སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་གིས་རྐང་ཚའི་རུ་མང་དགོན་དུ་མཛད་འཕྲིན་བསྐྱངས་པ།


སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་མཆོག་གིས་རྐང་ཚའི་རུ་མང་དགོན་དུ་སྤྱི་ཚོགས་ཡར་སྐུལ་གྱི་སློབ་གསོ་གནང་བ། 


  སྤྱི་ལོ༢༠༡༨ལོའི་ཟླ་༥བའི་ཚེས་༡༩ཉིན་གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་དཔོན་ལྡོང་ཡོན་ཏན་རྒྱ་མཚོ་མཆོག་རྐང་ཚའི་རུ་མང་དགོན་གྲོང་གཉིས་ཀྱི་གདན་ཞུས་ལྟར་རུ་མང་དགོན་བཤད་སྒྲུབ་བཀྲ་ཤིས་དར་རྒྱས་གླིང་དུ་ཕེབས་ཤིང་། ཡུལ་འདིའི་དད་ལྡན་སེར་སྐྱ་མང་ཚོགས་ཀྱིས་དགའ་བས་མདུན་བསུས་ཤིང་། དད་པའི་ཕྱག་བགྱིས་ཏེ་དགོན་པའི་ཁྲི་བ་བླ་མ་ཡབ་རྗེ་ཨ་དགའ་བླ་མའམ་ཡང་སྤྲུལ་༧འཇམ་དབྱངས་ལུང་རྟོགས་བསྟན་པའི་རྒྱལ་མཚན་མཆོག་གི་གཟིམ་ཤག་ཏུ་སྤྱན་དྲངས།

   སྤྱི་ལོ༢༠༡༨ལོའི་ཟླ་༥བའི་ཚེས་༢༠ཉིན་གྱི་སྔ་དྲོའི་དུས་ཚོད་༡༠:༣༠སྟེང་ཁོང་ཉིད་རུ་མང་དགོན་པའི་ཚོགས་ཆེན་འདུ་ཁང་དུ་ཕེབས་ཏེ་མང་ཚོགས་ཁྲི་སྟོང་མང་བོའི་དགོས་འདོད་ལྟར་སྤྱི་ཚོགས་ཡར་སྐུལ་གྱི་སློབ་གསོ་དང་གཉེན་པོ་སྟོབས་བཞིའི་སྒོ་ནས་སྡིག་བཤགས་བྱེད་ཚུལ་གྱི་བཀའ་སློབ་རྒྱ་ཆེན་པོ་གནང་། ཁྱད་པར་དུ་ཡུལ་འདིའི་དགོན་གྲོང་གཉིས་ཀྱི་ད་ལྟའི་སྤྱི་ཚོགས་དང་མ་འོངས་ཤེས་རིག་གི་ལམ་ཁར་གཟི་བྱིན་ལྡན་པའི་བཀའ་སློབ་ཡིད་འཁུལ་པ་བླ་ན་མེད་པ་བསྩལ།


སློབ་དཔོན་རིན་པོ་ཆེ་ཁོང་ལ་དད་ལྡན་སེར་སྐྱ་མང་ཚོགས་ཀྱིས་བསུ་བ་བྱེད་བཞིན་པ། 


སློབ་དཔོན་རིན་པོ་ཆེ་རུ་མང་དགོན་པའི་ཚོགས་སུ་བཞུགས་པ། 


སློབ་གསོ་གནང་བཞིན་པའི་ཡུལ་དངོས། 


ཁོང་ཚང་རུ་མང་ཆོས་རིག་དཔེ་མཛོད་གླིང་དུ་ཕེབས་པ། 


སློབ་དཔོན་རིན་པོ་ཆེ་མཆོག་ཆོས་རིག་ཟབ་སྦྱོང་འཛིན་གྲྭའི་སློབ་ཁང་དུ་ཕེབས་པ། 

གསར་འགོད་པ།  ཁྲི་གཤོག་སྙེ་མ། 


རྩོམ་སྒྲིག་པ།:   འབའ་སྣང་གྲོལ། སྤེལ་དུས:   2018-05-20 ལྟ་ཀློག (5940)