དག་ཡིག་སློབ་དེབ་ངོ་སྤྲོད།


       དག་ཡིག་སློབ་དེབ་ཀྱི་ནང་དོན་གནད་བསྡུས་ནི་དག་ཡིག་མཁས་པ་དགའ་སྐྱེད་རྩ་འགྲེལ་གཉིས་སློབ་ཚན་དུ་བགོས་ཤིང་། དེ་ཡང་སློབ་ཚན་རེར་སྦྱང་གཞི་དང་། སློབ་ཚན་ལྔ་རེར་བསྐྱར་སྦྱོང་རེ་བྱས་ཏེ་བགོས་ཡོད། ཞར་བྱུང་དུ་ཆོས་ཀྱི་རྣམས་གྲངས་ཉུང་བསྡུས་བཅས་བསྒྲིགས་ཡོད།

       གངས་ལྗོངས་ཤེས་རིག་ནོར་བུའི་སློབ་གླིང་གི་བསླབ་བྱའི་དེབ་ཕྲེང་འདི་ནི་དགེ་སློབ་ཡོངས་ཀྱི་མི་ལོ་མང་བོའི་ཉམས་མྱོང་དག་གཞིར་བྱས་ཏེ་གུང་གསེང་སོགས་ཁོམ་ལོང་གང་ཡོད་དུ་དག་བསྒྲིགས་དང་གྲོས་བསྡུར་རབས་དང་རིམ་པ་མང་བོ་བྱས་ཤིང་།     ད་དུང་དགོན་པའི་དགེ་བཤེས་དང་སྤྱི་ཚོགས་སྟེང་གི་ཆེད་མཁས་པ་སོགས་གདན་འདྲེན་དང་ཆེད་བཅར་བཀའ་འདྲི་བཅས་རེ་ཞིག་གཏན་ལ་ཕབ་སྟེ་པར་དུ་བཀོད་པ་ལགས་སོ།  །


རྩོམ་སྒྲིག་པ།:   ཁྰ་ཤེས་རབ་རྒྱ་མཚོ། སྤེལ་དུས:   2015-03-28 ལྟ་ཀློག (1955)