མཉམ་སྒྲུབ་ཚོང་སྡེ་ཉེར་གསུམ་བཅས་མགོ་ལོག་ཁུལ་གྱི་རྫོང་སོ་སོའི་གྲོང་རྡལ་དང་ཡུལ་ཚོ་སོ་སོའི་འགོ་ཁྲིད་སོགས་མི་སྣ་བརྒྱད་ཅུ་ལྷག་ཚོགས་འདུ་ལ་ཞུགས།

     རང་མཐུན་གཉེར་ཁང་གི་འགོ་བ་ཚེ་ཐར་འབུམ་གྱིས་ད་ལོའི་འོ་མའི་བྱ་བ་སྤྱི་སྡོམ་དང་སང་ལོའི་འོ་མའི་བྱ་བའི་འཆར་གཞི་ཐད་ཀྱི་ཡར་ཞུ་བྱས་ཤིང་འགོ་བ་ཆེས་ཁང་གིས་འཕྲུལ་ཆས་འཛུགས་སྐྲུན་ཕྱོགས་ཀྱི་མཛུབ་སྟོན་བྱས་པ་དང་འགོ་བ་བསོད་ནམས་དོན་གྲུབ་དང་འགོ་གཙོ་ཚེ་རིང་དོན་གྲུབ་ལགས་ཀྱིས་མཐུན་གཉེར་ཁང་གི་བྱ་བར་བསྟོད་བསྔགས་དང་ཁེ་ལས་ཀྱི་ཕྱོགས་ལ་མཛུབ་སྟོན་བླ་མེད་མཛད།  འགོ་བ་ལས་ཡན་ལེན་གྱིས་དབུལ་སྐྱོར་བྱ་བའི་སྣེ་ཁྲིད་ཀྱི་གཏམ་གླེང་བྱས་ཤིང་གསེར་ལུང་འོ་བསྡུ་ས་ཚིགས་ཀྱི་ཚེ་འབུམ་གྱིས་འོ་མའི་བྱ་བའི་ཐད་ཀྱི་ལྟ་ཚུལ་བཤད།

      དུས་མཚུངས་སུ་འོ་བསྡུ་ས་ཚིགས་མི་སྣར་འོ་རིན་སྤྲད་པ་དང་ཕུལ་བྱུང་འོ་བསྡུ་ས་ཚིགས་དང་ཕུལ་བྱུང་མི་སྣ་ཡོངས་ལ་གཟེགས་རྟགས་བྱིན་ཏེ་ས་གནས་སྲིད་གཞུང་དང་འབྲེལ་ཡོད་ཀུན་གྱིས་དགའ་བསུ་ཆེན་པོ་ཐོབ་ཡུལ་དུ་གྱུར།

      གཞན་ཡང་སློབ་དཔོན་འཇིགས་མེད་རྒྱལ་མཚན་མཆོག་གིས་གངས་ལྗོངས་གཅེས་ནོར་མཐུན་གཉེར་ཁང་གི་ལོ་ངོ་བཅུ་བདུན་རིང་གི་དཀའ་སྡུག་གི་ལོ་རྒྱུས་དང་འབྲེལ་ཏེ་གསུང་བཤད་ཡིད་འཁུལ་བ་གནངས།

        ཕྱི་དྲོ་ཆུ་ཚོད་གཉིས་དང་ཕྱེད་ཀ་ཡས་མས་སུ་ཡང་བསྐྱར་རྨ་རྒྱལ་བོད་ཟས་གསོལ་ཚིགས་གླིང་དུ་འཚོགས་ཏེ་མཉམ་སྒྲུབ་ཚོང་སྡེ་སོ་སོའི་མི་སྣས་རང་གི་ཁེ་ལས་ཀྱི་ཉམས་མྱོང་དང་འོ་མའི་བྱ་བའི་ཕྱོགས་མི་འདྲ་བ་སོ་སོའི་ཕྱོགས་ནས་ལྟ་ཚུལ་བརྗོད་པ་དང་སློབ་དཔོན་འཇིགས་མེད་རྒྱལ་མཚན་གྱིས་འོ་མའི་གཙང་སྦྲ་ལ་དོ་སྣང་ཡག་པོ་བྱས་ན་ཕན་ཁེ་གང་དག་ཡོད་ཚུལ་དང་མཉམ་སྒྲུབ་ཚོང་སྡེ་གཉེར་ན་སྟོབས་ཤུགས་དང་མཐུན་སྒྲིལ་དགོས་ཚུལ་གྱི་བཀའ་གསུང་གལ་ཆེན་གནང་། གངས་ལྗོངས་གཅེས་ནོར་མཐུན་གཉེར་ཁང་གི་པདྨ་མཁའ་འགྲོས་ང་ཚོ་ལ་སྐྱེས་བུ་དམ་པའི་སྣེ་ཁྲིད་དང་རྒྱབ་སྐྱོར་ཡོད་པས་བརྟན་བརླིང་གིས་མདུན་དུ་བསྐྱོད་ཆོག་ཅེས་སྤོབས་པ་ཆེན་པོས་ཁ་གཡང་སྒྲོག་གིན་སྔ་ཕྱི་གཉིས་ཀྱི་ཚོགས་འདུ་དགའ་མགུ་ཡིས་ཁེངས་ཏེ་བཀྲ་ཤིས་པའི་ངང་མཇུག་བསྡུས།

ཚོགས་འདུའི་ཡུལ་དངོས་ཀྱི་འོ་མའི་ཐོན་རྫས་འགྲེམ་སྟོན།