རྨོངས་སེལ་མཐུན་ཚོགས་ཀྱིས་བསྒྲུབས་པའི་༢༠༡༦ལོའི་གསབ་སྦྱོང་། 

   ཀན་ལྷོ་རྨ་ཆུ་དབལ་པཎ་༼རྨོངས་སེལ་མཐུན་ཚོགས་༽ནི་རྨ་ཆུའི་དབན་པཎ་ཚང་ནས་༢༠༠༦ ལོར་འཚར་ལོངས་བྱུང་ཞིང་ལོ་དེ་ནས་ ༢༠༡༧ ལོའི་བར་ལོ་རེར་དམངས་ཚོགས་ཁྲོད་ནས་སྤྱིར་ཀ་ཁའི་མགོ་རྟིང་ཙམ་མི་ཤེས་པ་དག་བསྡུས་ནས་བོད་ཡིག་སྦྱོར་ཀློག་དང་དག་ཡིག རྒྱ་ཡིག་སྒྲ་སྦྱོར། རྩིས་རིག་འཐེན་བགོ་སྒྱུར་གསུམ་སོགས་གཙོ་བྱས་ཉེར་མཁོའི་རིགས་ཉིན་བཅོ་ལྔ་ལ་ཁྲིད་དང་འཁྲིད་ཀྱིན་ཡོད། ད་ལྟའི་བར་མ་ཡུམ་༼གངས་ལྗོངས་ཤེས་རིག་ནོར་བུའི་སློབ་གླིང་༽གི་མཐར་ཕྱིན་པ་དང་ཕྱིན་འགྱུར་གྱི་སློབ་མ་དག་དང་། ཕ་ཡུལ་གྱི་སློབ་ཆེན་པ་རྣམས་གཙོ་བྱས་ལོ་བཅུ་གཉིས་རིང་གསབ་སྦྱོང་འདིའི་སྣེ་ཁྲིད་བྱས་དང་བྱེད་བཞིན་ཡོད། ཐེངས་འདིའི་ངེད་དབལ་པཎ་རྨོངས་སེལ་མཐུན་ཚོགས་ཀྱིས་གསབ་སྦྱོང་སྐབས་བཅུ་གཉིས་པ་ ༢༠༡༧. ལོར་སྤྱི་ཟླ་ ༡.ཚེས ༢ ཉིན་ནས་དངོས་སུ་སློབ་འགོ་ཚུགས། ད་ལོར་ལོ་རེ་དང་མི་འདྲ་བར་ས་གནས་འདིའི་དམངས་ཚོགས་གཞིར་བཞག་གིས་གསབ་སྦྱོང་ལ་ཞུགས་མཁན་ཀླུ་ཆུ་དང་། མགོ་ལོག དངུལ་རྭ་ལྷ་སྡེ་སོགས་ནས་མི་རེ་ཟུང་ཡོད།  ཐེངས་འདིར་སློབ་མ་བརྒྱད་ཅུ་ལྷག་ཡོད་ལ་སྦྱངས་འབྲས་ཀྱང་ལོ་སྔོན་མ་དག་བསྡུར་ན་ཡར་ཐོན་དང་འཐུས་སྒོ་ཇེ་ལེགས་སུ་འགྲོ་བཞིན་འདུག ད་ལོ་ནས་ངེད་ཚོགས་པས་ཡིག་རྨོངས་སེལ་བའི་ལག་རྟགས་ཟེར་བའི་དཔང་ཡིག་ཅིག་སྤྲད་ཡོད། དེ་ནི་ངེད་གསབ་སྦྱོང་ལ་ཞུགས་ནས་གསལ་བྱེད་ནས་དག་ཡིག་བར་ལོ་རེར་ཡོང་ནས་འབྲི་ཀློག་ལ་བྱང་ཆུབ་པ་དང་དག་ཡིག་ཀྱང་གང་ལ་གང་འཚམས་ཤིག་ངེས་པ་དག་ལ་སྤྲད་ཡོད། སྤྱིར་གཟེངས་རྟགས་དང་དཔང་ཡིག་ཙམ་མ་ཡིན་པ་སོ་སོའི་དུས་རབས་ཤིག་གི་གོམ་ཁ་འདིར་རང་སྐད་རང་ཡིག་གི་བརྡ་དག་མ་ཤེས་ན་མི་རིགས་གཞན་གྱིས་བོད་ཀྱི་རིགས་གནས་བཅུའི་ཉིང་བཅུད་ཆུང་བ་གསལ་བྱེད་ནས་ཆེ་བ་མདོ་དང་བསྟན་བཅོས་ལ་སོགས་པ་སྦྱངས་བཞིན་མཆིས། ཡིན་ཡང་ཡིག་རྨོངས་པའི་སྡེ་དག་ལ་དགོས་མཁོ་སྐོང་ཕྱིར་དང་སྐུལ་སློང་ཞིག་གི་ཚུལ་དུ་ཕུལ་དང་འབུལ་རྩིས་ཡོད་དོ། །

 རྨོངས་སེལ་མཐུན་ཚོགས་ཀྱི་ཚོགས་མིའི་མཉམ་པར། 

དགའ་རྟགས་ཐོབ་པའི་སློབ་གྲོགས་ཡོངས།  

མཇུག་བསྡུའི་མཛད་སྒོའི་སྤྲོ་འཛུམ། 

 དག་ཡིག་འཛིན་གྲྭའི་དགེ་སློབ་མཉམ་པར། 

རྨོངས་སེལ་དཔང་ཡིག་ཐོབ་པའི་སློབ་མ་དག 

སྦྱོར་ཀློག་འཛིན་གྲྭ་དང་བོའི་དགའ་རྟགས་ཐོབ་སའི་སློབ་མ་དག 

སྦྱོར་ཀློག་འཛིན་གྲྭ་གཉིས་པའི་དགའ་རྟགས་ཐོབ་སའི་སློབ་མ་དག 

དག་ཡིག་འཛིན་གྲྭའི་དགའ་རྟགས་ཐོབ་སའི་སློབ་མ་དག  

ལོ་གཅིག་གི་སྤྱི་སྡོམ་ཚོགས་འདུ།