མཚོ་སྔོན་ཞིང་ཆེན་ཚད་མ་རིག་པའི་ལྷན་ཚོགས་དབུ་བརྙེས་པའི་མཛད་སྒོ་དང་ཚད་མ་རིག་པའི་བགྲོ་གླེང་ཚོགས་འདུ་ཟི་ལིང་གྲོང་ཁྱེར་དུ་འཚོགས་པ།

   མཚོ་སྔོན་ཞིང་ཆེན་ཚད་མ་རིག་པའི་ལྷན་ཚོགས་དབུ་བརྙེས་པའི་མཛད་སྒོ་2016ལོའི་ཟླ་11པའི་ཚེས་5ཉིན་སྔ་དྲོའི་དུས་ཚོད་བརྒྱད་དང་ཕྱེད་ཀའི་སྟེང་ཟི་ལིང་གྲོང་ཁྱེར་ཙོང་ཁ་དགོན་པར་འཚོགས། 
མཚོ་སྔོན་ཞིང་ཆེན་འབྲེལ་སྲིད་གྲོས། འཐབ་དྲིལ་པུའུ། ཆོས་ལུགས་ཅུའུ་སོགས་ཀྱི་མི་སྣ་ཚོགས་འདུར་ཞུགས་ཤིང་།  མཚོ་སྔོན་མི་རིགས་སློབ་ཆེན་དང་། མཚོ་སྔོན་དགེ་ཐོན་སློབ་ཆེན་སོགས་ཀྱི་ཚད་མའི་སློབ་དཔོན་ཆེན་མོ་དང་།དགོན་སྡེ་སོ་སོའི་དགེ་བཤེས་བཅས་མི་སྣ་དྲུག་ཅུ་རེ་ལྔ་བཅས་ཚོགས་ཤིང་། ཐོག་མར་ཆོག་མཆན་དང་ཡིག་ཆ་བསྒྲགས་ཤིང་། བློ་འདྲི་ས་དང་། ཚོགས་གཙོ་དང་ཚོགས་གཙོ་གཞོན་པ། རྒྱུན་ལས་ཚོགས་གཙོ་བཅས་འདེམས།

  ཕྱི་དྲོ་ཚོགས་ཆུང་གསུམ་བགོས་ཏེ་གྲུབ་མཐའ་རིས་མེད་དང་སྐྱ་སེར་རིས་མེད།ཕོ་མོ་རིས་མེད་ཀྱིས་རང་རང་གི་དགོངས་ཚུལ་བཞིན་བོད་ཀྱི་ཚད་མ་རིག་པར་ཞིབ་འཇུག་དང་སློབ་གཉེར་བའི་མྱོང་བ། སློབ་ཁྲིད་ཀྱི་མྱོང་བ།དར་སྤེལ་གྱི་ཁ་ཕྱོགས་སོགས་ཐད་དུ་རང་གི་དགོངས་ཚུལ་སྦ་གསང་མེད་པར་བརྗོད་དེ་ཕྱི་དྲོ་དུས་ཚོད་དྲུག་སྟེང་བདེ་བླག་ངང་གྲོལ།

མཚོ་སྔོན་ཞིང་ཆེན་ཚད་མ་རིག་པའི་ལྷན་ཚོགས་དབུ་བརྙེས་པའི་མཛད་སྒོའི་སྟེང་ཞུགས་པའི་དགོན་པ་སོ་སོའི་འཐུས་ཚབ་མི་སྣ།

ཚད་མ་རིག་པའི་བགྲོ་གླེང་ཚོགས་འདུའི་ཡུལ་དངོས།

མཚོ་སྔོན་ཞིང་ཆེན་ཚད་མ་རིག་པའི་ལྷན་ཚོགས་དབུ་བརྙེས་པའི་མཛད་སྒོའི་སྟེང་ཞུགས་པའི་ཚོགས་མི་ཡོངས་ཀྱི་མཉམ་པར།

གསར་འགྱུར་མཁོ་སྤྲོད་པ། གསར་འགོད་པ།  རྒྱ་འདུ་སངས་རྒྱས།