སློབ་གླིང་གསར་འགྱུར།

     ༢༠༡༩ལོའི་ཟླ་༧་པའི་ཚེས་༡༣ཉིན་གངས་ལྗོངས་ཤེས་རིག་ནོར་བུའི་སློབ་གླིང་གིས་སློབ་གཙོ་བློ་བཟང་ཉི་མ་དང་བློ་བཟང་བདེ་ལེགས་བཟོད་པ་བཟང་བོ་གསུམ་སྐབས་བརྗེ་བྱས་ཏེ་ཁོང་རྣམ་པ་སློབ་གླིང་གི་ཆེས་མཐོའི་འགོ་ཁྲིད་ཚན་ཁག་སྟེ་གངས་ལྗོངས་ཤེས་རིག་ནོར་བུའི་སློབ་གླིང་གི་དབུ་བཞུགས་ལྷན་ཚོགས་ཀྱི་གཞི་སྡོད་རྒྱུན་ལས་ལས་འཛིན་དུ་བསྐོས་ཤིང།  དགེ་རྒན་གཙུག་ཕུད་དང་དགེ་རྒན་དར་རྒྱས་དགེ་རྒན་དོན་གྲུབ་རྒྱལ་གསུམ་སློབ་གཙོ་གཞོན་པར་གསར་དུ་བསྐོ་བཞག་བྱས་ཡོད།

སྤྱི་གཉེར་སློབ་གཙོ་གཞོན་པ་ཟུར་བ་སྟེ་བློ་བཟང་ཉི་མ་ལ་དགེ་རྒན་འཇིགས་མེད་རྒྱལ་མཚན་གྱིས་དར་ཁ་དང་གཟེངས་རྟགས་ཕུལ་བ།

སློབ་སྲིད་སློབ་གཙོ་གཞོན་པ་ཟུར་བ་སྟེ་བློ་བཟང་བདེ་ལེགས་ལ་དགེ་རྒན་འཇིགས་མེད་རྒྱལ་མཚན་གྱིས་དར་ཁ་དང་གཟེངས་རྟགས་ཕུལ་བ།

སློབ་སྟོན་སློབ་གཙོ་གཞོན་པ་ཟུར་བ་སྟེ་དགེ་རྒན་བཟོད་པ་བཟང་བོ་ལ་དགེ་རྒན་འཇིགས་མེད་རྒྱལ་མཚན་གྱིས་དར་ཁ་དང་གཟེངས་རྟགས་ཕུལ་བ།

ཐེངས་འདིའི་སློབ་གཙོ་གཞོན་པ་ཟུར་བ་དང་དབུ་བཞུགས་ལྷན་ཚོགས་སུ་བསྐོས་པའི་བློ་བཟང་ཉི་མ་དང་བློ་བཟང་བདེ་ལེགས་བཟོད་པ་བཟང་བོ་གསུམ་དང་དགེ་རྒན་རིན་པོ་ཆེ་དང་མཉམ་པར།

གསར་དུ་བསྐོས་པའི་སློབ་གཙོ་གཞོན་པ་གསུམ་སྟེ་དགེ་རྒན་གཙུག་ཕུད་དང་དགེ་རྒན་དར་རྒྱས་དགེ་རྒན་དོན་གྲུབ་རྒྱལ་བཅས་ཀྱི་མཉམ་པར།

       གངས་ལྗོངས་ཤེས་རིག་ནོར་བུའི་སློབ་གླིང་ལ་ཐོག་མའི་ས་ཐིག་བརྒྱབས་པའི་ཉིན་ནས་བཟུང་བདག་གི་ཁ་ལོག་ཚིག་རྩུབ་དང་རང་མཐོའི་གཤིས་ངན་ལ་ཅི་ཡང་མི་སྙམ་པར་མི་ལོ་ཉེར་ལྔའི་རིང་སྐྱིད་ན་རྟ་བོ་མཉམ་ཞོན་དང་སྡུག་ན་ཁུར་བོ་མཉམ་འཁུར་བྱས་པའི་གཉེར་རྒན་བློ་བཟང་ཉི་མ་དང་བློ་བཟང་བདེ་ལེགས་རྣམ་གཉིས་ཀྱི་གཙོས་སྐབས་དང་བོའི་མཐར་ཕྱིན་སློབ་མ་བཟོད་པ་བཟང་བོ་གསུམ་གྱིས་ལོ་འཁོར་ལྔའི་རིང་གི་སློབ་གཙོ་གཞོན་པའི་འགན་ལེགས་པར་གྲུབ་ནས།  དེ་རིང་རྗེས་སྐྱོང་བ་རྣམས་ཀྱི་ལག་ཏུ་བཀྲ་ཤིས་བདེ་ལེགས་ངང་སྤྲད།

      སྤྱི་ལོ་2019་ལོའི་ཟླ་7་པའི་ཚེས་14་ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་དབུས་མི་འགྱུར་རབ་བརྟན་གླིང་གི་རང་ཤག་སེམས་འོད་གསལ་བའི་ཁང་ཁྱིམ་དུ་དགེ་མིང་འཛིན་པ་འཇིགས་མེད་རྒྱལ་མཚན་གྱིས་བྲིས།

སློབ་གྲྭའི་དབུ་ཁྲིད་སྡེ་ཁག་གི་མཉམ་པར།