གངས་ལྗོངས་ཤེས་རིག་ནོར་བུའི་གླིང་གི་ཐ་སྙད་འགྲན་སྡུར་ཆེན་མོ།

      རང་སློབ་གླིང་གི་ལོ་རེའི་འཆར་ཅན་ལྟར་སློབ་སྐབས་རེ་ལ་ཐ་སྙད་འགྲན་སྡུར་ཐེངས་རེར་སྤེལ་བཞིན་ཡོད་ལ།   ཟླ་འདིའི་ཚེས་26ཉིན་ཐ་སྙད་རྩོམ་སྒྲིག་ཚན་ཆུང་སྐབས་ཉེར་གཅིག་པའི་གཙོ་སྒྲུབ་བྱས་ཏེ་གླིང་སྨད་དུ་བྱ་འགུལ་གཟབ་རྒྱས་ངང་སྤེལ། ཐ་སྙད་འགྲན་སྡུར་འདི་ནི་བོད་སྐད་རྐྱང་རྐྱང་གི་ཐ་སྙད་གསར་བ་དག་བློར་འཛིན་པ་ཙམ་མ་ཡིན་པར་བོད་སྐད་ཀྱི་ཐ་སྙད་རྒྱ་སྐད་ཀྱི་ལམ་ནས་བཤད་པ། རྒྱ་སྐད་ཀྱི་ཐ་སྙད་བོད་སྐད་ཀྱི་ལམ་ནས་བཤད་པ། ཉམས་དམས་སུ་འགྲོ་བཞིན་པའི་བོད་ཀྱི་སྲོལ་རྒྱུན་གྱི་ཡོ་བྱད་རྣམས་པར་རིས་སུ་བཀོད་པ་ལ་བལྟས་ནས་མིང་ངོས་འཛིན་པ་བཅས་རྣམ་པ་གཉིས་ཀྱི་སྒོ་ནས་འགྲན་སྡུར་བྱས། འགྲན་སྡུར་ཁྲོད་རྒྱལ་ཁ་ཐོབ་པའི་ཕུལ་བྱུང་འཛིན་གྲྭ་གཅིག་དང་སློབ་སྐབས་གཅིག་གི་སྤྱི་སྡོམ་ཁྲོད་ཕུལ་བྱུང་འཛིན་གྲྭ་གཅིག་བཅས་ཕུལ་བྱུང་འཛིན་གྲྭ་གཉིས་དང་དགའ་རྟགས་ཐོབ་པའི་སློབ་མ་བཅུ་ལ་བྱ་དགའ་བྱིན། 

     སློབ་སྐབས་གཅིག་གི་ཕུལ་བྱུང་འཛིན་གྲྭ་དམའ་གཅིག་འཛིན་གྲྭ་དང་འགྲན་སྡུར་ཁྲོད་རྒྱལ་ཁ་ཐོབ་པའི་ཕུལ་བྱུང་འཛིན་གྲྭ་མཐར་ཕྱིན་འཛིན་གྲྭ་དང་བོ་ཡིན།

ཕ་སྐད་དོ་དམ་ཚན་ཆུང་།

ཐེངས་འདིའི་འགྲན་སྡུར་ཁྲོད་བྱ་དགའ་ཐོབ་མཁན་དག

སྦྱིན་བདག་ཐར་ཤུལ་དོན་གྲུབ།

སྦྱིན་བདག་ཚེ་བརྟན།

སྦྱིན་བདག་ལྕགས་ཐེ་ཀར་རབ།

སྦྱིན་བདག་ཤེར་ཁོ།

ཆོས་ཀྱི་རྣམ་གྲངས་ཐོན་མིའི་ཞལ་རྒྱུན། 

གསར་འགོད་པ།   དགེ་རྒན་ཀརྨ་ལམ་བཟང་།