རྨང་གཞིའི་སློབ་དེབ་ཀྱི་ནང་དོན་གནད་བསྡུས་ནི་ཀློག་འདོན་དང་ཚིག་སྦྱོར་ལ་བྱང་བ་དང་། རྒྱུན་ཤེས་ངོ་སྤྲོད་སོགས་ཀྱི་ཆེད་དུ་བོད་རང་གི་ལོ་རྒྱུས་སྟེང་བྱུང་མྱོང་བའི་མི་སྣ་རླབས་ཆེན་ངོ་སྤྲོད་དང་།   གནའ་ཤུལ་གྲགས་ཅན་མཚམས་སྦྱོར། དམངས་སྲོལ་དང་གཏམ་རྒྱུད། དམངས་གླུ་དང་ལོ་རྒྱུས་ཚན་བཤུས་སོགས་བཀོད་ཡོད།

       གངས་ལྗོངས་ཤེས་རིག་ནོར་བུའི་སློབ་གླིང་གི་བསླབ་བྱའི་དེབ་ཕྲེང་འདི་ནི་དགེ་ སློབ་ཡོངས་ཀྱི་མི་ལོ་མང་བོའི་ཉམས་མྱོང་དག་གཞིར་བྱས་ཏེ་གུང་གསེང་སོགས་ཁོམ་ལོང་གང་ཡོད་དུ་དག་བསྒྲིགས་དང་གྲོས་བསྡུར་རབས་དང་རིམ་པ་མང་བོ་བྱས་ཤིང་། ད་དུང་དགོན་པའི་དགེ་བཤེས་དང་སྤྱི་ཚོགས་སྟེང་གི་ཆེད་མཁས་པ་སོགས་གདན་འདྲེན་དང་ཆེད་བཅར་བཀའ་འདྲི་བཅས་རེ་ཞིག་གཏན་ལ་ཕབ་སྟེ་པར་དུ་བཀོད་པ་ལགས་སོ།  །