རྒྱབ་སྐྱོར་ཤུགས་ཆེན་འོག ནུས་པ་གང་ཡོད་ཀྱིས་ཧྲང་ཧའེ་དང་ཧྭ་ཤར་ས་ཁུལ་གྱི་བོད་རིག་པ་ཞིབ་འཇུག་སྟོབས་ཤུགས་གཅིག་ཏུ་བསྒྲིལ་ནས་རིག་གཞུང་ཞིབ་འཇུག་དང་རྒྱལ་ཁབ་ཀྱི་རིག་མཛོད་འཛུགས་སྐྲུན་ཕྱོགས་གཉིས་ཀྱི་ཐད་ལ་རིམ་བཞིན་བོད་འབྲེལ་ཆ་འཕྲིན་འཚོལ་བསྡུ་དང་། བོད་འབྲེལ་གནད་དོན་ཞིབ་འཇུག བོད་འབྲེལ་ལས་དོན་བློ་འདོན་བཅས་བྱེད་པའི་ཆེད་བཙུགས་ལས་ཁུངས་སུ་འགྱུར་བར་བྱས་ཏེ་བོད་ཁུལ་འཛུགས་སྐྲུན་འཕེལ་རྒྱས་གཏོང་བ་དང་རྒྱལ་ཁབ་ཞི་བདེ་གཅིག་གྱུར་ཡོང་བར་ཞབས་འདེགས་ཞུ་རྒྱུ་རེད།  དགེ་རྒན་ཆེན་མོ་བ་ལིའུ་ཡུང་ཝུན་གྱིས་“ཧྲང་ཧའེ་དགེ་འོས་སློབ་ཆེན་བོད་རིག་པ་ཞིབ་འཇུག་ལྟེ་གནས་ཀྱི་བསྒྲགས་གཏམ་”ཀློག་འདོན་གནང་།

ཚེ་བརྟན་བཀྲ་ཤིས་དང་། ཅང་ཏི། ཕན་ཝུའུ་ཡུན་སོགས་ཆེད་ལས་མཁས་པ་དང་རིག་པ་བ་ཚོས་ཀྱང་བོད་ཡིག་གི་ཚད་ལྡན་ཡིག་ཆ་གློག་རྡུལ་ཅན་དུ་བསྒྱུར་རྒྱུ་དང་བོད་ཀྱི་ཡུལ་སྐད་བརྟག་དཔྱད་ཞིབ་འཇུག  ཧྲང་ཧའེ་དགེ་འོས་སློབ་ཆེན་དང་བོད་ལྗོངས་སློབ་ཆེན་གྱིས་མཉམ་འབྲེལ་བྱས་ནས་བོད་རིག་པའི་ཤེས་ལྡན་པ་གསོ་སྐྱོང་བྱེད་རྒྱུ་སོགས་ཀྱི་སྐོར་ལ་དཔྱད་བསྡུར་གནང་།

རྩོམ་སྒྲིག་འགན་འཁུར་བ། ཁཱ་ཤེས་རབ་རྒྱ་མཚོ། མགར་རྩེ་ཉི་ཟེར།  འབའ་སྣང་གྲོལ། ཨ་བུ་འབྲོང་།