དེ་ཞོལ་ནས་སློབ་དཔོན་འཇིགས་མེད་རྒྱལ་མཚན་མཆོག་གི་དུས་ཚོད་གཅིག་རིང་ལ་གསུང་བཤད་གནང་ཞིང་། གསུང་གི་ཉིང་བཅུད་ནི་ཁོང་གི་བྱ་བའི་བརྒྱུད་རིམ་གྱི་ཉམས་མྱོང་དང་སྙིང་སྟོབས་ཆེར་བསྐྱེད། བརྩོན་པ་ལྷོད་མེད་སྒོས་མདུན་སྐྱོད་བྱས་ཏེ།  གོམ་འགྲོས་མཚམས་མི་འཇོག་པར་ཉིན་རེ་ཉིན་རེ་གོམ་པ་གཅིག་དང་གཉིས་བྱས་ནས་བསྐྱོད་དགོས་པ་ལས།  གལ་ཏེ་གོམ་པ་སྤོ་བར་མཚམས་བཞག་པ་ཡིན་ན་དེ་ཕུགས་རྒྱང་རིང་བོའི་བྱ་བཞག་ཅིག་མི་གྲུབ་པ་ཡིན་པས་རྒྱུན་འཁྱོངས་གནང་དགོས་ཞེས་སྐུལ་བ་དང་མི་རིགས་རང་ཉིད་ཀྱི་ཐོན་ཁུངས་བལ་དང་ཁུ་ལུ་སོགས་ཀྱི་ཐོན་སྐྱེད་གོང་འཕེལ་གཏོང་དགོས་པའི་རེ་སྐུལ་ཡང་ཡང་ཞུས།

    མཇུག་མཐར་ཆེད་ཞུ་རྣམ་པ་གཉིས་དང་ཚོགས་ཞུགས་འགྲུལ་བ་ཡོངས་ཀྱིས་ལྷ་གཡག་རྟགས་མའི་ཐོན་རྫས་ལ་ཉམས་ཞིབ་དང་རྒྱུས་ལོན་གནང་ཞིང་ཕུན་སུམ་ཚོགས་པའི་ངང་མགོ་ལོག་ལྷ་གཡག་ཆེད་ཚོང་ཁང་གི་དབུ་འབྱེད་མཛད་སྒོ་བཀྲ་ཤིས་པའི་ངང་མཇུག་སྒྲིལ།