གངས་ལྗོངས་འཇིགས་མེད་ཤེས་རིག་ནོར་བུའི་སློབ་གླིང་གི་སྐབས་བཅོ་བརྒྱད་པའི་མཐར་ཕྱིན་འཛིན་གྲྭ་སྟེ་བོད་མི་རྣལ་མའི་རུ་དཔུང་གི་སློབ་མ་༥༤ མ་ཡུམ་སློབ་གླིང་ནས་མཐར་ཕྱིན་རྗེས་མུ་མཐུད་དུ་ནུབ་བྱང་མི་རིགས་སློབ་ཆེན་དུ་སློབ་གཉེར་བྱས་ཤིང་། དེ་ལས་སློབ་མ་༣༥ ཡིས་ཆེད་སྦྱོང་བཏོན་རྗེས་སླར་ཡང་དངོས་གཞི་བཏོན་ཏེ་དེ་རིང་ཚང་མ་རྒྱལ་ཁ་དང་གཟི་བརྗིད་ཀྱི་ངང་ནས་སློབ་མཐར་ཕྱིན། སྤྱི་ཟླ་བཞི་བའི་ཚེས་༢༣ དང་། ༢༤ གཉིས་ལ་ནུབ་བྱང་གི་སློབ་ཁུལ་གསར་རྙིང་གཉིས་སུ་སློབ་མ་བཅུ་གསུམ་གྱིས་རང་རང་གི་མཐར་ཕྱིན་དཔྱད་རྩོམ་བརྗོད་གཞིར་བཟུང་ནས་དམ་བཅའ་བཞག ཁོ་ཚོ་ཚང་མར་སྨྲ་བརྗོད་དག་ཅིང་སྤོབས་པ་མཐོ་བ་དང་། ལྷག་པར་དུ་སློབ་བུ་ངག་དབང་ཤེས་རབ་ཀྱིས་མཚོན་པའི་སློབ་གྲོགས་རེ་ཟུང་ལ་དཔྱད་བརྗོད་དགེ་རྒན་རྣམ་པའི་བསྔགས་བརྗོད་ཀྱང་ཐོབ།

ཐེངས་འདིའི་མཐར་ཕྱིན་དཔྱད་རྩོམ་གྱི་ཁ་བྱང་གཤམ་དུ་བཀོད་པ་ལྟར།

དཔྱད་རྩོམ་སྒྲོག་སྦྱོང་བྱེད་ཀྱིན་པ།

དཔྱད་རྩོམ་སྒྲོག་སྦྱོང་བྱེད་ཀྱིན་པ།

མཐར་ཁོ་ཚོའི་མཛའ་བརྩེ་མཚོན་ཕྱིར་ལྷན་འཛོམས་ཀྱི་དགྱེས་སྟོན་རོལ་ནས་ལོ་ངོ་འདི་དག་གི་རིང་ལ་སོ་སོའི་སློབ་སྦྱོང་གི་ཉམས་མྱོང་དང་དཀའ་ངལ་སོགས་སྦ་གསང་མེད་པར་གླེང་མོལ་བྱས་པ་མ་ཟད། མ་འོངས་པའི་ཕུགས་བསམ་ལ་གྲོས་ཁ་དང་དམ་བཅའ་བཞག་རྗེས་གནས་སྐབས་སོ་སོར་གྱེས།

རྒྱལ་ཁའི་འབོད་པ།

བརྩེ་བའི་ལག་རྡང་།

རེ་བའི་མཛུམ་མདངས།

མཐར་ཕྱིན་མཉམ་པར།

           གསར་འགོད་པ་ཐེབ་པད་གྲོལ་གྱིས་༢༠༡༧-༤-༢༥ ཉིན་ནུབ་བྱང་མི་རིགས་སློབ་ཆེན་ནས་བྲིས།