ད་ལོར་སློབ་གླིང་དུ་དམིགས་བསལ་གྱི་གསར་འགྱུར་ཚ་ཤོས་ཤིག་བྱུང་བ་ནི། ཕ་བུ་གཉིས་མཉམ་དུ་གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་མ་གསར་བསྡུའི་རྒྱུགས་སྤྲོད་ལ་ཞུགས།   ཕ་རྒན་གྱི་རེ་བ་བུ་དང་མཉམ་དུ་སློབ་གྲོགས་ཀྱི་ངོས་ནས་སློབ་གླིང་འདིའི་སློབ་མ་ཉན་རྒྱུ་དེ་ཡིན་ནའང་། ཕ་རྒན་གྱིས་སློབ་གླིང་དུ་རྒྱུགས་འཕྲོད་ཅིང་།  བུ་ལོ་ཚོད་ཚད་བཀག་གི་དབང་གིས་ད་ལོར་ཞུགས་མ་ཐུབ།  ཕ་རྒན་གྱིས་བཤད་རྒྱུར།    ང་རང་ཆུང་དུས་ནས་སློབ་གྲྭར་འགྲོ་མ་ཐུབ་པས། རང་གི་སྐད་ཡིག་ཡག་པོ་ཞིག་སྦྱོང་མ་ཐུབ་པར་སེམས་ན་ཧ་ཅང་ན་ཟུག་ཡོད།    ད་ལོར་སེམས་ཐག་བཅད་ནས་བུ་དང་མཉམ་དུ་སློབ་གྲྭ་འདིར་ཡོང་བ་ཡིན་ཟེར།