སྲིད་པ་ཆགས་གླུ་དང་བ་ཆུང་བཤའ་གླུ།

སྲིད་པ་ཆགས་གླུ་དང་བ་ཆུང་བཤའ་གླུ།
       སྲིད་པ་ཆགས་གླུ་ནི་འདི་ལྟར།


དང་མ་སྲིད་པ་ཆགས་དུས་གི། །

གནམ་ས་གཉིས་ཀ་འདྲེས་བསྡད་ཡོད།།

གནམ་ས་ཕྱེ་ནོ(མཁན)སུ་ཡིན་ཤོད།།

དང་མ་སྲིད་པ་ཆགས་དུས་གི །

ཉིན་སྲིབ་གཉིས་ཀ་འདྲེས་བསྡད་ཡོད།།ཉི

ན་སྲིབ་ཕྱེ་ནོ་སུ་ཡིན་ཤོད།།
ཅེས་པའི་ལན་དུ།
དང་མ་སྲིད་པ་ཆགས་དུས་གི །

གནམ་ས་གཉིས་ཀ་འདྲེས་བསྡད་ཡོད།

ནམ་ས་ཕྱེ་ནོ་ཁྱུང་ཆེན་རེད། །

དང་མ་སྲིད་པ་ཆགས་དུས་གི །

ཉིན་སྲིབ་གཉིས་ཀ་འདྲེས་བསྡད་ཡོད།

ཉིན་སྲིབ་ཕྱེ་ནོ་ཉི་མ་རེད།།

སྲིད་པའི་བ་ཆུང་བཤའ་གླུ་རུ།
སྲིད་པའི་བ་ཆུང་བཤའ་དུས་གི །

བ་མགོ་བླངས་ནས་གང་ལ་བཞག།

མ་ཤེས་གླུ་བར་དྲིས་ནི་ཡིན། །

སྲིད་པའི་བ་ཆུང་བཤའ་དུས་གི །བ

་རྔ་བླངས་ནས་གང་ལ་བཞག།

མ་ཤེས་གླུ་བར་དྲིས་ནི་ཡིན།།

སྲིད་པའི་བ་ཆུང་བཤའ་དུས་གི།

བ་ཀོ་བླངས་ནས་གང་ལ་བཞག།

མ་ཤེས་གླུ་བར་དྲིས་ནི་ཡིན།
ཞེས་པའི་ལན་དུ།
སྲིད་པའི་བ་ཆུང་བཤའ་དུས་གི།

བ་མགོ་བླངས་ནས་ཐོད་ལ་བཞག།

ཐོད་འབུར་འབུར་ཡིན་ནོ་གན་(དེ)གིས་རེད།།

སྲིད་པའི་བ་ཆུང་བཤའ་དུས་གི།།

བ་རྔ་བླངས་ནས་ལམ་ལ་བཞག།

ལམ་འཁྱོག་ཆ་ཆེ་ནོ་གན་གིས་རེད།།

སྲིད་པའི་བ་ཆུང་བཤའ་དུས་གི།

བ་ཀོ་བླངས་ནས་ཐང་ལ་གཏིང་།།ཐ

ང་བདེ་བདེ་ཡིན་ནོ་གན་གིས་རེད།།
ཅེས་དང་།ཡང་།
སྲིད་པའི་བ་ཆུང་བཤའ་དུས་གི།

བ་ཤ་དྲི་ཞིག་བོར་སོང་ཟིག།

རྐུ་གི་རྐུན་མ་སུ་ཞིག་རེད།

མ་ཤེས་གླུ་བར་དྲིས་ནི་ཡིན།།

སྲིད་པའི་བ་ཆུང་བཤའ་དུས་གི།

བ་ཚིལ་དྲི་ཞིག་བོར་སོང་ཟིག།

རྐུ་གི་རྐུན་མ་སུ་ཞིག་རེད།།

མ་ཤེས་གླུ་བར་དྲིས་ནི་ཡིན།

སྲིད་པའི་བ་ཆུང་བཤའ་དུས་གི།

བ་ཁྲག་དྲི་ཞིག་བོར་སོང་ཟིག།

རྐུ་གི་རྐུན་མ་སུ་ཞིག་རེད།།

མ་ཤེས་གླུ་བར་དྲིས་ནི་ཡིན།
ཞེས་པའི་ལན་དུ།
སྲིད་པའི་བ་ཆུང་བཤའ་དུས་གི །

བ་ཤ་དྲི་ཞིག་བོར་སོང་ཟིག།

རྐུ་གི་རྐུན་མ་བྱ་ཕོ་རེད།།

རྐུ་མ་ཤེས་བྱ་ཕོའི་མགོ་ན་ཡོད།།

སྲིད་པའི་བ་ཆུང་བཤའ་དུས་གི།

བ་ཚིལ་དྲི་ཞིག་བོར་སོང་ཟིག།

རྐུ་གི་རྐུན་མ་སྐྱ་ག་རེད།།

རྐུ་མ་ཤེས་སྐྱ་གའི་ཕོ་ན་ཡོད།།

སྲིད་པའི་བ་ཆུང་བཤའ་དུས་གི།།

བ་ཁྲག་དྲི་ཞིག་བོར་སོང་ཟིག།

རྐུ་གི་རྐུན་མ་ལྕུང་ག་རེད།།

རྐུ་མ་ཤེས་ལྕུང་གའི་མཆུ་ན་ཡོད།།

           བོད་ཀྱི་རྩོམ་རིག་བྱུང་འཕེལ་གྱི་ལོ་རྒྱུས་དང་ཁྱད་ཆོས་ལས་གསར་འགོད་པ་སེར་སྐོར་འཇམ་ཚེས་བཤུས།


རྩོམ་སྒྲིག་པ།:   བན་ཤུལ་འཇམ་དབྱངས། སྤེལ་དུས:   2016-11-23 ལྟ་ཀློག (1699)