བློ་བཟང་ཉི་མ་ནི་༡༩༦༥ལོར་མགོ་ལོག་རྭ་རྒྱ་རུ་སྐྱེས་ཤིང་། སྤྱི་ལོ༡༩༨༠ལོར་རྭ་རྒྱ་དགོན་དགེ་ལྡན་བཀྲ་ཤིས་འབྱུང་གནས་བཤད་སྒྲུབ་དར་རྒྱས་གླིང་གི་ཆོས་སྒོར་ཞུགས། སྤྱི་ལོ་༡༩༩༤ནས་༡༩༩༩བར་མི་ལོ་ལྔའི་རིང་གངས་ལྗོངས་ཤེས་རིག་ནོར་བུའི་སློབ་གླིང་དུ་བསླབ་བྱ་ཡོངས་ལ་སློབ་གཉེར་བྱས་ཏེ་སློབ་མཐར་ཕྱིན། སློབ་སྦྱོང་གི་ཞོར་དུ་སྤྱི་གཉེར་ཁང་གི་ཚོགས་གཙོའི་འགན་གཙོ་བོ་ཁུར་ཞིང་། སྤྱི་ལོ ༡༩༩༧-༢༠༠༤བར་སློབ་གྲྭའི་དངུལ་གཉེར་བའི་འགན་ཁུར། སྤྱི་ལོ ༡༩༩༩ ལོར་སློབ་མཐར་ཕྱིན་རྗེས་དགེ་རྒན་འཇིགས་མེད་རྒྱལ་མཚན་མཆོག་གི་རེ་བ་ལྟར་སློབ་གྲྭའི་སྤྱིའི་ལས་ཀ་ཆེ་ཆུང་ཀུན་ལ་འབད་བརྩོན་ལྷོད་མེད་བྱས། སྔ་གཞུག་ཏུ་སློབ་གླིང་གི་སྤྱི་རྫས་དོ་དམ་དང་། ཁོར་ཡུག་ལྗང་སྒྱུར། ཆུ་གློག་ལམ་གསུམ། མལ་ཁང་དང་སློབ་ཁང་སོགས་ཀྱིས་མཚོན་པའི་འཛུགས་སྐྲུན་སྣ་ཚོགས་ཐད་བླ་ན་མེད་པའི་ནུས་པ་བཏོན། སྔ་རྗེས་སུ༢༠༠༡-༢༠༠༢རྨ་ཆེན་རྫོང་དང་རྭ་རྒྱ་གྲོང་རྡལ་གཉིས་ནས་སྡོང་འཛུགས་ནགས་སྐྲུན་ཐད་བྱས་རྗེས་གཟེངས་ཐོན་གྱི་བྱ་དགའ་ཐོབ། སྤྱི་ལོ༢༠༠༤ལོར་གངས་ལྗོངས་ཤེས་རིག་ནོར་བུའི་སློབ་གླིང་དང་རྨ་ཆེན་རྫོང་སློབ་གསོ་ལས་ཁུངས་གཉིས་ནས་ཕུལ་བྱུང་ལས་བཟོ་བའི་བྱ་དགའ་དང་། རྨ་ཆེན་རྫོང་མི་དམངས་སྲིད་གཞུང་གིས་ལྷག་བསམ་ཕུལ་བྱུང་མི་སྣའི་བྱ་དགའ་ཐོབ། སྤྱི་ལོ༢༠༠༧ལོར་འཇིགས་མེད་ཀུན་སྤྱོད་བྱ་དགའ་དང་། སྤྱི་ལོ ༢༠༠༨ལོར་ཕུལ་བྱུང་ལས་བཟོ་བའི་བྱ་དགའ། སྤྱི་ལོ ༢༠༡༡ལོར་ཡང་བསྐྱར་ཕུལ་བྱུང་ལས་བཟོ་བའི་བྱ་དགའ་དང་ཕུལ་བྱུང་དོ་དམ་པའི་བྱ་དགའ་ཐོབ། སྤྱི་ལོ༢༠༡༢ལོར་སློབ་སྦྱོང་དང་སྒྲིག་ལམ་དོ་དམ་ཐད་བྱས་རྗེས་གཟེངས་ཐོན་གྱི་བྱ་དགའ་དང་། སྤྱི་ལོ ༢༠༡༣ལོར་ཕུལ་བྱུང་ལས་འཛིན་པའི་བྱ་དགའ་སོགས་རིམ་པར་ཐོབ། སྤྱི་ལོ ༢༠༠༠-༢༠༡༠བར་སློབ་གཙོའི་ལག་རོགས་པ་དང་སྤྱིའི་ལྟ་སྐུལ་བའི་འགན་ཁུར་བ་དང་།
སྤྱི་ལོ ༢༠༡༠ནས་གངས་ལྗོངས་ཤེས་རིག་ནོར་བུའི་སློབ་གླིང་གི་ལག་བསྟར་སྤྱི་གཉེར་སློབ་གཙོ་གཞོན་པ་དང་རྨ་ཆེན་རྫོང་སྲིད་གྲོས་འཐུས་མིའི་འགན་འཁུར་བཞིན་ཡོད།
༢༠༡༩ལོོར་སློབ་གཙོ་གཞོན་པའི་ལས་ཁུར་མཐར་ཕྱིན་ཏེ་སློབ་གྲྭའི་ཆེས་མཐོའི་དབུ་བཞུགས་ལྷན་ཚོགས་སུ་བདམས།
|