2016ལོའི་ཟླ་10ཚེས2ཉིན་ཀྱི་དགོང་མོར་ལྕམ་སྲིང་ལྷུག་རྩོམ་འགྲན་བསྡུར་གྱི་བྱ་འགུལ་སྤེལ་བ། ནུབ་བྱང་མི་རིགས་སློབ་གྲྭ་ཆེན་མོའི་དགེ་རྒན་དཔལ་མོ་དང་མཚོ་སྔོན་ཞིང་ཆེན་སློབ་གསོ་ཐེན་གྱི་དགེན་མཁའ་མོ་རྒྱལ། གཞན་ནུབ་བྱང་སློབ་ཆེན་གྱི་ཞིབ་འཇུག་སློབ་མ་སྐོར་ཞིག་གིས་རྩོམ་ཡིག་བརྒྱ་ཕྲག་ཅིག་ལས་ལྷུག་རྩོམ་ཉི་ཤུ་བདམས་ཐོན་བྱུང་སྟེ། ཨང་རིམ་བཀར་ནས་ཞིབ་འཇུག་སློབ་མ་གཅོད་པ་མཚོ་དང་རྣམ་རྒྱལ་མཚོ་གཉིས་དགེན་དཔལ་མོ་དང་དགེན་མཁའ་མོ་རྒྱལ་གཉིས་ཀྱི་ཚབ་བྱས་ཏེ་ལན་ཀྲུ་ནས་ཆེད་དུ་ངེད་སློབ་གླིང་ལ་ཕེབས་ནས་བོད་ཀྱི་རྩོམ་ཡིག་གི་འགན་ཁྲི་དང་བོད་ཀྱི་བུ་མོའི་རྩོམ་ཡིག་གི་འགན་ཁྲིའི་སྐོར་ནས་གཏམ་བཤད་གནང་བར་མ་ཟད།  སློབ་བུ་ཉི་ཤུ་ལ་བྱ་དགའ་གནང་། རང་སློབ་གྲྭའི་གླུ་མ་ལས་དབང་ལྷ་མོ་དང་ཡེ་ཤེས་ཆོས་སྒྲོན་སོགས་གླུ་མ་སྐོར་ཞིག་གིས་གླུ་དབྱངས་དང་རིག་རྩལ་གྱིས་རྟེན་འབྲེལ་ཞུས། ངེད་སློབ་གྲྭའི་སློབ་གཙོ་ཡུལ་ལྷ་ལགས་དང་སློབ་སྟོན་པ་དགེ་རྒན་བཀྲ་ཤིས་ཚེ་རིང་གཉིས་ཀྱིས་ཀྱང་དགེ་སློབ་དྲུག་བརྒྱ་ལྷག་གི་ཚབ་བྱས་ཏེ་དགེ་རྒན་དཔལ་མོ་དང་མཁའ་མོ་རྒྱལ། ཞིབ་འཇུག་སློབ་མ་ཁོ་ཚོའི་བསམ་དོན་ཡིད་བཞིན་དུ་འགྲུབ་ཅིང་སྐྱིད་ལ་དགེ་མཚན་འབྱུང་བའི་སྨོན་པ་དང་བཀའ་དྲིན་ཞུས།

སྐབས་ལྔ་བའི་ལྕམ་སྲིང་ལྷུག་རྩོམ་འགྲན་བསྡུར་ཁྲོད་སློབ་སྟོན་པ་དགེ་རྒན་བཀྲ་ཤིས་ཚེ་རིང་ལགས་ཀྱིས་གཏམ་བཤད་གནང་བཞིན་པ།

སྐབས་ལྔ་བའི་ལྕམ་སྲིང་ལྷུག་རྩོམ་འགྲན་བསྡུར་ཁྲོད་བྱ་དགའ་ཐོབ་པའི་སློབ་བུ་ཡོངས།

སྐབས་ལྔ་བའི་ལྕམ་སྲིང་ལྷུག་རྩོམ་འགྲན་བསྡུར་ཁྲོད་ཞིབ་འཇུག་སློབ་མ་གཅོད་པ་མཚོ་དང་རྣམ་རྒྱལ་མཚོ་གཉིས་ཀྱིས་སློབ་མ་ཚོར་བོད་ཀྱི་བུ་མོའི་འགན་འཁྲི་གླེང་བཞིན་པ།

གླུ་མ་ལས་དབང་ལྷ་མོའི་ངག་གི་འགྱུར་ཁུགས་ཀྱིས་རྟེན་འབྲེལ་ཞུ་བཞིན་པ།

གསར་འགོད་པ། དཀར་མོ་ཡེ་ཤེས།