རི་མོ་བ་བསྟན་འཛིན་ནོར་བུ་དང་ཁོང་གིས་བྲིས་པའི་ཕ་ཡུལ་དོལ་པོ།

 ཁོང་གི་རི་མོ་བརྩམས་ཆོས་ཁག་གི་བརྗོད་བྱ་ནི་ཆོས་ལུགས་རྐྱང་རྐྱང་མ་ཡིན་པར་མང་ཆེ་བ་ནི་རི་བོ་ཧི་མ་ལ་ཡའི་རྒྱུད་དུ་གནས་བའི་འབྲོག་པ་ཚོའི་རྒྱུན་ལྡན་འཚོ་བ་མཚོན་པར་བྱས་ཡོད།

ཕ་ཡུལ་ནི་བླ་མ་བསྟན་འཛིན་ནོར་བུའི་སྨྱུག་ཁའི་ཆེས་གསོན་ཉམས་དོད་པའི་ནང་དོན་དེ་ཡིན་ཞིང་། ཁོང་གི་རི་མོའི་ཁྲོད་དོལ་པོ་ནི་ལྷའི་མགོན་སྐྱབས་དང་སངས་རྒྱས་བསྟན་པའི་འོད་སྣང་འཕྲོས་པའི་ཡུལ་གྲུ་ཞིག་ཡིན་པ་མ་ཟད། མི་རྣམས་ཀྱིས་རང་དབང་རང་མོས་ཀྱིས་ངལ་རྩོལ་བྱེད་པ་དང་། བརྩེ་དུང་ལ་རོལ་བ། མི་རྒྱུད་སྐྱེད་སྲིང་བྱེད་པ། རང་བྱུང་ཁམས་དང་ཕྱི་ནང་གཅིག་ཏུ་འདྲེས་བའི་གནས་མཆོག་ཅིག་ཀྱང་ཡིན།

 ཕྱི་རོལ་དུ་བཟོ་ལས་དང་ཨར་འདམ་གྱིས་འཇབ་རྒོལ་ཐེབས་བཞིན་པའི་སྐབས་སུ་རི་ཀླུང་ཁྲོད་ཀྱི་དོལ་པོའི་ཡུལ་དུ་སྔར་བཞིན་ལྷད་མེད་ཀྱི་སྲོལ་རྒྱུན་བོར་མེད།

གློག་བརྙན་༼ཧི་མ་ལ་ཡའི་༽འཁྲབ་ཁྲིད་པ་Eric Vallyཡིས་སྔོན་གྱི་དུས་སུ་དོལ་པོའི་རིག་གནས་ནི་དགུན་གྱི་ཁ་བ་བཞིན་རིམ་གྱིས་ཞུ་བཞིན་ཡོད། གལ་ཏེ་ང་ཚོས་མཉམ་དུ་གློག་བརྙན་འདི་ཕབ་སྐྲུན་བྱས་པ་ཡིན་ན། རྗེས་ཕྱོགས་སུ་ང་ཚོའི་བུ་རབས་ཚ་རྒྱུད་ཀྱིས་གློག་བརྙན་འདི་བརྒྱུད་ནས་མེས་པོ་ཚོ་འཚོ་གནས་བྱས་མྱོང་བའི་ཡུལ་གྲུ་དེ་མཐོང་ཐུབ་ཅེས་བཤད་མྱོང་བ་བཞིན། ང་ཚོས་བླ་མ་བསྟན་འཛིན་ནོར་བུའི་རི་མོ་ཁག་ལས་ཀྱང་དོལ་པོའི་ཡུལ་གྱི་བོར་ཟིན་པ་དང་འབོར་བཞིན་པའི་སྲོལ་རྒྱུན་དང་རང་བྱུང་ཁམས་ཆེན་མོ་མཐོང་ཐུབ་བོ།།

རྩོམ་ཁུངས། དྲྭ་ལམ་འཕྲིན་སྟེགས་ལས་བཏུས།