གངས་ལྗོངས་ཤེས་རིག་ནོར་བུའི་སློབ་གླིང་གི་ཐ་སྙད་འགྲན་སྡུར་ཆེན་མོ། 

   2015/12/10ཉིན་གྱི་དགོང་མོར་ངེས་གངས་ལྗོངས་ཤེས་རིག་ནོར་བུའི་སློབ་གླིང་གི་ཐ་སྙད་རྩོམ་སྒྲིག་ཚན་ཆུང་གིས་སློབ་སྐབས་རེའི་འཆར་ཅན་ལྟར་ཐ་སྙད་འགྲན་སྡུར་གྱི་བྱ་འགུལ་སྤེལ། དེ་ནི་སློབ་གྲོགས་དག་གིས་ཐ་སྙད་གསར་བ་དང་སྲོལ་རྒྱུན་དམངས་ཁྲོད་ཀྱི་ཐ་སྙད་གཉིས་བློར་བཟུང་བ་འགྲན་སྡུར་བྱེད་པའི་བྱ་འགུལ་ཞིག་ཡིན། དེ་ཡང་འགྲན་ཞུགས་པ་རྣམས་ཀྱིས་རང་རང་གི་རྒྱན་ཐོབ་ལྟར་དྲི་བ་དག་ལ་ལན་བཏབ་ཅིང་། ལན་ཐེབས་པའི་མང་ཉུང་གིས་རྒྱལ་ཕམ་འབྱེད། ཡུན་རིང་བོར་རྒྱལ་ཕམ་ཐག་གིས་མ་ཆོད་པས་སྔར་ནས་གྲ་སྒྲིག་བྱས་པའི་དྲི་བ་རྣམས་ཚར་བས་གསར་དུ་དྲི་བ་གྲ་སྒྲིག་བྱས་ཏེ་འདོན་དགོས་བྱུང་། མཐར་ཆུ་ཚོད་བཅུ་གཅིག་ཡས་མས་སུ་ད་གཟོད་རྒྱལ་ཕམ་ཐག་བཅད་དེ་རྒྱལ་ཁ་ཐོབ་པའི་སློབ་གྲོགས་རྣམས་ལ་བྱ་དགའ་བསྩལ།  གཞན་ཡང་ཚོགས་ཐོག་ཏུ་དགེ་སློབ་ཡོངས་ཞུགས་ཤིང་། སློབ་དཔོན་ཆེན་མོ་འཇིགས་མེད་རྒྱལ་མཚན་དང་ལྡོང་ཡོན་ཏན་རྒྱ་མཚོ་རྣམ་གཉིས་ཀྱིས་ཕ་སྐད་ཀྱི་གལ་ཆེའི་དགོས་མཁོ་དང་།ཐ་སྙད་སྒྱུར་ཐབས་སོགས་ཀྱི་ཐད་ནས་མཛུབ་སྟོན་དང་གསུང་བཤད་གལ་ཆེན་གནང་། 
བྱ་དགའ་འཐོབ་མཁན་དག་ནི། 
ཨང་དང་བོ།      མཐོ་གཉིས་དང་བོ།      འགྱུར་མེད།
ཨང་གཉིས་པ།   མཐར་ཕྱིན་དང་བོ།     བསྟན་པ་རབ་རྒྱས།
               མཐོ་གཅིག་དང་བོ།    ཚེ་བྷོ།
ཨང་གསུམ་པ།   འབྲིང་རིམ་གཉིས་པ།  ཀུན་དགའ་རྒྱལ་མཚན། 
               མཐར་ཕྱིན་དང་བོ།      ཀུན་བཟང་།
               མཐོ་གཉིས་གཉིས་པ།    འཇིགས་བྱེད་སྐྱབས།
བཞི་བ།      མཐོ་གཉིས་དང་བོ།      ལྷ་མཁར་རྒྱལ།
               དམའ་རིམ་གཉིས་པ།    བློ་བཟང་རྒྱ་མཚོ།
               མཐོ་གཅིག་དང་བོ།      བསྟན་འཛིན་མཁྱེན་རབ།

               འབྲིང་རིམ་དང་བོ།       རྒྱ་སྐྱབས་ཚེ་རིང་། 

འཕྲིན་གཏོང་བ།  གྱི་ལིང་འཇིགས་མེད།