རྒྱའི་གནའ་བོའི་མཁས་པ་འགའི་ལེགས་བཤད།
中国古贤德之名言
བཛྲ་ཚུལ་ཁྲིམས་རྒྱ་མཚོས།
班字尔慈智加措
孔子曰：“德薄而位尊，智小而谋大，力小而任重，鲜不及矣！”
ཡོན་ཏན་མེད་པར་གོ་ས་མཐོ་བ་དང་།།བློ་གྲོས་མེད་པར་ཇུས་ཆེན་བྱེད་པ་དང་།།སྟོབས་ཤུགས་མེད་པར་ལྗིད་མོ་འཁུར་འདོད་རྣམས།།ཕུང་བའི་རྒྱུ་རུ་དམ་པ་ཁུང་ཙིས་གསུངས།།
老子曰：“五色令人目盲，五音令人耳聋，五味令人口爽。”
གཟུགས་རྣམ་ལྔ་ཡིས་མིག་ཟུང་ལོང་བར་བྱེད།།སྒྲ་རྣམ་ལྔ་ཡིས་རྣ་བ་འོན་པར་བྱེད།།རོ་རྣམ་ལྔ་ཡིས་མྱོང་ཚོར་ཉམས་བྱེད་ཅེས།།ཏོ་ལུགས་སྟོན་པ་ལོ་ཙིས་གསུངས་པ་ཐོས།།
孔子曰：“其身正，不令而行；其身不正， 虽令不从。”
རང་ཉིད་དྲང་ན་བཀའ་ཡིས་མ་བསྐུལ་ཀྱང་།།འབངས་མི་ངང་གིས་འདུ་ཞིང་རང་ཉིད་ཀྱི།།ཀུན་སྤྱོད་འཁྱོག་ན་བཙན་པོའི་བཀས་བསྐུལ་ཡང་།།ཉན་པར་མི་འགྱུར་ཞེས་ནི་ཁུང་ཙིས་གསུངས།།
墨子曰：“慧者心辩而不繁说，多力而不伐功，此以名誉扬天下。”
བློ་གྲོས་ཆེ་རྣམས་སེམས་ནས་ཤེས་ན་ཡང་།།སྨྲ་བ་མི་མང་དོན་ལ་འབད་པ་དང་།།རང་བསྟོད་མི་བྱེད་འདི་ཡིས་འཇིག་རྟེན་དུ།།མཚན་སྙན་འབར་བར་འགྱུར་ཞེས་མོའུ་ཙིས་གསུངས།།
老子认为：“合抱之木， 生于毫末；九层之台， 起于累土；千里之行，始于足下。”
རབ་རྒྱས་ལྗོན་ཤིང་མྱུག་ཆུང་ནང་ནས་སྐྱེས།།མཐོན་པོའི་སྟེགས་ཀྱང་ས་འཇིམ་ཆུང་ངུས་བརྩིགས།།ཤུལ་རིང་བྱང་ལམ་གོམ་པས་འཛད་དོ་ཞེས།།རྒྱ་ལུགས་བོན་སྟོན་ལོ་ཙིའི་གཞུང་ནས་མཐོང་།།
南宋陆游说：“古人学问无遗力，少壮工夫老始成。纸上得来终觉浅，绝知此事要躬行。”
གནའ་མིས་ཤེས་ཡོན་བརྩོན་པ་དྲག་པོས་སློབ།།གཞོན་དུས་བསླབ་ན་རྒན་དུས་གྲུབ་འབྲས་མཐོང་།།ཡི་གེ་ཙམ་ལ་འཆེལ་བ་མི་ཟབ་ཅིང་།།ཤེས་ནས་ལག་བསྟར་དགོས་ཞེས་ལུའུ་ཡོའུ་འདོད།།
|