མགོ་ལོག་ཁུལ་རྨ་ཆེན་རྫོང་མི་རིགས་སློབ་འབྲིང་གཉིས་པའི་བོད་ཁུལ་སློབ་རའི་གསར་འགྱུར།
དེ་རིང་སྟེ་སྤྱི་ཟླ་བཞི་བའི་ཚེས་ཉེར་བརྒྱད་ཉིན་ངེད་མཚོ་སྔོན་ཞིང་ཆེན་མགོ་ལོག་ཁུལ་རྨ་ཆེན་རྫོང་མི་རིགས་སློབ་འབྲིང་གཉིས་པ་ནས་བོད་སྐད་ཡིག་སྡེ་ཁག་གིས་དམའ་འབྲིང་རིམ་པའི་༼གསེར་སྨྱུག་རྟགས་མའི་སྙན་ངག་གྱེར་འདོན་འགྲན་སྡུར་༽གྱི་བྱ་འགུལ་སྤེལ་ཞིང་དམའ་གཉིས་ལྔ་བའི་སློབ་བུ་འཇིགས་མེད་སྐལ་བཟང་དང་དམའ་གཅིག་གཉིས་པའི་སློབ་མ་འཛོམས་ལོ་གཉིས་ཀྱིས་མདོ་འཛིན་བྱས།
བྱ་འགུལ་གྱི་མདོ་འཛིན་པ།
སྙན་ངག་གྱེར་འདོན་ལ་དཔྱད་འདེམས་བྱེད་བཞིན་པ།
བྱ་དགའ་ཐོབ་པའི་སློབ་གྲོགས་བཞི།
དཔྱད་འདེམས་པ་རང་སློབ་གྲྭའི་སློབ་གཙོ་ཚེ་རིང་བསྟན་པ་གཙོས་དགེ་རྒན་རྒན་པ་མཚན་ཉིད་བོད་ཡིག་ཁྲིད་དཔྱོད་ཁང་གི་ཚན་གཙོ་ལྷ་མོ་དང་དགེ་རྒན་བསྟན་རྡོར་བསོད་སྟོབས་ཆོས་གྲགས་རྒྱ་མཚོ་བསོད་ནམས་རྒྱ་མཚོ་ཚེ་དཔལ་སྐྱབས་དང་སྐར་མ་རྩི་མཁན་གསང་མོ་འཚོ་སྐར་མ་སྒྲོག་མཁན་དགེ་རྒན་བཀྲ་ཤིས་དོན་གྲུབ་བཅས་ཡིན།
ཐོག་མར་སློབ་གཙོ་ཚེ་རིང་བསྟན་པ་ལགས་ཀྱིས་སྙན་ངག་གྱེར་འདོན་གྱི་དམིགས་ཡུལ་དང་དགེ་མཚན་གྱི་ཐད་ནས་གཏམ་བཤད་གནང་། དེ་ནས་འཛིན་གྲྭ་རེའི་སློབ་མ་གཅིག་རེ་འགྲན་བསྡུར་དུ་ཞུགས་ཏེ་སྨྲ་བརྗོད་དག་ཅིང་ལང་ཚོའི་ཉམས་དང་ལྡན་པའི་སྒོ་ནས་གྱེར་འདོན་བྱས།
ཨང་དང་བོ་དམའ་གཅིག་བཞི་བའི་སློབ་མ་རིག་མཚོ་དང་ཨང་གཉིས་པ་དམའ་གཅིག་ལྔ་བའི་ཀླུ་མོ་རྒྱལ་ཨང་གསུམ་པ་དམའ་གཉིས་ལྔ་བའི་འཇིགས་མེད་སྐལ་བཟང་ཨང་བཞི་བ་དམའ་གཅིག་གཉིས་པའི་འཛོམས་ལོ་སོགས་ལ་ཐོབ།
ཐེངས་འདིའི་དཔྱད་འདེམས་དགེ་རྒན་དང་བྱ་དགའ་ཐོབ་པའི་སློབ་གྲོགས་མཉམ་པར།
མཇུག་མཐར་ངེད་སློབ་གྲྭའི་དགེ་རྒན་དང་ཡང་ན་རྨ་ཡུལ་གླུ་བ་བཀྲ་ཤིས་དོན་གྲུབ་ཀྱི་སྙན་འགྱུར་ངག་གི་གླུ་སྐད་ཁྲོད་ནས་མཇུག་ལེགས་པར་སྒྲིལ་བའོ།།
གསར་འགོད་པ་གཡོན་གཞིས་ཁྲོ་རྒྱལ།
༢༠༡༧-༤-༢༨ཉིན་ལ་སྤེལ།
|