རྒྱལ་སྤྱིའི་ལུས་རྩལ་འགྲན་ཚོགས་ཆེན་མོ་གཡང་མདའ་རྟགས་མའི་དྲག་རྩལ་འགྲན་ཚོགས་སྐབས་དང་བོ་མདོ་སྨད་གཅན་ཚ་རྫོང་དུ་འཚོགས་པ།
2017ལོའི་སྤྱི་ཟླ9ཚེས16ཉིན་གྱི་ཕྱི་དྲོའི་ཆུ་ཚོད་དང་བོ་ནས་འགོ་བརྩམས་ཏེ།
མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་གི་གཡང་མདའ་རྟགས་མའི་དྲག་རྩལ་འགྲན་ཚོགས་སྐབས་དང་བོ་མདོ་སྨད་གཅན་ཚ་རྫོང་གི་ལུས་རྩལ་ཐང་ཆེན་དུ་བསྡུས།
འདི་ནི་གཅན་ཚ་རྫོང་མི་དམངས་སྲིད་གཞུང་གིས་གཙོ་གཉེར་བྱས་ཤིང་།
གཅན་ཚ་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ཅུའུ་དང་།གངས་ལྗོངས་ལུས་རྩལ་ལུས་སྦྱོང་སྤྲོ་སྐྱིད་ཚད་ཡོད་ཀུང་སི་བཅས་མཉམ་འབྲེལ་བྱས་ནས་སྒྲུབ་པའི་རྒྱལ་སྤྱིའི་ལུས་རྩལ་འགྲན་ཚོགས་ཆེན་མོ་གཡང་མདའ་རྟགས་མའི་དྲག་རྩལ་འགྲན་ཚོགས་སྐབས་དང་བོ་ཡིན། འགྲན་བསྡུར་གྱི་བརྗོད་བྱ་ནི་དྲག་རྩལ་གྱི་སྙིང་སྟོབས་མཆོག་ཏུ་བཀུར་བ་ཞེས་པ་ཡིན་ལ། ཐེངས་འདིར་ཀྲུང་གོ་དང་ཨ་མེ་རུ་ཀ ཨུ་རུ་སུ། དབྱི་རག བོའུ་ཁུ་ལན་སོགས་རྒྱལ་ཁབ6ནས་ཡོང་བའི་རྒྱལ་སྤྱིའི་དྲག་རྩལ་པ་24འགྲན་བསྡུར་ནང་ཞུགས་ཤིང་།རྒྱལ་སྤྱིའི་དྲག་རྩལ་གྱི་འགྲན་རྩོད་སྒྲིག་ལམ་ལྟར།
སྤྱི་རྒྱ52དང་། སྤྱི་རྒྱ60། སྤྱི་རྒྱ67། སྤྱི་རྒྱ65། སྤྱི་རྒྱ70བཅས་རིམ་པ་བཅུ་གཉིས་སུ་དབྱེ་སྟེ་སོ་སོར་འགྲན་བསྡུར་བྱས་ཏེ་ཀྲུང་གོའི་འགྲན་རྩོད་པ་སུང་ལ་ཆིས་དང་། ཁ་ཆེ་དྲག་རྩལ་པ་ཀྲུང་ཙི་ཆིང་། ཀྲུང་གོའི་དྲག་རྩལ་པ་བོའུ་ལན་སུང་། ཀྲིན་སུའུ་ཙི། ཆོ་ཧྥུན། ཀོ་བུན་ཐེ། ལུག་ཐེན་ཅུན། བོད་རིགས་དྲག་རྩལ་པ་བཀྲ་ཤིས་ཚེ་དབང་། ཐེ་ལན་ཀྲིའི་དྲག་རྩལ་པ་ལན་ཆུར། དབྱི་རག་གི་དྲག་རྩལ་བ་ལེས་མིན།
ཀྲུང་གོའི་དྲག་རྩལ་བ་ལུས་པེ་ཡུན། ཨུ་ལོ་སུའི་དྲག་རྩལ་བ་མ་ཁུ་ཞིས་མོ་བཅས་མི་གྲངས་བཅུ་གཉིས་ལ་ཐེངས་འདིའི་འགྲན་བསྡུར་ཁྲོད་རྒྱལ་ཁ་ཐོབ།
རྒྱལ་སྤྱིའི་ལུས་རྩལ་འགྲན་ཚོགས་ཆེན་མོ་གཡང་མདའ་རྟགས་མའི་དྲག་རྩལ་འགྲན་ཚོགས་སྐབས་དང་བོ་དངོས་སུ་འགོ་བརྩམས་པ།
འགྲན་ཞུགས་པ་རྣམས་ཀྱིས་སྟ་གོན་བྱེད་ཀྱིན་པ།
རྒྱལ་ཕམ་རྩོད་པ།
འགྲན་ཐེངས་དང་བོ།
འགྲན་ཐེངས་གཉིས་པ།
འགྲན་ཐེངས་གསུམ་པ།
རྨ་ལྷོ་ཁུལ་གྱི་ཧྲུའུ་ཅུའུ་ལིན་དཔལ་ལྡན་གྱིས་བྱ་དགའ་གནང་བ།
འགྲན་རྩོད་ལས་རྒྱལ་ཁ་ཐོབ་པ།
འགྲན་རྩོད་ལས་རྒྱལ་ཁ་ཐོབ་པ།
གཅན་ཚ་རྫོང་གི་རྒྱུན་ལས་རྫོང་དཔོན་ཀྲང་ལིས་ཀྱིས་བྱ་དགའ་གནང་བཞིན་པ།
དྲག་རྩལ་བ་སངས་རྒྱས་དོན་འགྲུབ་དང་མེ་ལོང་རྩོམ་སྒྲིག་པ་རོང་ཚང་ཀླུ་རྒྱལ་གཉིས་ཀྱིས་བྱ་དགའ་གནང་བཞིན་པ།
ཤན་འབྱེད་པའི་དཔུང་སྡེ།
མཇུག་མཐའི་རྒྱལ་ཁ།
|