གྲུབ་མཐའ་དང་ས་ལམ་གྱི་རྣམ་གཞག་རིན་ཆེན་མཛེས་རྒྱན་གྱི་ནང་དོན་གནད་བསྡུས་ནི་གྲུབ་མཐའ་དང་ས་ལམ་སྐོར་གྱི་གཞུང་མང་ན་ཡང་འདིར་ཚིག་ཉུང་ལ་དོན་འདུས་ཤིང་།   ཁ་གསལ་ཞིང་གོ་སླ་བའི་ཁྱད་ཆོས་ལ་དམིགས་ཏེ་ཀུན་མཁྱེན་འཇིགས་མེད་དབང་བོའི་གྲུབ་མཐའ་རིན་ཆེན་ཕྲེང་བ་དང་ས་ལམ་ཐེག་གསུམ་བགྲོད་པའི་མཛེས་རྒྱན་གཉིས་བདམས་པར་མ་ཟད།   སློབ་མའི་དང་ལེན་གྱི་ནུས་པ་ལ་དམིགས་ཏེ་སློབ་ཚན་དུ་བགོས་རྗེས་མཇུག་ཏུ་དཀའ་གནད་དང་དོགས་གཞི་བཀོད་ཡོད།  

       གངས་ལྗོངས་ཤེས་རིག་ནོར་བུའི་སློབ་གླིང་གི་བསླབ་བྱའི་དེབ་ཕྲེང་འདི་ནི་དགེ་སློབ་ཡོངས་ཀྱི་མི་ལོ་མང་བོའི་ཉམས་མྱོང་དག་གཞིར་བྱས་ཏེ་གུང་གསེང་སོགས་ཁོམ་ལོང་གང་ཡོད་དུ་དག་བསྒྲིགས་དང་གྲོས་བསྡུར་རབས་དང་རིམ་པ་མང་བོ་བྱས་ཤིང་།    ད་དུང་དགོན་པའི་དགེ་བཤེས་དང་སྤྱི་ཚོགས་སྟེང་གི་ཆེད་མཁས་པ་སོགས་གདན་འདྲེན་དང་ཆེད་བཅར་བཀའ་འདྲི་བཅས་རེ་ཞིག་གཏན་ལ་ཕབ་སྟེ་པར་དུ་བཀོད་པ་ལགས་སོ།  །