འོད་ཀྱིས་ཁེངས་པའི་མ་ཡུམ་སློབ་གྲྭ།

གཞས་ཚིག   དགེ་རྒན་འཇིགས་མེད་རྒྱལ་མཚན།

གཞས་གདངས།   མྰ་ཡེ་ས།

གཞས་པ།   སློབ་གྲོགས་ཡོངས།

༡

ང་ཡི་སྤྱི་གཙུག་གི་གཟི་བྱིན་

འབར་བའི་སློབ་དཔོན་དམ་པ།

ཁྱེད་ནི་མི་རིགས་ཀྱི་མགོན་སྐྱབས་དང་།

ཡོན་ཏན་གྱི་བང་མཛོད་ཡིན།

ཁྱེད་ཀྱིས་གཞན་དོན་གྱི་ནོར་བུ་ཁུར་ཞིང་།

བྱམས་བརྩེ་དང་ཞི་དུལ་གྱིས་སློབ་བུ་བསྐྱངས།

ང་ཡི་སློབ་དཔོན་དམ་པ།

ཁྱེད་ནི་ང་ཚོའི་མི་ཚེ་ལ་

འོད་སྟོང་སྦྱིན་པའི་ཉིན་བྱེད་ཡིན།

༢

ང་ཡི་སྙིང་ཁོང་དུ་འོད་ཀྱིས་

ཁེངས་པའི་མ་ཡུམ་སློབ་གྲྭ

ཁྱེད་ནི་མི་རིགས་ཀྱི་བླ་སྲོག་དང་།

ཤེས་རིག་གི་ལྡེ་མིག་ཡིན།

ཁྱེད་ཀྱིས་གསར་གཏོད་ཀྱི་ལམ་ཆེན་བཟོས་ཤིང་།

སྒྱུ་རྩལ་དང་ཚན་རིག་གི་ཞིང་ཁམས་བཞེངས།

ང་ཡི་མ་ཡུམ་སློབ་གྲྭ

ཁྱེད་ནི་ང་ཚོའི་མཛེས་སྡུག་དང་

སྤྲོ་སྐྱིད་ལྡན་པའི་ཕ་ཁྱིམ་ཡིན།

༣

ང་ཡི་སེམས་གཏིང་གི་མཛའ་བརྩེས་

བཅིངས་པའི་སློབ་གྲོགས་བཟང་པོ།

ཁྱེད་ནི་མི་རིགས་ཀྱི་རེ་བ་དང་།

མ་འོངས་པའི་དེད་དཔོན་ཡིན།

ཁྱེད་ཀྱིས་ཤེས་རིག་གི་འབྲི་འོ་འཐུང་ཞིང་།

མཐུན་སྒྲིལ་དང་དད་བརྩོན་གྱི་ཁོར་ཡུག་བསྐྲུན།

ང་ཡི་སློབ་གྲོགས་བཟང་པོ།

ང་ཚོའི་བླ་མེད་ཀྱི་སྙིང་སྟོབས་དང་

རིག་འབྱོར་སྲིད་ཀྱི་རྒྱལ་མཚན་སྒྲེང་།