དཔའ་བོའི་ལུང་བའི་སློབ་གསོ་དང་ཤེས་རིག་གླིང་གི་མཐར་ཕྱིན་སློབ་མའི་རླབས་ཆེན་གྱི་བྱ་བཞག

     རྒྱུས་ལོན་བྱུང་བ་ལྟར་ན།  སྤྱི་ལོ་༢༠༡༨ལོའི་ཟླ་༧པའི་ཚེས་༢༢ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་མཚོ་སྔོན་ཞིང་ཆེན་དཔའ་ལུང་ས་ཆའི་ཡུལ་ཕྱོགས་གཅིག་པའི་མཐར་ཕྱིན་སློབ་མས་༢༠༡༨ལོའི་བཱ་ཡན་ས་ཁུལ་གྱི་མཐོ་རྒྱུགས་ཁྲོད་རྒྱུགས་འབྲས་ལེགས་པའི་སློབ་མ་དག་ལ་གཟེངས་བསྟོད་བྱ་འགུལ་སྤེལ་བའི་མཛད་སྒོ་ཞིག་གསེར་གཞུང་ཡུལ་ཚོ་བཀྲ་ཤིས་གཡང་ཁྱིམ་ཚང་ནས་གཟབ་རྒྱས་ངང་འཚོགས་འདུག  ཚོགས་ཐོག་ཏུ་སློབ་གྲོགས་བཅུ་ཕྲག་ལྷག་འཛོམས།  སློབ་གྲོགས་རྒན་པ་དཔའ་ལུང་བ་ཤེས་རབ་རྒྱ་མཚོས་སློབ་མ་དག་ལ་སློབ་སྦྱོང་གི་འདུ་ཤེས་དང་།   མ་འོངས་པའི་དམིགས་འདུན།  ཡུལ་སྲོལ་གོམས་གཤིས་སོགས་ལས་འཕྲོས་ཏེ་ས་གནས་སློབ་གསོ་ལ་འགན་འཁུར་དགོས་པའི་ཁ་བརྡ་གལ་ཆེན་བྱས་པར་མ་ཟད་ཚོགས་གཙོ་དཔལ་འཛིན་གྱིས་སྤྱི་ཚོགས་གནས་བབས་དང་རང་གི་མྱོང་ཚོར་བརྗོད་དེ་སློབ་མ་དག་ལ་རེ་འདུན་དང་བསྐུལ་མ་གནང་།  སློབ་གྲོགས་གཞན་དག་གིས་ཀྱང་རང་རང་གི་མྱོང་ཚོར་དང་ས་གནས་སློབ་གསོའི་སྐོར་ནས་ཁ་བརྡ་བྱས་ཤིང་།   གུང་ཟས་ལ་རོལ་རྗེས་སློབ་མ་དག་ལ་བྱ་དགའི་མཛད་སྒོ་སྤེལ་ཡོད།

     བྱ་འགུལ་སྤེལ་རྗེས་སློབ་གྲོགས་རྣམས་མཉམ་དུ་གནས་ཀྱི་མཆོག་གྱུར་རི་བོ་དན་ཏིག་དགོན་དུ་མཆོད་མཇལ་ལ་སོང་སྟེ་མ་འོངས་པའི་བྱ་བ་མཐའ་དག་གེགས་མེད་ལྷུན་འགྲུབ་ཡོང་པར་གསོལ་འདེབས་དང་སྐྱབས་འཇུག་གནང་ཤིང་།  མཇུག་མཐར་༼ཁོར་ཡུལ་༽རྩྭ་ཐང་ནས་ནུབ་ཟས་ལ་རོལ་རྗེས་ཐེངས་འདིའི་ལས་རིམ་བྱེད་སྒོ་ཡོངས་སུ་རྫོགས་པ་བཀྲ་ཤིས་བདེ་ལེགས་ངང་མཇུག་བསྡུས་ཡོད།

ཚོགས་འདུའི་ཡུལ་དངོས།

སློབ་མ་དག་ལ་གཟེངས་བསྟོད་དང་བྱ་དགའ་གནང་བཞིན་པ།

ད་ལོའི་མཐོ་རྒྱུགས་ཁྲོད་རྒྱུགས་འབྲས་ཆེས་ལེགས་པའི་སློབ་མ་མགོན་པོ་སྒྲོལ་མ་དང་འཕགས་མོ་ཚེ་རིང་།

བྱ་དགའ་ཐོབ་མཁན་གྱི་སློབ་གྲོགས་དག་དང་མཉམ་པར།

    ཤེས་རིག་སློབ་གླིང་གི་ཡུལ་ཕྱོགས་གཅིག་པའི་མཐར་ཕྱིན་སློབ་མ་དང་རེ་བས་བརྟས་པའི་དཔའ་ལུང་གི་གཞོན་རབས་པའི་སྡེ།

ཕུལ་བྱུང་སློབ་མས་རང་གི་མྱོང་ཚོར་དང་བཀའ་དྲིན་ཤིས་ཚིག་སྒྲོག་འདོན་བྱེད་བཞིན་པ།

རྭ་རྒྱ་ཤེས་རིག་སློབ་གླིང་གི་དཔའ་བོའི་ལུང་བའི་མཐར་ཕྱིན་སློབ་མའི་དཔུང་སྡེ།

གནས་མཆོག་རི་བོ་དན་ཏིག་ཏུ་མཇལ་སྐོར་དུ་ཕྱིན་པ།

བརྩེ་འཛུམ་གྱིས་ཁེངས་པའི་མཉམ་འཛོམས་དང་འགྲུལ་བཞུད།

    ཀློག་པ་པོ་ལགས། ཁྱེད་རང་དཔའ་བོའི་ལུང་བར་ཐོན་ཚེ་གནས་མཆོག་རི་བོ་དན་ཏིག་སོགས་ལ་མཇལ་རྒྱུ་མ་བརྗེད།

ཞལ་དྲོ།