ཚད་མའི་གཞུང་ལ་ཐོག་མར་འཇུག་ཚུལ་བློ་གསལ་བྱིས་པ་དགའ་བའི་མེ་ལོང་གི་ནང་དོན་གནད་བསྡུས་ནི་རིགས་ལམ་ཆེ་འབྲིང་ཆུང་གསུམ་གྱི་གསུང་མི་གསལ་པ་རྣམས་ཇེ་གསལ་དང་། ལུང་རིགས་ཞིབ་རྒྱས་ཀྱིས་རྟགས་གསལ་བཀོད་པ། དཀའ་གནད་མཐའ་དཔྱོད་སོགས་བསྒྲིགས་ཡོད། 

      གངས་ལྗོངས་ཤེས་རིག་ནོར་བུའི་སློབ་གླིང་གི་བསླབ་བྱའི་དེབ་ཕྲེང་འདི་ནི་དགེ་སློབ་ཡོངས་ཀྱི་མི་ལོ་མང་བོའི་ཉམས་མྱོང་དག་གཞིར་བྱས་ཏེ་གུང་གསེང་སོགས་ཁོམ་ལོང་གང་ཡོད་དུ་དག་བསྒྲིགས་དང་གྲོས་བསྡུར་རབས་དང་རིམ་པ་མང་བོ་བྱས་ཤིང་།    ད་དུང་དགོན་པའི་དགེ་བཤེས་དང་སྤྱི་ཚོགས་སྟེང་གི་ཆེད་མཁས་པ་སོགས་གདན་འདྲེན་དང་ཆེད་བཅར་བཀའ་འདྲི་བཅས་རེ་ཞིག་གཏན་ལ་ཕབ་སྟེ་པར་དུ་བཀོད་པ་ལགས་སོ།  །