གསར་འགྱུར་གནད་བསྡུས།

ཟླ་ཚེས། ༢༠༢༠ལོའི་ཟླ་༡༡པའི་ཚེས་༡༥ཉིན།

ཚོགས་ཡུལ། རྭ་རྒྱ་ཤེས་རིག་གླིང་གི་དཔེ་མཛོད་སྒྲ་སྒྱུར་གཙུག་ལག་ཁང་།

ཚོགས་འདུའི་ནང་དོན། རྗེ་ཡབ་སྲས་གསུམ་གྱི་གསུང་འབུམ་དཔེ་བསྡུར་མ་དཔེ་འབུལ་མཛད་སྒོ།

དཔེ་སྐྲུན་ཁང་། མི་རིགས་དཔེ་སྐྲུན་ཁང་།

ཚོགས་ཞུགས་མི་སྣ།  མགོ་ལོག་ཕྱོགས་ཀྱི་དགོན་སྡེ་ཕལ་མོ་ཆེའི་དགེ་བཤེས་སོགས།

དགེ་བཤེས་ངག་དབང་འཕྲིན་ལས་ཀྱིས་གསུང་བཤད་གནང་བཞིན་པ།

     ཧྲན་ཡང་རྒྱལ་སྐྱོང་ཆོས་འཁོར་གླིང་གི་ཡིག་སྒྱུར་ཁང་དུ་ཕྱག་ལས་གནང་བཞིན་པའི་འབུམ་རམས་པ་དགེ་བཤེས་ཐུབ་བསྟན་ཡོན་ཏན་གྱིས་དཔེ་བསྡུར་མའི་ཁུངས་དང་ཁྱད་ཆོས་གནད་བསྡུས་རྒྱ་སྐད་ཀྱི་ལམ་ནས་ངོ་སྤྲོད་ཞུས།

ཚོགས་འདུའི་ཟུར་ངོས།

དགེ་རྒན་འཇིགས་མེད་རྒྱལ་མཚན་གྱིས་གསུང་བཤད་གནང་བཞིན་པ།

     ཤེས་རིག་ནོར་བུའི་སློབ་གླིང་གི་གླིང་གཙོ་རྭ་རྒྱ་འཇིགས་མེད་རྒྱལ་མཚན་གྱིས་ཐེངས་འདིའི་དཔེ་འབུལ་མཛད་སྒོ་སློབ་གླིང་དུ་བསྡུས་པའི་དགོས་དོན་ནི་མགོ་ལོག་ཕྱོགས་ཀྱི་དགེ་སྡེ་རྣམས་ལ་སྟབས་བདེ་བསྐྲུན་པ་དང་ལྷག་པར་དུ་རྗེ་རིན་པོ་ཆེའི་མ་ཡུམ་གྱི་སྤྲུལ་བ་ཤིང་བཟའ་རིན་པོ་ཆེའི་གདན་ས་འདི་ཡིན་པས་རྟགས་དང་རྟེན་འབྲེལ་མང་པོ་འཛོམས་པར་མ་ཟད་དགེ་བའི་བཤེས་གཉེན་བརྒྱ་ཕྲག་ལྷག་ངེད་སློབ་གླིང་དུ་གདན་འཛོམས་པ་ཡང་ལས་དང་སྨོན་བཟང་པོ་ཡིན་པའི་སྐོར་གསུང་བཤད་གནད་བསྡུས་གནང་།

དགེ་རྒན་བཛྲ་ཚུལ་ཁྲིམས་དང་ལྡོང་ཡོན་ཏན་རྒྱ་མཚོ་སོགས་སློབ་གླིང་གི་དགེ་རྒན་འགའ་ཡང་ཟུར་ཞུགས་བྱས།

རྭ་རྒྱ་དགོན་པ་དང་བླ་བྲང་སོགས་ལ་དཔེ་བསྡུར་མ་འབུལ་བཞིན་པ།

དགེ་རྒན་འཇིགས་མེད་རྒྱལ་མཚན་གྱིས་དཔེ་མཛོད་ཁང་གི་སློབ་དཔོན་ཐོན་མིའི་སྐུ་མདུན་ནས་དཔེ་མཛོད་ཁང་ངོ་སྤྲོད་གནང་བཞིན་པ།

སློབ་གླིང་དཔེ་མཛོད་ཁང་ལ་དཔེ་བསྡུར་མ་འབུལ་བཞིན་པ།

ཚོགས་འདུའི་ཡུལ་དངོས།

ཐེངས་འདིའི་དཔེ་བསྡུར་མ་ཐོབ་ས་དག་ལ་རྗེའི་གཟུགས་སྐུ་བྱོན་ལེགས་རེ་ཡང་དངོས་འབུལ་ཞུས།